को बने महानगरको 'स्मार्ट सहरी प्रविधि प्रतिष्पर्धा' को विजेता? 

/assets/plugins/bower_components/fileman/Uploads/post_images/2019, January/June/kathmandu_metropolitan_city.jpg

काठमाडौं  – काठमाडौं महानगरपालिकाले “स्मार्ट सहरी प्रविधि प्रतिस्पर्धा – २०७५” को आयोजना गरेको छ।

बुधबार काठमाडौँमा आयोजना गरिएको कार्यक्रमको अन्तिम छनोट तथा समापन समारोह थानीय सरकारको तहबाट स्मार्ट सहरी प्रविधि प्रतिस्पर्धाको पहिलो प्रयास हो।  

प्रतिष्पर्धामा ४५२ समूहका १३५६ जना युवाहरुले आफ्ना नविन सोँचहरु पेश गरेका थिए। दुई जना देखि ५ जनासम्मको समूहले मात्र प्रतिस्पर्धा गर्न सक्ने गरी कार्यविधि जारी गरिएको थियो । पेश भएका सोँचहरुलाई विभिन्न चरणमा प्रतिष्पर्धा गराइएको थियो। प्रतिस्पार्धामा उत्कृष्ट विजेतालाई  ५० लाखको पुरस्कार व्यवस्था गरिएको थियो। 
 
विषयगत विजेता अन्तरगत समुदाय तथा वातावरणमा एनि टाइम ट्वाइलेट विजेता भएको छ। त्यस्तै, सहरी पूर्वाधारमा ट्राफिक म्याप विजेता भएको छ। डिजिटल नेपालले महानगरीय सामुदायिक सेवामा आफ्नो उपाधि कब्जा गरेको छ। ‘भूमि’ र ‘एरो रूट’ क्रमशः महानगरीय सार्वजनिक प्रशासन तथा व्यवास्थापन र  समुदाय र वातावरणमा विजेता भएका हुन्। 

सहरी पूर्वाधारमा ‘सफा सहर’ ले  उपविजेताको उपाधि हासिल गरेको छ। ‘एरो रूट’ ले एक लाख पुरस्कार पाएको छ ।  त्यस्तै,  अन्य उपविजेतामा  महानगरीय सामुदायिक सेवामा उपविजेता भएको नेपाल मेडले एक लाख पाएको छ। उपविजेता मै, ‘अटोमाटा’ ले  महानगरीय सामुदायिक सेवामा जनही एक लाख जितेको छ। विषयगत अन्य विजेताले भने जनही २ लाख पाएका छन् । 
  
आधुनिकतासँगै नविन सोचको माध्यमबाट प्रविधियुक्त उद्यमशीलता प्रवद्र्धन गर्ने दिशातिर अघि बढ्न तथा नवीनतम ज्ञान, सीप र क्षमता भएका उद्यमीलाई व्यवसाय सञ्चालन गर्न प्रोत्साहन गर्न प्रतिष्पर्धाको आयोजना गरिएको महानगरले जानकारी दिएको छ।




प्रतिक्रिया