१३ वर्षीया बालिकामाथि सामुहिक बलात्कार  

/assets/plugins/bower_components/fileman/Uploads/post_images/April/balatkar_police.jpg

धनगढी- कैलालीको धनगढी उप महानगरपालिका– ७ स्थित पटेला जंगलमा १३ वर्षीया बालिकामाथि सामुहिक वलात्कार भएको छ।

बलात्कारमा संलग्न तिनै जनालाई प्रहरीले प्रक्राउ गरेको छ । पक्राउ पर्नेमा धनगढी– १५ का २४ वर्षिया बिजय चौधरी, सोही ठाउँका ४० वर्षिया झगडु चौधरी र धनगढी उप–महानगरपालिका ७ का कुट्टु चौधरी रहेका छन् । 

शनिवार साँझ घर नजिकै खेली रहेको अवस्थामा मोटरसाईकलमा राखि तीनै जनाले पालैपालो जवरजस्ती करणी गरी वहोस अवस्थामा घर नजिक फालेर फरार भएका थिए । उनीहरुले कसैलाई भने ज्यानमार्ने धम्कि समेत दिएको पीडित बालिकाले बताइन् । 

असह्य पीडा भएपछि पीडितले आफ्नो आमालाई जानकारी गराएपछि आमाले प्रहरीमा जानकारी गराएकी थिइन । उजुरी आएलगत्तै परिचालन भएको प्रहरीले तीनै जनालाइ पक्राउ गरेको छ । 

उनीहरुलाई आईतबार नै कैलाली जिल्ला अदालतबाट म्यादथप गरी थप अनुसन्धान थालेको प्रहरी नायव उपरीक्षक दक्ष कुमार वस्नेतले जानकारी दिए । बालिकाको सेती अस्पतालमा उपचार भईरहेको छ ।




प्रतिक्रिया