विश्वकपमा भारत न्युजल्यान्ड भिडन्तको संयोग यस्तो

/assets/plugins/bower_components/fileman/Uploads/post_images/2019, January/June/indvnz2ndt20ipreview_0.jpeg

एजेन्सी- आइसिसी एकदिवसीय विश्वकप क्रिकेट अन्तरगत आज (बिहिबार) भारतले न्युजल्यान्डको सामना गर्दै छ । भारतले न्युजल्यान्डविरुद्ध इंग्ल्यान्डमा खेलेका सबै खेल गुमाएका छन् । संयोग यो छ की दुबै टोलीले इंग्ल्यान्डको मैदानमा तीनवटै खेल विश्वकपमा नै खेलेका छन् । तर, यि तीनवटै खेलमा न्युजल्यान्ड भारतमाथी हाबी देखिएको छ । 

उसो त यि दुई टोली विश्वकपमा ७ पटक आमने सामने भएका छन् । जसमा ४ पटक न्युजल्यान्ड विजयी भएको छ भने तीन खेल भारतले जितेको छ । विश्वकपमा भारत र न्युजल्यान्डबीच पछिल्लो समय सन् २००३ मा भिडेका थिए । उक्त खेलमा भारत विजयी भएको थियो । 

भारत न्युजल्यान्ड भिडन्तको संयोग

यसअघी इंग्ल्यान्डमा चार पटक आयोजना भएको विश्वकप मध्यमा तीन पटक भारत र न्युजल्यान्ड भिडेका छन् । भारतले १९८३ मा विश्वकपको उपाधि जित्दा भने न्युजल्यान्डको सामना गरेको थिएन् । 

भारतले संयोगबस इंग्ल्यान्डमा न्युजल्यान्डसँग आफ्नो तीनवटै खेल १२ जुनदेखी १४ जुनको बीचमा खेलेका छन् । यस पटक पनि भारत र न्युजल्यान्डबीचको खेल १३ जुनमा हुँदै छ ।
 
१९७५ को विश्वकपमा भएको थियो पहिलो भेट

यि दुबै टोली विश्वकपमा पहिलो पटक सन् १९७५ जुन १४ मा म्यानचेस्टरमा आमने सामने भएका थिए । जुन खेलमा न्युजल्यान्डले भारतलाई ४ विकेटले पराजित गरेको थियो । उक्त खेलमा भारतले पहिले ब्याटिङ गर्दै २३० रन बनाएको थियो । 

१९७९ को विश्वकप

सन् १९७५ पछि १९७९ को विश्वकपमा इंग्ल्यान्डमा नै यि दुबै टोली १३ जुनमा  आमने सामने भएका थिए । तर, उक्त खेलमा भारत १८२ रनमा समेटिएको थियो । भारतका लागि सर्वाधिक ५५ रन ओपनर सुनिल गावस्करले बनाएका थिए । उनले १४४ बलमा ५५ रन जोडेका थिए । न्यजल्यान्डले भने ब्रुस एडगरको ८४ रनको अर्धशतकीय पारीको मद्दतले खेल मात्र २ विकेट गुमाएर जितेको थियो । 

१९९९ को विश्वकपमा पनि पराजित

इंग्ल्यान्डमा सन् १९९९ मा आयोजना भएको विश्वकपमा पनि भारत न्युजल्यान्डसँग पराजित भएको थियो । उक्त विश्वकपमा दुबै टोलीले १२ जुनमा प्रतिस्पर्धा गरेका थिए । पहिले ब्याटिङ गरेको भारतले निर्धारित ५० ओभरमा ६ विकेट गुमाउँदै २५१ रन बनाएको थियो । 

भारतका लागि अजय जडेजाले ७६ रनको अर्धशतकीय पारी खेलेका थिए । तर, न्युजल्यान्डले ४८.५ ओभरमा मात्र ५ विकेट गुमाउँदै लक्ष्य भेट्टाएको थियो । न्युजल्यान्डका लागि म्याट होर्नले ७४ तथा रोजर टुजले ६० रनको अर्धशतकीयपारी खेलेका थिए । 

यस पटकको विश्वकपमा पनि भारत र न्युजल्यान्डबीचको खेल १३ जुनमा हुँदै छ । यो हेर्न बाँकी छ की विराट कोहलीको कप्तानीमा रहेको भारतीय टोलीले उक्त क्रमलाई तोड्ने छ या छैन् । अथवा केन विलियमसनको कप्तानीमा रहेको न्युजल्यान्डले आफ्नो सानदार रेकर्डलाई निरन्तरता दिने छन् । 



प्रतिक्रिया