विप्लवको बन्दसँगै ठाउँ ठाउँमा बम र आगजनी 

/assets/plugins/bower_components/fileman/Uploads/post_images/April/boom_banda.jpg

भैरहवा- विप्लव नेतृत्वको नेकपाले आह्वान गरेको नेपाल बन्दको निशानामा प्रदेश नं ५ मा ठूला लगानीमा संचालित उद्योग धन्दा र सरकारी कार्यालय परेका छन् । 

विप्लव समुहले आयोजना गरेको नेपाल बन्दको बाहानामा यो समुहले विनोद चौधरीको लगानीमा संचालित चौधरी इन्डस्ट्रीज नवलपरासीमा  बम प्रहार गरेको छ । यसैगरी विप्लव समुहले विदेशी कम्पनि सिल्भर हेरिटेजको लगानी रहेको पाँच तारे होटल टाईगर प्यालेस जाने बाटोमा शंकास्पद बस्तु राखेर त्रास फैलाएको छ । 
 
उक्त शंकास्पद बस्तु विस्फोटक पदार्थ नभई इट्टा तथा प्लास्टीक मात्रै भएको रुपन्देही प्रहरी प्रवक्ता डिएसपी धर्म भण्डारीले बताए । नेपाली सेनाको बम डिस्पोजल टिमले डिस्पोज गर्दा इट्टा तथा प्लास्टीक मात्रै भेटिएको हो । 

यता विप्लव समुहले पाल्पाको रिब्दीकोट गाउपालिकाको कार्यलयमा पनि बम विस्फोट गराएको छ । बम विस्फोटबाट गाउँपालिकाको सिसाहरु फुटेका छन् भने भवनमा सामन्य क्षति भएको पाल्पा प्रहरीले बताएको छ । 
https://www.nicasiabank.com/

अर्घाखाचीको चुत्राबेसीमा पनि बम भेटिएको छ । गैडाकोटको बेल्डीया तथा दुम्कौलीमा बम फेला परेको छ । कपिलवस्तुको शिबपुरमा विस्फोट भएको छ । ठाउँ ठाउँमा राखिएको बमका कारण स्थानीय त्रसित भएका छन् । 

यसैगरि विप्लव समुहले नवलपरासीमा भारतीय ट्रक नं आर जे ०२ जिबी २८७० डण्डामा आगजानी भएको छ । सवारी साधनमा समेत आगजनी भएपछि प्रदेश नं ५ मा सवारी साधन गुडेका छैनन् । बजार ठप्प पनि ठप्प भएको छ । 

नेत्रविक्रम चन्द विप्लव नेतृत्वको समुहले गरेको नेपाल बन्दको काठमाडौं उपत्यकामा सामान्य प्रभाव देखिए पनि प्रदेश नम्बर ५ र कर्णली प्रदेशको जनजीवन प्रभावित बनाएको  छ। 

प्रतिक्रिया