राजु र आलमको उत्कृष्ट प्रदर्शनमा आर्मीको फराकिलो जित 

/assets/plugins/bower_components/fileman/Uploads/post_images/2019, January/May/Army_pm_cup.jpg

काठमाडौं- राजु रिजाल र सहाव आलमको उत्कृष्ट प्रदर्शनमा विभागिय टोली त्रिभुवन आर्मी क्लबले तेस्रो संस्करणको प्रधानमन्त्रि कप एकदिवसीय क्रिकेट प्रतियोगिताको उद्घाटन खेलमा विजयी भएको छ । टियु क्रिकेट मैदानमा शुक्रबार भएको खेलमा आर्मीले प्रदेश २ लाई १७१ रनको फराकिलो अन्तरले पराजितग गरेको हो । 

आर्मीले दिएको २ सय ७९ रनको लक्ष्य पछ्याएको प्रदेश २ ले ३१.४ ओभरमा सबै विकेट गुमाउँदै मात्र १०७ रन बनाउन सक्यो । आर्मीका बलर सामु खुलेर ब्याटिङ गर्न नसकेको प्रदेश २ का ब्याट्सम्यान मध्य हरिशंकर साहले सर्वाधिक २१ रन बनाए । उनले २८ बल खेल्दै ४ चौका प्रहार गरेका थिए ।

त्यस्तै साम्सद सेइखले १६, सुधिर चौधरीले १५, रासिद खानले १४ र सुरज पटेलले ११ रन जोड्न बाहेक अन्य ब्याट्सम्यानले दोहोरो अंकमा रन छुन सकेनन् । प्रदेश २ लाई सस्तैमा समेट्न आर्मीका लागि सहाब आलमले सर्वाधिक ४ विकेट लिए । त्यस्तै सुशन भारीले तीनऽ जितेन्द्र मुखियाले दुई तथा कुसल मल्लले एक विकेट लिए । 

https://www.nicasiabank.com/
यसअघि टस हाररे पहिले ब्याटिङ गर्ने निम्तो पाएको आर्मीले निर्धारित ५० ओभरमा ९ विकेट गुमाएर २ सय ७८ रन बनाएको थियो । आर्मीका लागि राजु रिजालले उत्कृष्ट अर्धसतकीय पारी खेले । उनले १०९ बलको सामना गर्दैै ५ चौका र २ छक्काको मद्दतमा ९० रन जोडेका थिए । 

त्यस्तै कप्तान विनोद भण्डारीले ६६ रनको अर्धशतकीय पारी खेले । उनले ६१ बलमा ९ चौका प्रहार गर्दै ६६ जोडेका हुन् । युवा ब्याट्सम्यान रोहिकुमार पौडेल अर्धसतक बनाउनबाट तीन रनले चुके । ३६ बल खेलेका रोहितले ४ चौका र १ छक्का प्रहार गर्दै ४७ रन जोडे । हरि चौहानले २६, सुसान्त भारीले १२ र करन केसीले ११ रन जोडे । 

प्रदेश २ का लागि हरिशंकर साहले तीन विकेट लिए । त्यस्तै रासिद खान, बिबेक यादव, साम्सद सेइख र बिशाल शुस्लिङले समान एक एक विकेट लिए ।  

प्रतिक्रिया