गण्डकी प्रदेश : प्रतिपक्षीसँग डराएर प्रदेशसभा पटकपटक स्थगित 

/assets/plugins/bower_components/fileman/Uploads/post_images/2019, January/June/Gandaki_Province.jpg

पोखरा- प्रतिपक्षी दल नेपाली कांग्रेसले संसदमा विरोध गर्ने डरले गण्डकी प्रदेशसभा बैठक पटकपटक स्थगित भइरहेको छ।

आइतबारलाई बोलाइएको प्रदेशसभा बैकठ पनि विनाकारण स्थगित गरिएको हो। बैठक स्थगित गर्ने कारण भने ‘कारणबश’ भनिएको छ।

यसअघि असार ६ गते पनि स्थगन भएर आज दिनको १२ बजेका लागि बैठक बोलाइएको थियो। आज भने अर्को सूचना नआएसम्मका लागि भन्दै स्थगित गरिएको छ।

https://www.nicasiabank.com/
आज दिनको १२ बजेका लागि तोकिएको प्रदेशसभाको बैठक विशेष कारणबस स्थगन गर्नुपर्ने भएकाले गण्डकी प्रदेशसभा, प्रदेशसभा नियमावली २०७४ को नियम ६ को उपनियम (३) बमोजिम अर्को सूचना नभएसम्मका लागि स्थगन भएको सूचनामा उल्लेख गरिएको छ।

प्रदेशसभामा प्रमुख प्रतिपक्षी दल नेपाली कांग्रेसले बजेट वक्तव्यमा समावेश कतिपय कार्यक्रम विनियोजन विधेयकमा समावेश नभएको तथा कतिपय कार्यक्रम दोहोरिएको भन्दै सदन अवरुद्ध गर्ने जनाउ दिएपछि सभामुख नेत्रनाथ अधिकारीले असार ६ गतेको बैठक शुरु नै नगरी स्थगन गरेका थिए।

सोे बैठकमा आर्थिक मामिला तथा योजनामन्त्री किरण गुरुङले अघिल्लो दिन सभामा प्रस्तुत गरेको विनियोजन विधेयक २०७६ माथि विचार गरियोस् भन्ने प्रस्ताव प्रस्तुत गर्ने र सो विधेयकमाथि छलफल प्रारम्भ गर्ने कार्यसूची थियो।
 

प्रतिक्रिया