सात करोड नक्‍कली भारु बरामद : युनुस अन्सारीसहित ६ जना पक्राउ  

/assets/plugins/bower_components/fileman/Uploads/post_images/2019, January/May/unus_ansari.jpg

काठमाडौं – प्रहरीले त्रिभुवन अन्तर्राष्ट्रिय विमानस्थलबाट ठूलो परिमाणमा भारतीय नक्कली नोटसहित तीनजना नेपाली र तीनजना पाकिस्तानी नागरिकलाई पक्राउ गरेको छ। पक्राउ पर्नेमा नेपाली नागरिक युनुस अन्सारी, नसरुद्दिन अन्सारी सुजन रानाभाट, रोयल खान तथा पाकिस्तानी नागरिक मोहमद अक्तर नाशिव उद्धिन, तथा नाविया अन्वर रहेका विमानास्थलका प्रहरी प्रमुख सन्दीप भण्डारीले जानकारी दिए।

नक्कली भारुसहित कतार एयरवेजमार्फत त्रिभुवन अन्तर्राष्ट्रिय विमानस्थल आएका तीनजना पाकिस्तानीलाई लिन पुगेका युनुस अन्सारीसहित तीन नेपालीसमेत विमानस्थलबाटै पक्राउ परेका हुन्। नक्कली भारु गन्ने काम भैरहेको र कम्तीमा ७ करोडसम्म हुन सक्ने बताइएको छ।
https://www.nicasiabank.com/

युनुस यसअघि पनि नक्कली भारतीय रुपैयाँ कारोबार र लागूपदार्थ कारोबार गरेको आरोपमा पक्राउ परिसकेका व्यक्ति हुन्। केन्द्रीय कारागारमा रहँदा उनीमाथि गोली प्रहारसमेत भएको थियो। पूर्वमन्त्री सलीममिया अन्सारीका छोरा युनुश पहिलो पटक पक्राउ पर्नुअघि नेशनल टेलिभिजनका सञ्चालकसमेत थिए।

प्रतिक्रिया