काठमाडौंमा श्रीमतीमाथि एसिड प्रहार, श्रीमान पक्राउ

/assets/plugins/bower_components/fileman/Uploads/post_images/April/Acid_attack_bishnu_bhujel.jpg

काठमडौं- काठमाडौंको कालोपुलमा एक व्यक्तिले आफ्नै श्रीमतीमाथि एसिड प्रहार गरेका छन् । कालोपुल नजिकै डेरा गरी बस्ने विष्णु भुजेलले २० वर्षीया श्रीमती जेनी खड्कालाई बुधबार राति एसिड प्रहार गरेका हुन् ।
 
घरायसी विवादपछि भुजेलले श्रीमतिमाथि एसिड हानेको खुलेको छ । भुजेललाई महानरीय प्रहरी परीसरको टोलीले पेप्सीकोलाबाट बुधबार राति नै पक्राउ गरेको छ ।

उनीमाथि कमलपोखरीवृतले अनुसन्धान गरिराखेको महानगरीय प्रहरी परिसर काठमाडौंका प्रमुख उत्तमराज सुवेदीले जानकारी दिए । 

पारिवारिक कलहकै कारण घटना भएको पुष्टि गर्दै उनले नेपाल समयसँग भने, 'सामाजिक विकृतिका कारणले सृजित अपराधको नमुना हो यो । यस्ता घटनाका दोषीमाथि गहिरो अनुसन्धान र कडा कारबाही हुन्छ ।'

एसिड प्रहारबाट घाइते भएकी जेनी खड्काको किर्तिपुरमा उपचार भइराखेको छ । अवस्था गम्भिर रहेको र छाातिमा बढि असर देखिएको अस्पतालले जनाएको छ । 




प्रतिक्रिया