एसिया कप : नेपाल भारतसँग पराजित

/assets/plugins/bower_components/fileman/Uploads/post_images/2019, January/May/while_chair_cricket.jpg

फाइल तस्बिर
काठमाडौ- एसिया कप व्हिल चियर टी-२० क्रिकेट अन्तर्गत आफ्नो पहिलो खेलमा नेपाल भारतसँग ६ विकेटले पराजित भएको । टियु क्रिकेट मैदानमा बुधबार भएको उद्घाटन खेलमा नेपालले दिएको १ सय ४१ रनको लक्ष्य भारतले १५.१ ओभरमा ४ विकेछ गुमाउँदै भेट्टायो ।

भारतको जितका लागि गौरब विश्वनाथले अविजित ५० रन जोडे । यस्तै प्रशुराम देशाईले १९, निकुलले १६ तथा सौरभ मलिकले १४ रन जोडे । नेपालका विपिन पौडेल, राजु कटवाल, यम बहादुर श्रेष्ठ र डम्बर मगरले एक एक विकेट लिए ।

यसअघि टस हारेर पहिले ब्याटिङ गरेको नेपालले २० ओभरमा ४ विकेट गुमाएर १ सय ४० रन बनाएको थियो । नेपालका लागि कप्तान डिगम सिंह चेम्जोङले अविजित ६६ रन जोडे पनि टोलीको जितका लागि प्रयाप्त भएन् । 

त्यस्तै विपिन पौडेलले ३३ तथा रमेश खत्रीले १५ रन जोडेका थिए । पहिलो पटक आयोजना भएको एसिया कप व्हिल चियर टी-२० क्रिकेटमा नेपालसहित भारत, बंगलादेश र पाकिस्तानले प्रतिस्पर्धा गरिरहेका छन् ।



प्रतिक्रिया