पत्रकार विश्वकर्मा पक्राउ

/assets/plugins/bower_components/fileman/Uploads/post_images/february/2019, March/karna_bishowkarma.jpg

काठमाडाैं - कालिकोटबाट प्रसारण हुने रेडियो नयाँ कर्णालीका वरिष्ठ प्राविधिक तथा सम्वाददाता कर्ण विश्वकर्मालाई प्रहरीले पक्राउ गरेको छ। उनलाई प्रहरीले रेडियो स्टेशन भित्रैबाट पक्राउ गरेको हो। 
प्रतिबन्धित विप्लव नेतृत्वको नेपाल कम्युनिस्ट पार्टीका गतिविधिमा संलग्न रहेको आशंकामा प्रहरीले उनलाई पक्राउ गरेको बताइएको छ। उनी जनपत्रकार संगठन नेपाल कालिकाेटका जिल्ला संयाेजकसमेत हुन्।

यसैबीच प्रहरीले स्टेशनबाटै पत्रकारलाई पक्राउ गरेकोमा नेपाल पत्रकार महासंघले विरोध जनाएको छ। रेडियोको स्टुडियोमै प्रवेश गरी पक्राउ गर्नु प्रेस तथा अभिव्यक्ति स्वतन्त्रतामाथिको हस्तक्षेप भएको भन्दै महासंघले विरोध जनाएको हो। 'संविधान विपरीत भएको उक्त कार्यका महासंघ विरोध गर्दै तत्काल विश्वकर्माको रिहाईको माग गर्दछ।', महासंघका महासचिव रमेश विष्टद्वारा जारी विज्ञप्तिमा उल्लेख छ।




प्रतिक्रिया