रेल चढेर ओली फ्रान्स जाने

/assets/plugins/bower_components/fileman/Uploads/post_images/2019, January/June/kp_oli_copy_6.jpg

फाइल तस्बिर

काठमाडौं - बेलायतको औपचारिक भ्रमण सकेर प्रधानमन्त्री केपी शर्मा ओली आज दिउँसो मित्र राष्ट्र फ्रान्सको औपचारिक भ्रमणमा जाँदै छन्। प्रधानमन्त्री ओली फ्रान्सका प्रधानमन्त्रीको मैत्रीपूर्ण निमन्त्रणामा आज दिउँसो लण्डनबाट रेल चढेर फ्रान्सको राजधानी पेरिस पुग्ने कार्यक्रम रहेको छ।
 
यसैबीच प्रधानमन्त्री ओलीसँग बेलायतका एसिया प्रशान्त मामिला हेर्ने राज्यमन्त्री मार्ट फिल्डले लण्डनस्थित नेपाली दूतावासमा आजै शिष्टाचार भेटवार्ता गरेका छन्।  यसैगरी प्रधानमन्त्री ओलीसँग बेलायतको इन्टरनेशनल मेरिटाइम अर्गनाइजेशनका महासचिव, विश्व ऊर्जा परिषद्का वरिष्ठ अधिकारी, एडिनबर्ग रोयल बोटानिकल गार्डेन र वनस्पति विभागका प्रमुखले आजै दिउँसो शिष्टाचार भेट गर्ने कार्यक्रम रहेको छ। प्रधानमन्त्री ओली आजै आफ्नो स्वागतमा बेलायतका लागि नेपाली राजदूत दुर्गाबहादुर सुवेदीले दूतावासमा आयोजना गर्ने समारोहमा पनि सहभागी हुने कार्यक्रम छ।




प्रतिक्रिया