भारती स्टेजमा नेपाली प्रतियोगी

/assets/plugins/bower_components/fileman/Uploads/post_images/2019, January/June/pritam_and_aayush_amargeet.jpg

काठमाडौं– अहिले सारेगमपाको रौनक भारतमा भन्दा पनि नेपालमा बढेको छ। कारण नेपाली भूमिका दुई प्रतियोगी प्रतिम र आयुष दुवै फाइनलमा पुगेको छन्। उनीहरू टप ६ मा पुगेका हुन्। 

गत फेब्रुअरीमा ९ बाट सुरू भएको यो प्रतियोगितामा ६ जना लिटल च्याम्पहरू प्रतिस्पर्धामा छन्। प्रतियोगितामा ५ देखि १४ वर्षसम्मका बच्चाहरू सहभागी थिए। नेपालका यी दुई बालक मध्य प्रितम आचार्य ११ वर्षका हुन् भने आयुष केसी १३ वर्षका भए। 

आयुष भक्तपुरको मोर्डन बोर्डिङ स्कुलमा कक्षा ८ मा अध्ययनरत छन्। प्रितम भने विश्व आर्दश विद्यालय इटहरीमा अध्ययनरत छन्। उनी कक्षा ६ मा पढ्छन्। बिबिसी नेपालीमा उल्लेख भए अनुसार उनी सानोमा पनि साई बाबाको भजन गाउने गर्थे।  

यी दुई नेपाली बाल गायक बाहेक भारतका अनुष्का पात्रा, सुगन्धा दाते, आस्था दास र महम्लद फैज पनि प्रतिस्पर्धामा रहेका छन्। अब यी मध्येको विजेता हुने हुन् त्यो भने हेर्नै बाँकी छ।




प्रतिक्रिया