पाँच किशोरीमाथि सामुहिक बलात्कार, धर्मगुरु पनि संलग्न

Balatkar_123.jpg

भारतको झारखण्ड प्रदेशको खुँटीमा पाँच युवतीमाथि सामुहिक बलात्कार भएको छ । बलात्कारको घटनामा धार्मिक प्रचारका लागि खोलिएको एक विद्यालयका गुरुको पनि संलग्नता रहेको पाइएको छ ।

खुँटी प्रहरीका प्रमुख अश्विनी सिंहका अनुसार खुँटीको एक गैर सरकारी संस्थामा काम गर्ने पाँच किशोरीमाथि सामुहिक बलात्कार भएको हो । घटनामा संलग्न भएको आरोपमा धार्मिक गुरुसहित सातजनालाई नियन्त्रणमा लिएर मुद्दा दायर गरिएको प्रहरी प्रमुख सिंहले जानकारी दिए ।

प्रहरीले घटनामा संलग्न एक आरोपीको तस्बिर सार्वजनिक गरेको छ । तस्बिर सार्वजनिक गरिएका व्यक्तिको सूचना दिने व्यक्तिलाई पचास हजार भारतीय रुपैयाँ पुरस्कार दिने प्रहरीको घोषणा छ ।

घटनास्थल झारखण्डको राजधानी राँचीदेखि करिब ८० किलोमिटर टाढा कोचांगा गाउँ हो ।
https://www.nicasiabank.com/

‘आशा किरण’ नामक गैर सरकारी संस्थाका प्रतिनिधिहरु मानव तस्करीको विरुद्ध जनचेतनामुलक अभियानसहितको सडक नाटक लिएर कोचांगा पुगेका थिए ।

अभियानकै क्रममा धार्मिक प्रचारक स्कुलमा पुगेका किशोरीलाई मोटरसाइकलमा सवार केही व्यक्तिले अपहरण गरेका थिए । किशोरीका साथमा रहेका पुरुषहरुलाई कुटपिट गरेरका उनीहरुले पाँच किशोरीलाई नजिकैको जंगलमा लगेर सामुहिक बलात्कार गरेका थिए ।

 

प्रतिक्रिया