बिहीबार, भदौ २, २०७९

के छ शिव हमालले आत्मालोचना गरेको 'पापाकी परी' गीतमा?

नेपाल समय  |  काठमाडौं, शुक्रबार, साउन २०, २०७९

नेपाल समय

नेपाल समय

शुक्रबार, साउन २०, २०७९, काठमाडौं

नेपाल समय

के हुन्छ होला है बिहेको राति

अँध्यारो कोठामा अञ्जान साथी 

सम्झेर गइसक्यो सातो बरिलै 

‘पापाकी परी’ बोलेको गीतको एक अन्तरा हो यो। मोडल करिष्मा ढकाल कोरसका साथ पेटिकोट लगाएर पानी पँधेरोमा नुहाउँदै, गाउँदै, नाच्दै गरेको भिडियोमा देख्न सकिन्छ। शिव हमालको शब्द र पेटिकोट लगाएर नाचेको दृष्यप्रति कतिपयले सामाजिक सञ्जालमा आपत्ति जनाएका छन्। 

के विकृति–विसंगति मुक्त लोकदोहोरी बनाउन पुराना स्रष्टा नै गम्भीर छैनन्। यदि हुन्थे भने गायक–संगीतकार शिव हमालको गीत पक्कै विवादमा आउँदैनथ्यो। या स्रष्टा हमालले आत्मालोचना पनि गर्नु पर्दैनथ्यो। यस्तै मत छ धेरैको।  

सुशीला पाठकको स्वर रहेको गीतका संगीतकार आशिष अविरल हुन्। उनैको नामको युट्युब च्यानलबाट साउन १७ गते सार्वजनिक भएको गीत हेरेर इशानी गुरुङ लेख्छिन्, ‘हाम्रो नेपाली मौलिक लोक संगीत क्षेत्रका धरोहर अनि दिग्गज सर्जक भनेर चिनिने दाजु शिव हमाल र दाजु आशिष अविरलबाट पनि यस्तो खालको गीत सिर्जित हुनुले नेपाली लोक संगीतको मौलिकता कुन दिशातिर जाँदैछ भन्ने प्रस्ट देखियो। हो, सर्जकको सिर्जना फरक फरक किसिमको हुन्छ तर हुन्छ भन्दैमा लोक गीतलाई डग्मगाउने, धक्का दिने खालको शब्द, गीत सिर्जना गरेर लोक गीत सुन्नै, हेर्नै दिक्क लाग्ने नगरिदिनु भए आभारी हुने थियौं।’

अपाच्य र अझ गीत रिलिज गरे कारवाही गर्ने चेतावनी दिएको संस्थाका संयोजकले नै यस्तो गीत निकाल्दा कारबाही हुन्छ कि हुँदैन भनेर सञ्जालमा प्रश्न उठिरहेको छ। हमालले सामाजिक सञ्जालमा सेयर गरेको गीतको भिडियोमा सुमन पंगेनी लेख्छन्, ‘दुर्गेश थापाको गितलाई अश्लील भन्ने अनि उनलाई कारबाही गर्नुपर्छ भनेर नेतृत्व नै गर्ने तपाईंले यस्तो उच्छृंखल गित निकाल्न कुन नैतिकताले दियो? तीज गीत हो कि रत्यौलीको गीत हो? विकृति–विसंगति मुक्त लोकदोहोरी भन्ने तर त्यहि विकृति फैलाउने गीत प्रतिष्ठानकै उपमहासचिवले गर्न मिल्छ? लाज मान्ने गरौं न है। अरूलाई कारबाही आफूलाई चाहिँ छुट?’

प्रतिष्ठनाका अध्यक्ष रमेश विजिका अनुसार शिवको गीतका शब्दको पुनः सम्पादन र भिडियोका केही दृष्य हटाउन लगाइने छ। विजीले भने, ‘शिवजीले आत्मालोचना गर्नुभएको छ र करेक्सन गर्ने सहमति जनाइसक्नु भएको छ।’

शिव हमाल राष्ट्रिय लोक तथा दोहोरी गीत प्रतिष्ठानको केन्द्रीय उपमहासचिव हुन्। प्रतिष्ठानको उपमहासचिव भएको नाताले संस्थागत रूपमा गायक दुर्गेश थापाको गीतलाई अश्लिल भनेर कारबाहीको माग उनले पनि गरे। छाडा तथा द्विअर्थी लाग्ने लोकदोहोरी गाएको भन्दै १३ जना लोक दोहोरी गायक–गायिकालाई प्रतिष्ठानको कार्यालयमा ल्याएर स्पष्टिकरण पनि मागेकै हुन्।

स्रष्टा हमाल त प्रतिष्ठानले विकृति नियन्त्रण समिति निर्माणको संयोजक नै हुन्। अरूको गाएको गीतले लोकगीतमा विकृति आयो भन्ने स्रष्टाले आफ्ना शब्दमा पनि संवेदनशिल हुनुपर्ने थियो। अझ २०७९ आसरा ५ गते राष्ट्रिय लोक तथा दोहोरी गीत प्रतिष्ठानले विज्ञप्ति निकाली सबै श्रष्टाहरुलाई छाडा तथा द्विअर्थी लाग्ने शब्द र जथाभावी भिडियो नबनाउन अनुरोध नै गरेको थियो। 

‘सम्पूर्ण श्रष्टा, सर्जक, गायक–गायिका, उत्पादक रेकर्डिङ स्टुडियो श्रव्यदृष्य निर्माणकर्ता एवं वितरकहरुमा सामाजिक सद्भाव खलल पुर्याउने एवम् अभद्र र नियतवश द्विअर्थी अपाच्य शब्द सामग्री प्रयोग गरी संस्कृति विगार्ने खालका गीतसंगीत प्रस्तुत नगर्न नगराउन हुन विनम्रतापूर्वक हार्दिक अनुरोध गर्दछौं,’ विज्ञप्तिमा भनिएको छ। 

प्रतिष्ठानको आग्रहलाई बेवास्ता गरेर गीत निकाले कारबाही गर्ने चेतावनी समेत दिएको थाहा हुँदा–हुँदै पनि हमालले आफ्ना गीतमा द्विअर्थी लाग्ने शब्द कोरे। जसका कारण सामाजिक सञ्जालमा आलोचना भइरहेको छ।

गायिका सुशीला पाठकले भने अडियोलाई भिडियोले न्याय दिन खोजिएको भन्दै सामाजिक सञ्जाल मार्फत गीतको बचाउ गरेकी छिन्, ‘गीत र शब्दले कुनै पनि विकृति र नकरात्मक कुरालाई प्रोत्साहन गरेको छैन। हाम्रै समाजमा भइपरिआएका र बोलिने रत्यौली र ठट्यौली शब्दहरूलाई संगीतमा उतारिएको कुरालाई यत्रो विवादित बनाउनु तर्क संगत लाग्दैन मलाई।’ मोडल करिष्मा ढकाल भने यो विषयमा खासै खुलेर बोलेकी छैनन्। 

यस्तो छ गीत



प्रकाशित: August 5, 2022 | 16:45:39 काठमाडौं, शुक्रबार, साउन २०, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

कांग्रेस केन्द्रीय समितिमा थपिँदै आठ महिला

संविधानअनुसार अहिले कांग्रेसको केन्द्रीय समितिमा महिलाको संख्या ३३ प्रतिशत नपुगेका कारण ३३ प्रतिशत पु¥याउन आठ जनालाई केन्द्रीय समितिमा मनोनयन गर्न लागिएको हो।

पञ्चायती व्यवस्थाका हार्डलाइनर मरीचमानको अविचलित राष्ट्रवाद

तीन दशक लामो पञ्चायती व्यवस्थाका अन्तिम प्रधानमन्त्री मरीचमान सिंह २०४६ को बहुदलीय व्यवस्थाका कारण राजा वीरेन्द्रबाट बर्खास्तीमा परे। त्यो समय कसैसँग नझुक्ने अडान लिएर बसेका मरीचमान भारतको नाकाबन्दी, जनआन्दोलनको उभारलगायत यिनै र यस्तै घटनाक्रमले कतै नायक बने, कतै खलनायक।

आरजुबारे देउवाको त्यो वचन तर यो प्रयास!

पार्टी सञ्चालनका सन्दर्भमा होस् वा सरकार सञ्चालनमै पनि किन नहोस्, आरजु हावी भइरहेकी छन्। यसलाई राजनीतिक जानकारहरुले देउवाको उत्तराधिकारी हुने प्रयासका रुपमा बुझेको देखिन्छ।

प्रचण्डसामु बाबुरामको 'बाध्यात्मक शरण'

सात वर्षअघि माओवादी विचारधाराको औचित्य समाप्त भएको घोषणा गरेर कम्युनिस्ट विचारधारा पूर्ण रूपमा त्यागेको बताएका बाबुराम नयाँ पार्टी खोलेर पनि राजनीति उँभो लाग्ने छनक नदेखिएपछि प्रचण्डतिरै लहसिनुपर्ने बाध्यतामा पुगेका छन्।

२०७४ मा जसले जिताए, तिनै बन्नेछन् विष्णु पौडेलको तगारो

रुपन्देहीको निर्वाचन क्षेत्र नम्बर २ बाट लगातार पछिल्ला ३ निर्वाचन जितेका विष्णु पौडेल नै एमालेबाट निर्विकल्प उम्मेदवार हुन्। पौडेलले २०६४, २०७० र २०७४ को निर्वाचनमा क्रमशः भक्ति पाण्डे, डा. बाबुराम भट्टराई र युवराज गिरीलाई हराएका थिए।

राष्ट्रपतिद्वारा नागरिकता विधेयक फिर्ता : अब के हुन्छ?

यसअघि तत्कालीन प्रधानमन्त्री केपी शर्मा ओलीले ल्याएको नागरिकता अध्यादेश भने जारी गरेकी थिइन्। असंवैधानिक रुपमा संसद् विघटन गर्दै ल्याएको नागरिकता अध्यादेश जारी गरेकी राष्ट्रपति भण्डारीले संसद्‌बाट पारित गरेको विधेयक भने फिर्ता गरेकी हुन्।

तालाबन्दी र तोडफोडले बिगारेको त्रिवि : माग एउटा, नियत अर्कै!

पछिल्लो समय भने तालाबन्दी राजनीतिक पाटोसँग भन्दा पनि लेनदेनको पाटोसँग जोडिएको उपप्राध्यापक रेशम थापा बताउँछन्। ‘पहिला राजनीतिक कारण हुन सक्थ्यो। तर, हिजोआज यो बिल्कुल आर्थिक पाटोसँग जोडिएको छ। लनेदेनको कुरा मिले ताला खुल्छ। नत्र लागिबस्छ,’ थापाले भने।

नयाँ तलबमान र ग्रेड लागू गर्ने मन्त्रिपरिषद्को निर्णय

सरकारले सबै राष्ट्र सेवक कर्मचारीहरूको नयाँ तलबमान र ग्रेड स्वीकृत गरेको छ।

यी ३२ निर्वाचन क्षेत्र, जहाँ गठबन्धनलाई पर्न सक्छ सिट बाँडफाँटमा सकस

२०७४ मा बाम गठबन्धन बनाएर संघीय सांसद भएकाहरू दल बदल र पाँच दलीय गठबन्धनभित्र समेटिएपछि आउँदो चुनावमा कांग्रेसका आकांक्षी उम्मेदवार र सत्ता साझेदार दलका नेताहरू आ–आफ्नो दाबीसहित टिकटका लागि दौडधुप गर्दै छन्।

यी कांग्रेस नेता जो अहिले गुमनाम छन्

गुमनाम नेताको अग्रपंक्तिमा छन्- पूर्वमहामन्त्री तारानाथ रानाभाट, केबी गुरुङ, पूर्वमन्त्री बलदेब शर्मा मजगैया, विनयध्वज चन्द।

थप समाचार

नेपाल समय
संगीत

परम्परा, संवेग र मनोरञ्जनको त्रिकोणात्मक कथामा सोनाको तीज गीत

सोना अमात्य युट्युव च्यानलबाट सार्वजनिक गरिएको भिडियोमार्फत व्यवहारमा बाँधिएर स्वच्छन्दताको थोरै मात्र अनुभूति गर्न पाएका महिलाहरुलाई खुलेर नाच्न आग्रह गरिएको छ।
नेपाल समय
संगीत

१० लाख पुरस्कार राशिको अर्ना सङ कन्टेस्ट सुरु

अर्ना बियरले यो वर्ष पनि ‘अर्ना सङ कन्टेस्ट २०२२’ आयोजना गर्ने भएको छ। अर्नाले विगत दुई वर्षदेखि यो प्रतियोगिता आयोजना गर्दै आएको छ।
नेपाल समय
संगीत

रानीको 'खर्च माग्दिनँ' तीज गीतमा बिनाको नृत्य [भिडियोसहित]

रानी शाक्यको स्वर रहेको खर्च माग्दिनँ बोलको तीज गीत सार्वजनिक भएको छ। गीतको भिडियोमा बिना राउतले नृत्य प्रस्तुत गरेकी छन्।
नेपाल समय
संगीत

रामकृष्ण ढकालको 'काली' गीत सार्वजनिक

अगाध माया गरेको मान्छेले धोका दिँदा मनमा उत्पन्न भावलाई गीतमार्फत व्यक्त गरिएको छ।
नेपाल समय
संगीत

अनिलले ल्याए देउडा गीत ‘रेलिमोई’

विशेषगरी पप गायनमा सक्रिय अनिलले यस पटक देउडा गीत गाएका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना