काठमाण्डौँ महानगरलाई चिनियाँ महानगरको ब्रुमर उपहार

/assets/plugins/bower_components/fileman/Uploads/post_images/2019, January/June/bromer.jpg

काठमाडौं- चीनको छेङ्दु महानगरपालिकाले काठमाडौं महानगरपालिकालाई २ वटा ब्रुमर उपहार दिएको छ । आइतबार काठमाडौंमा ब्रुमर हस्तान्तरण तथा सांस्कृतिक कार्यक्रम सम्पन्न भएको छ ।

कार्यक्रमको मुख्य उद्देश्य छिमेकी देशको साँस्कृतिक आदानप्रदान र ब्रुमर हस्तान्तरण रहेको थियो । छेङ्दुले महानगरलाई दिएका ब्रुमर, युरो ५ मापदण्डका हुन् । महानगरको मेकानिकल शाखाका प्रमुख प्रमोद डंगोलका अनुसार ८.६ मिटर लम्बाइ र ३.५ मिटरका ब्रुमरमा २ वटा इञ्जिन छन् ।

गाडी सञ्चालन गर्ने इञ्जिनको क्षमता १५५ किलोवाट छ भने ब्रुमर चलाउने इञ्जिनको क्षमता ११८ किलोवाट छ । १५.८ मेट्रिक टन तौल भएका बु्रमरहरु डिजेलले चल्छन् । धुलो र पात पतिङ्कर संकलन गर्न प्रयोग गर्न सकिने हरेक बु्रमरमा ७ घनमिटर धुलो संकलन गर्ने र ९ घनमिटर पानी बोक्ने क्षमता छ । 
https://www.nicasiabank.com/

ब्रुमरले सडक सफा गर्दा पहिले पानी छर्केर धुलो नउड्ने बनाएपछि धुलो तथा पतिङ्गर तान्छ । ९८ किलोमिटर प्रतिघण्टा गति भएको यसले, सडकको अवस्था हेरी प्रति घण्टा ३ किलोमिटरदेखि २० किलोमिटरसम्म सडक सफा गर्न सक्छ ।

भन्सारबाहेक यी २ वटा ब्रुमरको मुल्य २ करोड २७ लाख ३७२ रुपैयाँ हो । यस बाहेक, काठमाडौँ महानगरपालिकाले  ५ वटा ब्रुमर चलाउँदै आएको छ । पहिले ब्रुमरभन्दा अझ अत्याधुनिक र बढी फोहोर संकलन क्षमता रहेको  महानगरको मेकानिकल शाखाका प्रमुख प्रमोद डंगोलले बताए ।
 

प्रतिक्रिया