अस्पताल र श्रम कार्यालयबाट बिचौलिया पक्राउ

/assets/plugins/bower_components/fileman/Uploads/post_images/2019, January/May/bichauliya_pakrau.jpg

जनकपुरधाम- जनकपुर अञ्चल अस्पतालमा उपचार गराउन पुग्ने बिमारीलाई निजी क्लिनिकमा पठाउने थप एक दलाललाई प्रहरीले पक्राउ गरेको छ ।

पक्राउ पर्नेमा जनकपुरधाम उपमहानगरपालिका–७ बस्ने २० वर्षीय आरएन राइन रहेको जिल्ला प्रहरी कार्यालय धनुषाले जनाएको छ ।

प्रहरीले तीन दिनअघि बिरामीलाई फकाइफुसलाई निजी क्लिनिकमा पठाउन बिचौलियाको काम गर्दै आएका जनकपुरधाम उपमहानगरपालिका–१० बस्ने ३५ वर्षीय मनोज यादव र सिरहा नगरपालिका– ११ घर भई हाल जनकपुर बस्दै आएका २५ वर्षीय सञ्जय कामतीलाई पक्राउ गरेको थियो ।

उनीहरु उपचारका लागि अस्पतालको ओपीडीमा पुग्ने बिरामीलाई बाटोमै छेकी फकाइफुस्लाई निजी क्लिनिक र अस्पताल पठाएर कमिसन खाने कार्यमा संलग्न रहेको जिल्ला प्रहरी कार्यालय धनुषाले जनाएको छ । ग्रामीण क्षेत्रबाट उपचारका लागि आउने सोझासाझा बिरामीलाई उनीहरु आफ्नो निशाना बनाउने गरेको प्रहरीको भनाइ छ ।

https://www.nicasiabank.com/
पक्राउ परेकालाई जिल्ला प्रहरी कार्यालयको हिरासतमा राखी थप अनुसन्धान भइरहेको जिल्ला प्रहरी कार्यालय धनुषाका प्रवक्ता डीएसपी रामेश्वर कार्कीले बताएका छन् ।

बिचौलियाले सक्रिय हुँदा अञ्चल अस्पतालमा सस्तो र सुलभ तरिकाले उपचार पाउने भए पनि निजी क्लिनिकमा बढी रकम खर्चगर्न सोझासाझा बिरामी बाध्य हुँदै आएका छन् ।

यसैबीच जनकपुरस्थित श्रम तथा रोजगार कार्यालयबाट समेत एक बिचौलियालाई प्रहरीले नियन्त्रणमा लिएको छ । पक्राउ पर्नेमा सर्लाही मलंगवा नगरपालिका–५ बस्ने ३८ वर्षीय राजेश यादव रहेको प्रहरीले जनाएको छ ।

कार्यालयमा आउने सेवाग्राहीलाई श्रम स्वीकृति गराइदिने भन्दै बिचौलियाको काम गर्दै आएका यादवलाई विशेष सूचनाको आधारमा पक्राउ गरिएको जिल्ला प्रहरी कार्यालय धनुषाले जनाएको छ ।

प्रतिक्रिया