प्रधानमन्त्री ओली र पूर्वराजा ज्ञानेन्द्र एकैसाथ पूर्वमा !

/assets/plugins/bower_components/fileman/Uploads/post_images/february/oli_gyanendra.jpg

झापा- प्रधानमन्त्री केपीशर्मा ओली दुई दिने भ्रमणका लागि पूर्व पुग्दै गर्दा पूर्वराजा ज्ञानेन्द्र शाह पनि पूर्व भ्रमणमा निस्किएका छन् ।
 
प्रधानमन्त्री ओली प्रदेश नम्बर १ को झापा र मोरङको दुई दिने भ्रमणका लागि आज मध्यान्न पूर्व आइपुगेका छन् ।

दुईदिने झापा–मोरङ बसाइका क्रममा प्रधानमन्त्री ओलीले मोरङको उर्लाबारी नगरपालिकास्थित मदन भण्डारी स्मृति प्रतिष्ठानमा इञ्जिनीयरिङ कलेजको उद्घाटन, मदन भण्डारी स्मृति प्रतिष्ठानको रजतजयन्ती स्तम्भ अनावरण र प्रतिष्ठानको साधारणसभाको उद्घाटन गर्ने कार्यक्रम छ । 

उनले दमक नगरपालिका परिसरमा आजै अपराह्न आयोजना हुने प्रदेश नं १ स्तरीय साहित्यिक गोष्ठीको उद्घाटन गर्नुका साथै मदन भण्डारी रङ्गशालासम्बन्धी छलफलमा सहभागी हुने कार्यक्रम रहेको प्रधानमन्त्रीका प्रेस संयोजक चेतन अधिकारीले जानकारी दिए ।

प्रधानमन्त्रीले आजै गौरादह र दमक नगरपालिकाका जनप्रतिनिधिहरुसँग पनि भेटघाट एवं छलफल गर्ने जनाइएको छ । 

त्यस्तै भोलि बिहान उहाँले दमक रेडक्रस हलमा आयोजना हुने नगर र वडा कमिटीको शपथ तथा प्रशिक्षण कार्यक्रममा सहभागी हुनुहुनेछ । भोलि नै प्रधानमन्त्रीले दमकमा निर्माण भएको पशुपक्षी हाटको उद्घाटन गर्ने कार्यक्रम छ ।

यस्तै पूर्व भ्रमणको क्रममा पूर्वराजा ज्ञानेन्द्र शाह आइतबार इलाम पुगेका छन् । लामो समयदेखि तराई यात्रामा रहेका पूर्वराजा आइतबार बिहान दमकबाट इलाम पुगेका हुन् । चैत २१ गतेसम्म उनी इलममा रहने छन् भने १९ गते मंगलबार पूर्वराजाले पाँचथरको फिदिममा रहेको गढिमाईमा दर्शन गर्ने कार्यक्रम छ । 
 




प्रतिक्रिया