प्रचण्डले फेरि दोहोर्‍याए - ‘सरकारको नेतृत्व सहमतिअनुसार नै परिवर्तन हुन्छ’

/assets/plugins/bower_components/fileman/Uploads/post_images/2019, January/May/prachanda.jpg

फाइल तस्बिर

काठमाडौं - नेकपाका अध्यक्ष पुष्पकमल दाहाल प्रचण्डले अर्का अध्यक्ष एवम् प्रधानमन्त्री केपी शर्मा ओलीसँग भएको सहमतिअनुसार नै सरकारको नेतृत्व परिवर्तन हुने बताएका छन्।

प्रेस संगठनले चितवनमा आयोजना गरेको पत्रकार सम्मेलनमा उनले भने, ‘मिडियामा नयाँ कुराजस्तो गरी प्रचार भइरहेको छ। यो पुरानै कुरा हो। हामी जुन सहकार्य र सहमतिका साथ अघि बढेका छौं त्यहीअनुसार अघि बढ्छौं।’

उनले पार्टी एकता प्रक्रियामा बाँकी सबै विषय एकैसाथ टुंगोमा पुर्‍याइने बताए। नेकपा एकीकृत भए पनि जिल्ला इन्चार्ज, सहइन्चार्ज, ज्येष्ठ कम्युनिन्ट मञ्च, सल्लाहकार समिति, आयोगलगायत गठन हुन बाँकी छ। एकीकरण प्रक्रिया टुंगामा पुग्न नसक्दा पार्टी गतिविधि सुस्त बन्न थालेको छ।

प्रचण्डले मिडिया विधेयक परिमार्जन हुने बताए। उनले भने, ‘मिडिया विधेयक परिमार्जन गरेरै अघि बढ्नुपर्छ भन्ने छ। जति गृहकार्य भएर विधेयक आउनुपथ्र्याे, केही कमी रहेको देखियो। सरकार पार्टी यसमा सतर्क भएको हुनुपर्छ,’ उनले भने।




प्रतिक्रिया