पिएम कप क्रिकेट जेठ ८ देखी, खेल दुई मैदानमा हुने

/assets/plugins/bower_components/fileman/Uploads/post_images/2019, January/May/PM_Cup.jpg

काठमाडौं- तेस्रो संस्करणको प्रधानमन्त्री कप एकदिवसीय राष्ट्रिय क्रिकेट प्रतियोगिता जेठ ८ गते देखी हुने भएको छ । यसअघी जेठ १ गतेकाट हुने भनिएको पिएम कप क्रिकेट जेठ ८ गतेलाई सारिएको राष्ट्रिय खेलकुद परिसद्ले जनाएको छ । 

यसअघि प्रतियोगिताको मिति जेठ १ देखी २४ सम्मलाई तय भएको थियो । अब भने प्रतियोगिता जेठ ८ देखी २४ सम्म संचालन हुने छ । यसअघि तय भएको मिति अनुसार प्रतियोगिताका खेलहरु कीर्तिपुर स्थित टियु मैदानमा हुने भनिए पनि अब मुलपानी क्रिकेट मैदानमा पनि हुने आयोजक राखेपले जनाएको छ । 

यससँगै उद्घाटन खेल मुलपानी अन्तराष्ट्रिय क्रिकेट हुने छ । प्रतियोगितामा तीन विभागीय टिम र सात प्रदेश सहित १० टोलीले सहभागिता जनाउनेछन् । सहभागि टिमलाई दुई समूहमा विभाजन गरिएको छ । 

समूहका शीर्ष दुई टिमले सेमिफाईनलमा स्थान बनाउनेछन् । प्रतियोगिताको विजेताले २० लाख र उपविजेताले १० लाख रुपैयाँ प्राप्त गर्नेछ । प्रतियोगिताको उत्कृष्ट खेलाडीले मोटरसाईकल प्राप्त गर्नेछ ।



प्रतिक्रिया