माथिल्लो डोल्पामा हिमपहिरो, तीन जना बेपत्ता

/assets/plugins/bower_components/fileman/Uploads/post_images/february/2019, March/him_pahiro.jpg

सुर्खेत- माथिल्लो डोल्पामा गएको हिमपहिरोमा परी तीन जना वेपत्ता भएका छन् । क्रिष्टल मान्टेन (दोस्रो कैशाल क्षेत्र) को दर्शन गर्न पुगेका शे–फोक्सुण्डो गाउँपालिका–३ का पेमा कुन्साङ गुरुङ, फुर्वा ठिन्ल्या गुरुङ र फुन्छोक गुरुङ वेपत्ता भएका हुन् ।

कैलाश पर्वतमा पर्ने सेलरीढुक्टा शे–गुम्बाको दर्शन गर्न गएका उनीहरु गएको चैत १७ गतेदेखि बेपत्ता भएका हुन् । हराएको छ दिनपछि बल्ल प्रहरीले खबर पाएको हो ।

हिउ परेको सयममा कैशालको दर्शन गरेपछि मनले चिताएको इच्छा पुरा हुन्छ भन्ने धार्मिक विश्वासका कारण उनीहरु शे–गुम्बा गएका थिए । भोटे समुदायको बाहुल्यता रहेको क्रिष्टल क्षेत्रका समुदायहरुले कैलाश क्षेत्रमै गुम्बानै निर्माण गरेर धार्मिक आस्थाको केन्द्र बनाएका छन् ।

गुम्बा परिक्रम गर्नेक्रममा वेपत्ता भएको जिल्ला प्रहरी कार्यालय डोल्पाका प्रहरी प्रमुख अवदेश विष्ट क्षेत्रीले जानकारी दिए ।

प्रहरीका अनुसार गुम्मा रहेको स्थानमा एक हप्तादेखि लगातार हिमपात भैरहेका कारण उद्धार गर्न कठिन भएको छ । घटनास्थल पुग्न सदरमुकामदेखि करिव ६ दिनको बाटो हिड्नु पर्छ ।

हिमपात नरोकिएसम्म उद्धार गर्न कठिनाई हुने स्थानीय जनप्रतिनिधिहरुलाई उद्धृढ गर्दै प्रहरीले जनाएको छ । ‘हामी घटनास्थल पुग्न सक्ने अवस्था छैन, हिमपात रोकिना वित्तिकै उद्धार गर्नु भनेका छौँ ।’ प्रहरी प्रमुख विष्टले भने ‘हिमपात रोकिएपछि स्थानीय र जनप्रतिनिधहरु मिलेर उद्धार गर्छन ।’

जनप्रतिनिधिहरु निरन्तर सम्पर्कमा रहेको भन्दै हिमपात रोकिएपछि मात्रै उद्धार हुन सक्ने प्रहरीको भनाई छ । 




प्रतिक्रिया