कर्णाली प्रदेशको बजेट, पूर्वाधारलाई प्राथमिकता (पूर्ण पाठसहित)

/assets/plugins/bower_components/fileman/Uploads/post_images/2019, January/June/PPP1.jpg

सुर्खेत- कर्णाली प्रदेश सरकारले आगामी आर्थिक वर्ष २०७६/०७७ का लागि ३४ अर्ब ३५ करोड ३४ लाख २५ हजार विनियोजन गरेको छ ।

प्रदेशका आर्थिक मामिला तथा योजना मन्त्री प्रकाश ज्वालाले संसदमा आज प्रस्तुत गरेको बजेटमध्ये चालु तर्फ  १३ अर्ब ५ करोड ९६ लाख ५३ हजार र पुँजीगततर्फ २१ अर्ब २९ करोड ३७ लाख ७२ हजार रहेको छ । बजेटमा सरकारले २५ करोड १० लाख ४१ हजार रुपैँया आन्तरिक राजस्व उठाउने लक्ष्य राखेको छ ।

‘आफ्नो प्रदेश, आफै बनाऔँ’ भन्ने मूल ध्येयका साथ पूर्वाधार निर्माणलाई कर्णाली प्रदेशले पहिलो प्राथमिकता दिएको छ । प्रदेशको दिगो विकास र समृद्धिका लागि सडक पूर्वाधारद्वारा यातायातको पहुँच विस्तारलाई पहिलो प्राथमिकतामा राखेको हो । 
https://www.nicasiabank.com/

कर्णाली प्रदेशका जिल्ला र निर्वाचन क्षेत्रहरुमा पूर्वाधार विशेष कार्यक्रमका लागि १ अर्ब २० करोड, एक निर्वाचन क्षेत्र एक सडक कार्यक्रम २४ वटा बहुबर्षीय सडकका लागि १ अर्ब २९ करोड रकम विनियोजन गरेको छ । त्यस्तै एक निर्वाचन क्षेत्र, एक सडक कार्यक्रम अन्तर्गत जिल्ला सदरमुकामबाट स्थानीय तहको केन्द्र जोड्ने र सडकको स्तरोन्नति गर्ने २४ करोड, जनता सडक कार्यक्रमका लागि ६३ करोड विनियोजन गरेको छ ।

त्यस्तै पर्वतीय विज्ञान तथा प्रविधि विश्वविद्यालयको विस्तृत परियोजना प्रतिवेदन तयार गर्न १ करोड, डोल्पा, हुम्ला, मुगु, जुम्ला र कालीकोट जिल्लामा आवासीय विद्यालय स्थापना गर्न ३ करोड ७५ लाख विनियोजन छुट्याएको छ ।
 

प्रतिक्रिया