जारी विश्वकपमा सर्वाधिक रन जोड्ने पाँच खेलाडी

/assets/plugins/bower_components/fileman/Uploads/top_scorer_1_.jpg

एजेन्सी- इंग्ल्यान्डमा जारी एकदिवसीय विश्वकपको क्रिकेटको सेमिफाइनल समिकरण पुरा भएको छ ।

सेसिमफाइन समिकरण पुरा भएसँगै सेमिफाइनमा स्थान बनाउने चार टोलीमात्र नभइ एक अर्काको सेमिफाइनल प्रतिद्वन्द्वीको समेत टुङ्गो लागेको छ ।
 
सहभागी १० टोलीले एक अर्कासँग ९ खेल खेले । जारी विश्वकपमा शीर्ष पाँच खेलाडीले पाँच सय रनको आँकडा पुरा गरेका छन् । हेरौ जारी विश्वकपमा लिग चरणका खेलहरुमा सर्वाधिक स्कोर बनाउने पाँच खेलाडी को को हुन् । 

१. रोहित शर्मा (भारत)
Image result for rohit sharma celebration
भारतका ओपनर ब्याटसम्यान रोहित शर्मा जारी विश्वकपमा पाँच शतक प्रहार गर्ने एक मात्र खेलाडी हुन् । उनी विश्वकपकै इतिहासमा एकै प्रतियोगितामा सर्वाधिक शतक बनाउने पहिलो खेलाडी समेत हुन् । उनले पाँच शतक र १ अर्धशतक बनाउँदै ६४७ रन जोडका छन् । 

उनी जारी विश्वकपमा सर्वाधिक रन बनाउने पहिलो खेलाडी पनि हुने । जारी विश्वकपका लिग चरणका खेल सकिदा रोहितले ९ खेल मध्यबाट ८ खेल खेल्दै ६७ चौका र १४ छक्का प्रहार गरेका छन् । 

जारी विश्वकपमा आफ्नो पहिलो खेल दक्षिण अफ्रीकाविरुद्ध १२२ रनको अविजित पारी खेल्दै प्रतियोगिताको सुरुवामत गरेका रोहितले दोस्रो अष्ट्रेलियासँग ५७ रनको अर्धशतकीय पारी खेलेका थिए । 

त्यस्तै तेस्रो खेलमा पाकिस्तानविरुद्ध १४० रनेको शतकीय पारी खेल्दा अफगानिस्तानविरुद्ध भने १ रनमा मुजीव उर रहमनको बलमा बोल्ड आउट हुँदै पेभिलिएन फर्किएका थिए । 

वेस्टइन्डिजविरुद्धको खेलमा १८ रनमा मैदानबाट बाहिरिएका रोहितले इंग्ल्यान्डसँग १०२, बंगलादेशसँग १०४ र श्रीलंकाविरुद्ध १०३ रनको शतकीय पारी खेल्दै चार शतक पुरा गरेका थिए ।

२. डेभिड वार्नर (अष्ट्रेलिया)
Image result for warner
अष्ट्रेलियाका ओपनर ब्याटिसम्यान डेभिड वार्नर जारी विश्वकपको लिग चरणको खेल सकिदा सर्वाधिक रन जोड्ने खेलाडीको दोस्रो स्थानमा रहेका छन् । उनले लिगका ९ खेलमा ६३८ रन जोड्दै सर्वाधिक रन जोड्ने खेलाडीको दोस्रो स्थानमा रहेका हुन् । 

जारी विश्वकपको एक खेलमा उनको सर्वाधिक रन १६६ रहेको छ । वार्नरले जारी विश्वकपमा ३ शतक र ३ अर्धशतक बनाएका छन्। त्यस्तै ६४ चौका र ८ छक्का समावेश छन् । उनले अफगानिस्तानविरुद्धको खेलमा जारी विश्वकपको सुरुवातन गर्दै ८९ रनको अविजित पारी खेलेका थिए । 

दोस्रो खेलमा वेस्टइन्डिजसँग ३ रनको पेभिलियन फर्किएका वार्नरले तेस्रो खेलमा भारतविरुद्ध ५६ रनको अर्धशतकीय पारी खेले । त्यस्तै पानकिस्तानविरुद्द १०७ रनेको शतकीय पारी खेल्दा श्रीलंकासँग २६ रनमा आउट भए । 

बंगलादेशसँग १६६ रनेको शतकीय पारी खेल्दा १४७ बलमा १४ चौका र ५ छक्का प्रहार गरेका थिए । त्यसपछि इंग्ल्यान्डसँग ५३ रनको अर्धशतकीय पारी खेल्दा न्यसजिल्यान्डसँग १६ र दक्षिण अफ्रीकासँग १२२ रन शतकीय पारी खेले। 

३. शाकिब अल हसन (बंगलादेश)
Image result for shakib al hasan
बंगलादेशका अलराउण्डर तथा तेस्रो नम्बरका ब्याट्सम्यान शाकिब अल हसन जारी विश्वकपमा सर्वाधिक रन बनाउने खेलाडीको तेस्रो स्थानमा छन् । विश्वकपको लिग चरणका ९ खेल मध्यबाट ८ खेल खेल्दै शाकिबले ६०६ रन जोडेका हुन् । 

उनले लिग चरणमा सर्वाधिक ६०६ रन जोड्न २ शतक र पाँच अर्धशतक प्रहार गरेका छन् । उनले लिग चरणका ८ खेलबाट ६० चौका र २ छक्का प्रहार गरे । जारी विश्वकपको एकै खेलमा उनको सर्वाधिक स्कोर अविजित १२४ रनको छ । 

शाकिबले पहिलो खेलमा दक्षिण अफ्रीकाविरुद्ध ७५ रनको अर्धशतकीय पारी खेलेका थिए । उनले ८४ बलमा ८९ चौका र १ छक्का प्रहार गर्दै ७५ रनको पारी खेलेका थिए । त्यस्तै न्युजिल्यान्डसँगको खेलमा ६४ रनको अर्धशतकीय पारी खेल्दा इंग्ल्यान्डसँगको तेस्रो खेलका १२१ रनको शतकीय पारी खेलेका थिए । 

उक्त खेलमा ११९ बल खेल्दै १२ चौका र १ छक्का प्रहार गरेका थिए । वेस्टइन्डिजविरुद्धको खेलमा १२४ रनको अविजित पारी खेल्दा ९९ बलमा १६ चौका प्रहार गरे । 

त्यसपछि अष्ट्रेलियासँग ४१ रनको पारी खेल्दा अफगानिस्तानसँग ५१, भारतसँग ६६ र अन्तिम खेलमा पाकिस्तानसँग ६४ रनको अर्धशतकीय पारी खेले । उनले ८ खेलमा ११ विकेट समेत लिएका छन् ।

४. आरोन फिन्च (अष्ट्रेलिया)
Image result for aaron finch
अष्ट्रेलियाका कप्तान आरोन फिन्च जारी विश्वकपमा सर्वाधिक रन जोड्ने खेलाडीको चौथो स्थानमा छन् । उनले अष्ट्रेलियानका लागि ५०७ रन जोडेका छन् । लिग चरणका ९ खेलमा ५०७ रन जोड्दा फिन्चले २ शतक र ३ अर्धशतक बनाएका छन् । उनको ४७ चौका र १८ छक्का सामेल छन् । 

अफगानिस्तानविरुद्धको खेलमा ६६ रनको अर्धशतकीय पारी खेल्दै सुरुवात गरेका फिन्चले वेस्टइन्डिजविरुद्धको आफ्नो दोस्रो खेलमा ६ रनमा आउट भएका थिए । त्यस्तै भारतसँग ३६ जोड्दा पाकिस्तानसँग ८२ रनको अर्धशतकीय पारी खेलेका थिए । 

श्रीलंकासँगको खेलमा १५३ रनको शतकीय पारी खेल्दा १३२ बलमा १५ चौका र ५ छक्का प्रहार गरेका थिए । त्यसपछि बैगलादेशसँग ५३ रनको अर्धशतकीय पारी खेल्दा आयोजन इंग्ल्यान्डविरुद्ध शतकीय पारी खेले । 

न्युजिल्यान्डसँग ८ रनमा पेभिलिएन फकिएका फिन्चले लिगको अन्तिम खेलमा दक्षिण अफ्रीकाविरुद्ध मात्र ३ रन जोडेका थिए । उनले पाकिस्तानविरुद्ध बलिङ गर्दै १ विकेट समेत लिएका छन् । 

५. जोए रुट (इंग्ल्यान्ड)
Image result for joe root
इंग्ल्यान्डका अलराउण्डर जोए रुट जारी विश्वकप अन्तरगत सर्वाधिक रन जोड्ने खेलाडीको पाँचौ स्थानमा छन् । उनले लिगका ९ खेल खेल्दै २ शतक र ३ अर्धशतक बनाउँदै ५०० रन जोडेका हुन् । लिग चरणका ९ खेलमा रुटले ४७ चौका र १८ छक्का प्रहार गरेका छन् ।
 
दक्षिण अफ्रीकाविरुद्ध विश्वकपको सुरुवात गर्दै ५१ रनको अर्धशतकीय पारी खेलेका रुटले दोस्रो खेलमा पाकिस्तानविरुद्ध १०७ रनको शतकीय पारी खेलेका थिए । त्यस्तै वेस्टइन्डिजविरुद्ध १०० रनमा अविजित रहेका रुटले अफगानिस्तानविरुद्ध ८८ रनको अर्धशतकीय पारी खेले । 

श्रीलंकाविरुद्ध ५७ रनको अर्धशतकीय पारी खेल्दा अष्ट्रेसिलयाविरुद्ध भने ८ रनमा पेभिलियन फकिएका थिए । भारतसँग ४४ र न्युजिल्यान्डविरुद्ध २४ रनको पारी खेलेका थिए । रुटले पाँच विकेट समेत लिएका छन् ।



प्रतिक्रिया