२ अर्बमा राष्ट्रबैंकको नयाँ भवन, राष्ट्रपतिले गरिन् शिलान्यास

/assets/plugins/bower_components/fileman/Uploads/post_images/2019, January/June/rastra_bank_nepal.jpg

काठमाडौं- नेपाल राष्ट्र बैंकको नयाँ बन्न लागेको भवनको सोमबार राष्ट्रपति विद्यादेवी भण्डारीले शिलान्यास गरेकी छिन् । 

शिलान्यास कार्यक्रममा राष्ट्रपति भण्डारीले नेपाल राष्ट्र बैंकलाई जनताप्रति जवाफदेही हुन आग्रह गरिन् । उनले राष्ट्र बैंकले ल्याउने मौद्रिक नीतिले सरकारको वित्तिय नीतिलाई सहयोग गर्ने र उत्पादन बृद्धिमा बल पुग्ने खालको ल्याउन सुझाव दिइन् । 

उनले जनताले आधारभूत बैंकिङ सेवा पाउनुपर्ने र त्यसको सुनिश्चितता राष्ट्र बैंकले गर्नुपर्ने धारणा राखिन् । 

https://www.nicasiabank.com/
राष्ट्र बैंकको नयाँ भवन ललितानिवासको स्वरुपमा २ अर्ब ८ करोडको लागतमा बन्ने छ । राष्ट्रिय पुनर्निर्माण प्राधिकरणले बनाउने लागेको सो भवन ५ हजार ३२ वर्ग मिटर क्षेत्रफल रहेको छ ।

भवन निर्माणको जिम्मा प्राधिकरण मार्फत सिको समानान्तर जेभीले पाएको छ । भवन २०७८ भदौ सम्ममा सम्पन्न गरिने प्राधिकरणका सिइओ सुशील ज्ञवालीले जानकारी दिए । राष्ट्र बैंकको मुख्य भवन २०७२ बैशाख १२ गते गएको महाभुकम्पले भत्किएको थियो । 

यसअघि राष्ट्र बैंकको भवन बनाउने जिम्मा पप्पु कन्ट्रक्सनले पाएको थियो तर पप्पु कालोसुचीमा परेपछि राष्ट्र बैंकले उसलाई हटाएर प्राधिकरणलाई नै जिम्मा दिएको थियो ।

प्रतिक्रिया