विश्वकप दाबेदार अष्ट्रेलिया र इंग्ल्यान्ड भिड्दै

/assets/plugins/bower_components/fileman/Uploads/post_images/2019, January/June/jos_buttler_england_4678382.jpg

एजेन्सी- विश्वकपको दाबेदारका रुपमा हेरिएका दुई टोली आयोजक इंग्ल्यान्ड र अष्ट्रेलिया आज (मंगलबार) आमने सामने हुँदै छन् । ६ खेलमा चार जित निकालेको इंग्ल्यान्ड अंक तालिकोको चौथो स्थानमा छ । विश्वकपको दाबेदार मानिएको यस टोलीलाई शीर्ष चारमा स्थान बनाउन बाँकी तीन खेलमा दुई खेल जित्नै पर्ने छ । 

तर, इंग्ल्यान्डका लागि त्यो भने त्यती सजिलो छैन् । किनकी इंग्ल्यान्डले अष्ट्रेलिया पछि न्युजल्यान्ड र भारतको सामना गर्दै छ । पछिल्लो २७ बर्ष यता इंग्ल्यान्डले विश्वकपमा अष्ट्रेलिया, न्युजल्यान्ड र भारतसँगै कुनै खेल जितेको छैन् । 

इयोन मोर्गनको कप्तानीमा रहेको इंग्ल्यान्डले पछिल्लो दुई वर्ष यता एकै नासको प्रदर्शन गरिरहेको छ । रोय घाइले हुँदै मैदान बाहिरिनु इंग्ल्यान्का लागि ठुलो क्षती हो। यता अष्ट्रेलियाले जारी विश्वकपमा धमाकेदार प्रदर्शन गरेको छ। 

अष्ट्रेलियाले ६ खेल मध्यबाट ५ खेलमा जित निकाल्दै शीर्ष स्थानमा छ । अष्ट्रेलियाका ओपनर ब्याट्सम्यान लयमा देखीएका छन् । त्यस्तै बलरको पनि प्रदर्शन उच्च रहेको छ । तर, पछिल्लो १० खेलमा हेर्ने हो भने अष्ट्रेलियामाथी इंग्ल्यान्ड हाबी देखीएको छ । 

पछिल्ला १० खेलमा इंग्ल्यान्डले ९ खेलमा जितेको छ । यो खेल दुबै टोलीका लागि धेरै महत्वपूर्ण छ । त्यसैले दुबै टोली खेल आफ्नो पक्षमा पार्ने लक्ष्यका साथ मैदानमा उत्रिने छन् ।



प्रतिक्रिया