संसद्को बजेट अधिवेशन वैशाख १६ बाट  

/assets/plugins/bower_components/fileman/Uploads/post_images/April/samsad_bhawan_nepal.jpg

काठमाडौं- वैशाख १६ गतेबाट संघीय संसद्को बजेट अधिवेशन सुरु हुने भएको छ। त्यसका सरकार र संसद्को नेतृत्व सहमत भएका छन् ।
 
राष्ट्रपति विद्यादेवी भण्डारी वैशाख ११ गते चिन भ्रमणमा जाने र उनी ९ दिनपछि फर्किदा संसद्को बजेट अधिवेशन बस्न ढिला हुने भएकाले वैशाख १६ गतेबाट नै अधिवेशन सुरु गर्ने तयारी भएको हो । सरकारको सिफारिसमा राष्ट्रपतिबाट संसद् अधिवेशन बोलाउने संवैधानिक व्यवस्था छ।

जेठ १५ गते बजेट ल्याउनुुपर्ने संवैधानिक व्यवस्था रहेको छ । त्यसअघि प्रिबजेट छलफल गरी सरकारको वार्षिक नीति तथा कार्यक्रम संसद्बाट पारित सक्नुुपर्छ। बजेट अधिवेशनका लागि संसद् सचिवालयले तयारी समेत तिब्र पारेको छ ।
 
सरकारको नीति तथा कार्यक्रम र बजेट पारित गर्नु नै यो अधिवेशनको मुख्य काम हुनेछ । यो बाहेक संसद्मा विचाराधीन विभिन्न विधेयक पारितको काम समेत बजेट अधिवेशनले गर्नेछ । नागरिकता ऐन संशोधन विधेयक, नेपाल प्रहरी र प्रदेश प्रहरीले सम्पादन गर्ने कार्यको सुपरीवेक्षण र समन्वय सम्बन्धमा व्यवस्था गर्न बनेको विधेयक विचाराधीन छन् ।

यस्तै सूचना प्रविधिका सम्बन्धमा व्यवस्था गर्न बनेको विधेयक, राष्ट्रिय प्राथमिकता प्राप्त आयोजनाको दुर्ततर निर्माण तथा व्यवस्थापन गर्न बनेको विधेयक, प्रहरी कर्मचारीलाई नेपाल प्रहरी र प्रदेश प्रहरीमा समायोजन गर्ने सम्बन्धमा बनेको विधेयक, राष्ट्रिय सुुरक्षा परिषद्को काम, कर्तव्य र अधिकार सम्बन्धमा व्यवस्था गर्न बनेको विधेयक पनि संसद्मा विचाराधीन छन्।




प्रतिक्रिया