पिएमकप महिला क्रिकेट : उद्घाटन खेलमा सुदूरपश्चिम र गण्डकी भिड्ने

/assets/plugins/bower_components/fileman/Uploads/post_images/2019, January/June/5-copy_1.jpg

काठमाडौं- चौंथो संस्करणको प्रधानमन्त्रि कप महिला टी-२० क्रिकेट प्रतियोगिताको उद्घाटन खेलमा सुदूरपश्चिम प्रदेश र गण्डकी प्रदेश भिड्ने भएका छन् । आयोजक महाकली स्पोर्टस् सोसाइटीले बुधबार सार्वजनिक गरेको खेल तालिका अनुसार सुदूरपिश्चम प्रदेश र गण्डकी प्रदेश भिड्ने भएका हुन्। 

असार ४ देखी सुरु हने प्रतियोगिताको प्रत्यक दिन दुई दुई खेल हुने छन् । प्रतियोगितामा सात प्रदेश र एक विभागिय गरी सहभागी ८ टोलीलाई दुई समूहमा विभाजन गरिएको छ ।

प्रगियोगिताका सम्पूर्ण खेल महेन्द्रनगरस्थित खुल्ला मञ्चमा खेलाईने छ । कुल अनुमानित लागत ८८ लाख रुपैयाँ रहेको प्रतियोगिताका लागि राखेपले ३५ लाख खर्च गर्ने छ भने बाँकी महाकली स्पोर्टस् सोसाइटीले व्यहोर्नेछ । 

प्रतियोगितको विजेताले ५ लाख र उपविजेताले ३ लाख रुपैयाँ प्राप्त गर्ने छ । प्रतियोगिताको सर्वोत्कृष्ट खेलाडीले ३० हजार पाउने छन् । यस्तै विधागततर्फ उत्कृष्ट हुनेले १५-१५ हजार पाउने आयोजकले जनाएको छ ।




प्रतिक्रिया