गाई गोठालाबीच भिडन्त, ८६ जना मारिए

Nigeria_hinsa.jpg

अबुजा- नाइजेरियामा किसान र गाई गोठालाहरूबीच भएको हिंसामा कम्तिमा ८६ जनाको ज्यान गएको छ । स्थानीय प्रहरीले त्यसको पुष्टि गरेको छ ।

स्थानीय सञ्चारमाध्यमहरूका अनुसार बेरम जातिका किसानले फुलानी जातिका गोठालाहरूमाथि आक्रमण गरेका थिए ।

गत मंगलबार पनि त्यस क्षेत्रमा हिंसा भड्किएको थियो । त्यसमा परी पाँच जनाको मृत्यु भएको थियो ।

नाइजेरियामा जमिनको विवादलाई लिएर हुने हिंसाको लामो इतिहास छ । स्थिति नियन्त्रणमा लिन हिंसाग्रस्त क्षेत्रमा कफ्र्यु आदेश जारी गरिएको छ ।

प्रहरी अधिकारीहरूका अनुसार थप ६ जना गम्भीर घाइते छन् । ५० वटा घर, १५ मोटरसाइकल र दुई वटा गाडी जलाइएको बीबीसीले जनाएको छ ।
 




प्रतिक्रिया