समाजवादी पार्टीका अर्का सांसद ६ महिनाका लागि निलम्बित

/assets/plugins/bower_components/fileman/Uploads/post_images/2019, January/June/pradeep_yadav.jpg

काठमाडौं - उपेन्द्र यादव नेतृत्वको समाजवादी पार्टीका सांसद प्रदिप यादवलाई ६ महिनाका लागि निलम्बन गरिएको छ। पार्टीको केन्द्रीय कार्यकारिणी समितिको बैठकबाट सांसद यादवलाई ६ महिनाका लागि निलम्बन गर्ने निर्णय गरिएको हो।

समाजवादी पार्टीका अर्का सांसद हरिनारायण रौनियार साह यसअघि नै निलम्बित छन्। सांसद यादव लाटभीयाको राजधानी रिगामा भएको ‘इन्टरनेशनल नेटवर्क अफ पार्लियामेन्टेरियन अन फ्रि तिब्बत’को कार्यक्रममा सहभागी भएका थिए।

समाजवादीका सांसद यादव उक्त कार्यक्रममा सहभागी भएको भन्दै चिनियाँ दुतावासले असन्तुष्टि व्यक्त गरेको थियो। त्यसलगतै पार्टीले स्पष्टिकरण सोधेको थियो। 

सांसद यादवले आफूलाई उक्त कार्यक्रमको विषयबस्तु बारे जानकारी नभएको, त्यहाँ पुग्दा मात्र थाहा पाएको बताउँदै आएका छन्। भूलबस कार्यक्रममा सहभागी भएको स्पष्टिकरण दिँदै आएका सांसद यादवलाई कारबाही गरिएको हो।





प्रतिक्रिया