जीपबाट हामफाल्दा ज्यान गयो

/assets/plugins/bower_components/fileman/Uploads/post_images/2019, January/May/Mirtu.jpg

धनगढी – बैतडीमा गुडिरहेको जीपबाट हाम फाल्दा एक जानाको मृत्यु भएको छ। बैतडीको दशरथचन्द नगरपालिकाको गिरेगडादेखि देहिमाण्डौ तर्फ गइरहेको म १ ज ११९ नं. जिपमा सवार पञ्चेश्वर ५ नयाँ गाउका ४२ वर्षीय राजु कोलीको मृत्यु भएको हो।

बिहीबार साँझ ६ बजेतिर दशरथचन्द नगरपालिका ९ पार्सा भन्ने ठाँउमा हाम फाल्दा गम्बीर घाइते भएका कोलीको उपचारका लागि जिल्ला अस्पताल लैजादै गर्दा बाटोमै मृत्यु भएको हो।

जीप चालक अन्दाजी २७ वर्षीय जनक राज जोशी फरार रहेको जिल्ला प्रहरी कार्यालय बैतडीका प्रहरी प्रमुख नेत्र मणी गिरीले जानकारी दिए। चालकको खोजी भइरहेको उनले बताए। घटनाबारे थप अनुसन्धान भइरहेको प्रहरीले जनाएको छ।




प्रतिक्रिया