सोमबार, माघ १६, २०७९

विराटनगरबाट सुरु भयो नेपथ्यको मानवताका लागि संगीत अभियान

नेपाल समय  |  काठमाडौं, शनिबार, मंसिर १७, २०७९

नेपाल समय

नेपाल समय

शनिबार, मंसिर १७, २०७९, काठमाडौं

नेपाल समय

विराटनगर– लोक रक ब्यान्ड नेपथ्यले दुई दशकअघि ‘शान्तिका लागि शिक्षा’ अभियान कार्यक्रम गरेको विराटनगरबाटै ‘मानवताका लागि संगीत’ अभियान सुरु गरेको छ। अभियानको पहिलो ध्वनि शुक्रबार बेलुकी विराटनगरस्थित हाटखोला मैदानमा फैलिँदा हजारौं दर्शकको उत्साह मिश्रित आवाजले रंगेली जोड्ने सडक वरपरका सिंगो भेग गुञ्जायमान भए।

यसपालि नेपथ्यले अघिल्ला कन्सर्टभन्दा बेग्लै पहिलो गीत ‘भेडाको ऊनजस्तो’ पस्कियो। गीतको धुनमा परिमार्जनसहित नयाँपन दिएर सुरु गरिएको कार्यक्रममा दर्शक सहभागिता उत्साहपूर्ण रह्यो। दर्शकमा सुरुदेखि जागेको तापक्रमलाई निरन्तरता दिनकै निम्ति दोस्रो गीतमा ‘छेक्यो छेक्यो’, तेस्रो ‘लामपाते सुरती’ र त्यसपछि ‘चरी म¥यो’ र ‘जोमसोमे बजारमा’ जस्ता गीत पस्किए।

कार्यक्रम अवधिभर गायक अमृत गुरुङले बारम्बार मानवसेवा आश्रमको उद्देश्यबारे बोलेका थिए । ब्यान्डको पुरानो गीत ‘यो जिन्दगानी’लाई आश्रममा आश्रितको तस्बिरसहितका दृश्यबाट प्रस्तुत गरिएको थियो।

‘अर्को जुनी छ कि छैन थाहा छैन,’ उनी भनिरहेका थिए, ‘पुण्य कमाउने हो भने यसै जुनीमा र आजैबाट दान गरौं।’ गायक गुरुङले समाजमा एकताको आह्वान गर्दै त्यसले नै स्थिरता र विकास दिने तर्क राखे।

विराटनगरको सरकारी स्कुल गोग्राहा उच्चमाविकी पूर्वप्रधानाध्यापिका मीना जोशी यस स्थानमा फेरि नेपथ्यलाई पाएर अत्यन्तै खुसी देखिन्थन्। ‘आजभन्दा २० वर्षअघि मेरो स्कुलको अवस्था अत्यन्तै जर्जर थियो,’ जोशीले भनिन्, ‘त्यसबेला नेपथ्यले विराटनगरमा गरेको कन्सर्टकै आम्दानीबाट भरथेग पाएको स्कुल अहिले उच्च तहमा उत्कृष्ट अध्ययन अध्यापन गराउन सक्ने अवस्थामा पुगिसकेको छ।’

विराटनगरका विभिन्न क्षेत्रमा सेवारत उच्च ओहोदाका व्यक्तित्व त्यसै विद्यालयका उत्पादन भएकाले आफूलाई गौरव लाग्ने गरेको जोशीले बताइन्। ‘नेपथ्यको संगीतले यसरी शिक्षा क्षेत्रलाई दिएको योगदानको उदाहरण हामी आफैं भएका छौं,’ जोशीले थपिन्, ‘अब आएर यो ब्यान्डले मानवताको क्षेत्रमा पनि सहकार्य गर्न लाग्दा खुसी छु।’

सडकमा आश्रित मानिसलाई ओत र खाना दिएर पुण्य कमाइरहेको मानवसेवा आश्रम र संगीतका माध्यमबाट समाजको हितमा समर्पित नेपथ्य दुवै परोपकारी चरित्रका संस्था भएकाले यसको समिश्रणबाट सिंगो नेपाली समाज लाभान्वित हुने विश्वास जोशीको छ।

कन्सर्टमा पहिलो लहरमै बसेर नृत्यरत एक परिपक्व अनुहार पनि देखिन्थ्यो। उनी थिए, स्थानीय समाजका परिचित व्यक्तित्व डा. हेमसागर रिमाल। रिमाल यहाँस्थित विराट मेडिकल कलेजका प्रिन्सिपल हुन्। तर नेपथ्यसँगको उनको साइनो अलि पुरानै रहेछ। करिब डेढ दशकअघि उनी अस्ट्रेलियाको मेलबर्नमा अभ्यास गरिरहेका डाक्टर थिए। त्यतिबेलै त्यहाँ आयोजना भएको नेपथ्य ब्यान्डको कन्सर्ट डा. रिमाल पनि पुगेका थिए।

‘आयोजक मानव सेवा आश्रमको टोली कलेजमा आएर नेपथ्यको नाम लिनेबित्तिकै पुराना दिनको सम्झनाले मेरा रौं ठाडो भएजस्तो महसुस भयो,’ डा. रिमालले थपे, ‘त्यसपछि आयोजकलाई विद्यार्थीमाझ लगेर आफैंले नेपथ्यबारे सुनाएँ।’ 

कन्सर्टको अन्त्यतिर ‘गाउँ–गाउँबाट उठ’ गाउन सुरु गरेपछि हाटखोला मैदानको धुलोले अकास छेक्लाजस्तै गरी सहभागी नाच्न सुरु गरे। त्यसलाई ‘रेशम’ र ‘तालको पानी’बाट अघि बढाउँदै अन्त्यमा नेपथ्यले ‘रातो र चन्द्रसूर्य’ गीत प्रस्तुत गरेको थियो। त्यतिबेला मुलुकप्रतिको भावनाले ओतप्रोत दर्शक राष्ट्रिय झन्डा बोकेर नृत्य गरिरहेका देखिन्थे।

मञ्चमा गायक अमृतलाई ड्रम सेटमा ध्रुव लामा, किबोर्डमा सुरज थापा, बेसमा सुविन शाक्य, गितारमा निरज गुरुङ र मादलमा शान्ति रायमाझीले सघाएका थिए। संगीतका साथै मानवता प्रवद्र्धनका लागि नेपथ्यको यो कन्सर्ट विराटनगरमा सफल भएको मानवसेवा आश्रमका अध्यक्ष रामजी अधिकारीले बताए। 

विराटनगरको कन्सर्टपछि ७० सदस्यीय नेपथ्य टोली पाँच वटा ट्रक, दुई बस र केही साना सवारीमार्फत वीरगन्ज प्रस्थान गरेको छ। वीरगन्जस्थित आदर्शनगर रंगशालामा नेपथ्य १९ मंसिरमा प्रस्तुत हुँदै छ।


प्रकाशित: December 3, 2022 | 12:36:59 काठमाडौं, शनिबार, मंसिर १७, २०७९

तपाईं को प्रतिक्रिया

ट्रेंडिंग

बक्स अफिसमा नयाँ रेकर्ड बनाउँदै पठान

फिल्मले सबैभन्दा छोटो समयमा ४ सय करोडभन्दा बढीको व्यापार गर्ने हिन्दी चलचित्रको रेकर्ड पनि कायम गरेको छ। चौथो दिनमात्र पठानले १०० करोडभन्दा बढीको बिजनेस गरेको छ।

रवि लामिछानेले लिए नागरिकता

लामिछानेले जिल्ला प्रशासन काठमाडौंमा अमेरिकी नागरिकता त्यागेको निस्सा पेस गरेपछि दोस्रो पटक नेपाली नागरिकता लिएका हुन्।

लाइन मिचेर नागरिकता लिन सीडीओ कार्यालय पुगे रवि

रवि लामिछाने नागरिकता लिन जिल्ला प्रशासन कार्यालय काठमाडौं पुगेका छन्। आइतबार दिउँसो १२ बजे उनी नागरिकता लिन सीडीओ कार्यालय पुगेका हुन्।

रविको राजीनामापछि रास्वपाको पहिलो बैठक बस्दै

राष्ट्रिय स्वतन्त्र पार्टीको केन्द्रीय समिति बैठक बस्ने भएको छ।

प्रथम सरस्वती कराते कपको उपाधी इचङुनारायण र ब्रह्मास्मी स्कुललाई

प्रथम सरस्वती कप सिनियर/जुनियरको उपाधी इचङुनारायण डोजो र ब्रह्मास्मी स्कुलले जितेको छ।

चितवन-२ मा उपनिर्वाचन हुने, अयोग्य ठहरिएका रवि चुनाव लड्न पाउलान्?

पुनः नागरिकता प्राप्त गरेसँगै चितवन क्षेत्र नम्बर २ मा अब हुने उपनिर्वाचनमा उनी सहभागी हुन सक्नेछन्। तर त्यसअघि अन्य कसुरमा उनीमाथि कारबाही नभएको अवस्थामा मात्रै उपनिर्वाचनमा उम्मेदवार हुन पाउने छन्।

मुक्तिनाथ बैंकका गार्डले सांग्रिलाको एटीएम फुटाउन खोजेपछि...

एटीएम फोडेर पैसा झिक्न खोज्ने एकजनालाई प्रहरीले शुक्रबार पक्राउ गरेको छ।

रविको राजनीतिक यात्रा: ६ महिनामा अविश्वसनीय छलाङ, अचानक उपलब्धि शून्य

उनले हासिल गरेका उपप्रधान तथा गृहमन्त्री र सांसद पद गएको छ। त्यतिमात्र नभएर उनी आफैंले ६ महिनाअघि गठन गरेको पार्टीबाट पनि उनी बेदखल भएका छन्। रविको आफ्नै शब्दमा भन्ने हो भने उनी अनागरिक भएका छन्।

डिल्लीबजारस्थित फ्युजन कन्सल्टेन्सीबाट तीन जना पक्राउ

डिल्लीबजारस्थित फ्युजन कन्सल्टेन्सीमा प्रहरीले छापा मारेर तीन जनालाई पक्राउ गरेको छ।

लोकदोहोरी गायक भीम पौडेलको निधन

लोकदोहोरी गायक भीम पौडेलको निधन भएको छ। स्याङजा खुदी घर भएका पौडेल लामो समयदेखि लोकदोहोरी गायनमा सक्रिय थिए।

थप समाचार

नेपाल समय
संगीत

टर्टलमा आज तृष्णा गुरुङको लाइभ कन्सर्ट

भ्वाइस आफ नेपाल तेश्रो सिजनकी कोचसमेत रहेकी गायिका गुरुङले राति ९ बजेबाट आफ्नो ब्यान्डसहित लाइभ प्रस्तुति दिने क्लबका सञ्चालक आयुष ठकुरीले जानकारी दिए।
नेपाल समय
संगीत

अस्ट्रेलिया उड्दै नेपथ्य

‘नेपथ्य म्युजिक फर ह्युम्यानिटी’ अस्ट्रेलिया टुर २०२३ नाम दिइएको यो सांगीतिक यात्रा २५ जनवरीमा डार्बिनस्थित इन्टरटेनमेन्ट सेन्टरबाट थालनी हुनेछ।
नेपाल समय
संगीत

वर्षौंदेखि डायरीमा कैद गजलले जब तिलकसिंह पेलाको स्वर पायो

स्टेज कार्यक्रममा कमै पुग्ने तिलक पेला यतिखेर आफ्नो आवाजको जादूले लाखौंको मन जितिरहेका छन्। उनी भन्छन्, ‘यो गजल कम्पोज गर्दा नै मेरो मन रोएको थियो। म डुबेको थिएँ यसमा।’
नेपाल समय
संगीत

सभ्यता अभिनित 'जब तिमी हुनेछौ' को म्युजिक भिडियो सार्वजनिक

नायिका तथा मोडल सभ्यता गिरी अभिनित ‘जब तिमी हुनेछौ’ बोलको म्युजिक भिडियो सार्वजनिक भएको छ। यस गीतको म्युजिक भिडियोमा सभ्यतासँगै कमल सिंहको अभिनय रहेको छ।
नेपाल समय
संगीत

गीतकार सुरजको 'एक झल्को' मा एलिना चौहान

गीतकार सुरजले आफ्नी प्रेमीका प्रभा बस्नेतलाई सर्मपित गर्दै लेखेको गीतको भिडियो प्रभाकै जन्मदिनमा सार्वजनिक गरेका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना