प्रीतम आचार्य बाल सद्भावना दूत 

/assets/plugins/bower_components/fileman/Uploads/post_images/2019, January/June/pritam_acharya.jpg

इटहरी - भारतीय च्यानल जीटिभीको एक रियालिटी सोमा सेकेन्ड रनरअप भएका इटहरीका प्रीतम आचार्यलाई स्थानीय सरकारले सद्भावना दूत बनाएको छ। सोमबार पूर्वी नाका काकरभिट्टाबाट गृहनगर आएका आचार्यलाई आज इटहरी उपमहानगरले बाल सद्भावना दुत बनाएको हो।

उपमहानगरकी कार्यवाहक मेयर लक्ष्मी गौतमले साढे दस बजे अन्य जनप्रतिनिधि, इटहरीका स्थानीय र संचारकर्मीको उपस्थितिमा सद्भावना दूतको प्रमाणपत्र प्रदान गरेकी थिइन्।

इटहरीमा जन्मेर इटहरी र इटहरीबाहिर गायन क्षेत्रबाट नाम राख्न सफल भएको भन्दै आचार्यलाई सद्भावना दुत बनाइएको कार्यवाहक मेयर गौतमले बताइन।
 
जीटिभीको 'सारेगम लिटिल च्याम्प्स' मा सेकेन्ड रनर अप भएका आचार्य नेपालमा भएको सुरसालामा फर्स्ट रनर अप भएका थिए। आचार्यलाई स्वागत गर्न सोमबार काकरभिट्टामा इटहरीका स्थानीयहरु पुगेका थिए भने उनी अध्ययन गर्ने स्कुल विश्व आदर्शले उन्को सम्मानमा सार्वजनिक बिदा दिएको प्राचार्य गणेश दुलालले बताए।





प्रतिक्रिया