महिला पत्रकारको गोली हानी हत्या 

/assets/plugins/bower_components/fileman/Uploads/post_images/2019, January/May/meena.jpg

अफगानिस्तान - अफगानिस्तानका एकजना चर्चित महिला पत्रकार तथा राजनीतिक सल्लाहकार मिना मङ्गलको हत्या भएको छ। उनलाई गोली हानी हत्या गरिएको समाचारमा जनाइएको छ। अफगानिस्तानका राजनीतिज्ञ तथा महिला अधिकारवादीहरूले यस हत्याको कडा शब्दमा निन्दा गरेका छन्।

उनीहरुले ती महिलाका हत्यारालाई कारबाही माग गरेका छन्। साथै यस्ता हत्याका घटनामा संलग्नहरुलाई कानून बमोजिम कारबाहीका लागि पनि माग गरेका छन्।

पत्रकार मिना मङ्गललाई राजधानी काबुलमा शनिवार दिउँसो गोली हानी हत्या गरिएको थियो। उनी राजनीतिक सल्लाहकारको रुपमासमेत कार्यरत रहेकी थिइन्। आन्तरिक मामिला मन्त्रालयले अफगान संसद्को सांस्कृतिक मामिला आयोगको सल्लाहकारका रूपमा कार्यरत रहेकै बेलामा मङ्गललाई शनिबार गोली हानिएको जानकारी दिएको छ। 

घटनाबारे अफगान प्रहरीले अनुसन्धान थालेको बताएको छ। तर मङ्गलको हत्यामा संलग्न को हुन् भन्ने बारेमा भने अझै प्रस्ट भइसकेको छैन। 

अफगानिस्तानमा महिला अधिकारका क्षेत्रमा कार्यरत संघ संस्था, सर्वोच्च अदालत, महिलाविरुद्धका हिंसासम्बन्धी आयोग र नागरिक समाजका प्रतिनिधिहरुले यस हत्याबारे गम्भीर रुपमा अनुसन्धान गर्न माग गरेका छन्।




प्रतिक्रिया