बार्सिलोना ला लिगाको उपाधि नजिक

/assets/plugins/bower_components/fileman/Uploads/post_images/April/barcelona-copy_3.jpg

एजेन्सी- स्पेनिस महारथी क्लब बार्सिलोना ला लिगा फुटलबको उपाधि नजिक पुगेको छ । शनिबार राति भएको खेलमा रियल सोसिडाडलाई पराजित गरेसँगै बार्सिलोना लिगको उपाधि नजिक पुगेको हो । 

घरेलु मैदान क्याम्प नाउमा भएको खेलमा बार्सिलानाले सोसिडाडलाई २-१ ले पराजित गरेको हो । बासिलोनाको जितमा क्लेमेन्ट लेङ्गलेट र जोर्डी अल्बाले एक एक गोल गरे । यता सोसिडाडका लागि जुआनमीले एक गोल फर्काए । 

पहिलो हाफको अन्तिम मिनेटमा बार्सिलोनाले सुरुवाती अग्रता लिएको थियो ।  ४५ औं मिनेटमा क्लेमेन्टले गोल गर्दै घरेलु टोलीलाई पहिलो हाफमा १-० को अग्रता दिलाए । दोस्रो हाफमा एक गोल थप्ने क्रममा घरेलु टोलीले एक गोल खाएको थियो । 

खेलको ६२ औं मिनेटमा सोसिडाडका जुआनमीले गोल गर्दै खेल बराबरी ल्याए । तर, त्यसको दुई मिनेट नबित्दै घरेलु टोलीका लागि अल्बाले गोल गर्दै बार्सिलोनालाई महत्वपूर्ण जित दिलाए । 

पाँच खेल बाँकी रहँदा अब बार्सिलोनाले दुई खेलमा मात्र जित निकाले उपाधि जित्ने छ । बार्सिलोनाले लिगमा दोस्रो स्थानको एट्लेटिको मड्रिड भन्दा ९ अंकको अग्रता बनाएको छ । 



प्रतिक्रिया