रोहित र भिमको उत्कृष्ट साझेदारीले नेपाल फाइनलमा 

/assets/plugins/bower_components/fileman/Uploads/Rohit_Paudel_cricketer.jpg

काठमाडौं- घरेलु टोली मलेसियालाई पराजति गर्दै नेपाल इस्र्टन रिजन यू-१९ एसिया कप छनोटको फाइनलमा प्रवेश गरेको छ । सोमबार भएको सेमिफाइनल खेलमा मलेसियालाई ७ विकेटले पराजित गर्दै नेपाल फाइनल प्रवेश गरेको हो । 

मलेसियाले दिएको ८८ रनको झिनो लक्ष्य पछ्याएको नेपालले १५.५ ओभरमा मात्र ३ विकेट गुमाउँदै लक्ष्य भेट्टाएको हो । लक्ष्य पछ्याउने क्रममा खराव सुरुवात गरेको नेपालले ६.३ ओभरमा मात्र ३० रन पुग्दा तीन विकेट गुमाएको थियो । पहिलो विकेटको रुपमा १८ रनमा खेली रहेका पवन सराफ हैकल मोहद खाइरको बलमा क्याच आउट हुँदै पेभिलियन फर्किए । 

त्यस पछि ३ रन जोडेका अर्को ओपनर ब्याट्सम्यान रित गौतम हैकल मोहद खाइरकै बलमा क्याचआउट भए । तेस्रो विकेटको रुपमा नेपालले खडक बहादुर बोहरालाई शुन्य रनमा गुमायो ।

तर, तेस्रो नम्बरमा मैदान प्रवेश गरेका कप्तान रोहित कुमार पौडेल र पाँचौ स्थानमा मैदान प्रवेश गरेका भिम सार्कीले अविजित ६० रनको साझेदारी गर्दै टोलीलाई जित दिलाए । रोहितले २९ बलमा २ चौका र १ छक्का प्रहार गर्दै ३१ रनको योगदान दिए । त्यस्तै भिमले ३४ बलमा २ चौका र १ छक्का प्रहार गर्दै ३३ रनको जोडे । मलेसियाका लागि हैकल मोहद खाइरले दुई तथा मुहम्मद आमीरले एक विकेट लिए । 

यसअघि टस हारेर पहिले ब्याटिङको निम्तो पाएको मलेसियाले ४०.५ ओभरमा सबै विकेट गुमाउँदै मात्र ८७ रन जोडेको थियो । खराव सुरुवात गरेको मलेसियाका लागि मुहम्मद आमिरले सर्वाधिक २४ रन जोडे । 
https://www.nicasiabank.com/

उनले ३२ बलमा ३ चौकाको मद्दतमा २४ रन जोडेका हुन् । नेपाली बलर सामू खुलेर खेल्न नसकेका मलेसियाका ब्याट्सम्यान हैकल मोहद खाइरले १२, वान अमिरुल जुलकार्नियानले ११ र अहमद अक्मल आलिफले १० रन जोड्दा अन्य ब्याट्सम्यानले दोहोरो अंकमा रन छुन सकेनन् । 

पहिलो ओभरको पाँचौ बलमा १ रन हुदाँ अस्लाम खान मलिकलाई गुमाएको मेसियाले १२ औं ओभरमा टोलीको स्कोर ३८ पुग्दा २४ रनमा खेली रहेका मुहम्मद आमिर कुसल मल्लको बलमा बोल्ड आउट हुँदै पेभिलिएन फर्किए । १३ औं ओभरमा ४६ रन पुग्दा विश्वरुबेन कुमार, १७ औं ओभरमा ४९ रन पुग्दा वान अमिरुल जुलकार्नियान, २१ औं ओभरमा ५३ रन पुग्दा विजय उनी र २३ औं ओभरमा ५५ रन पुग्दा मलेसियाले मोहम्मद आरिफ मोहद युसुपललाई गुमाएको थियो । 

२८ औं ओभरमा ६५ रन पुग्दा तानिस अरोरा, ३३ ओभरमा ७५ रन पुग्दा हैकल मोहद खाइर, ४१ ओरमा ८७ रन पुग्दा अहमद अक्मल आलिफ र सोहि ओभरको पाँचौ बलमा अचिनु हेटिङ्गेलाई गुमाएको थियो । 

मलेसियालाई सस्तैमा समेट्न सागर ढकालले सर्वाधिक तीन विकेट लिए। त्यस्तै कुसल मल्लले दुई तथा तिलक राज भण्डारी र कमल सिंह ऐरी र राशिद खानले एक एक विकेट लिए । अब नेपालले उपाधिका लागि हङकङ र सिंगापुरविबप्चको विजेता टोलीसँग खेल्ने छ ।

प्रतिक्रिया