सोमबार, असार १३, २०७९

'सान्‍नानी'बाट युट्युब ट्रेन्डिङमा आएकी लोकगायिका सरिता

नेपाल समय  |  काठमाडौं, बिहीबार, असार ९, २०७९

नेपाल समय

नेपाल समय

बिहीबार, असार ९, २०७९, काठमाडौं

नेपाल समय

काठमाडौं– गाउँघरको फूलै राम्रो। फूलजस्ता युवती झनै राम्रा। अपरिचित तन्नेरी मानिसको नजर त्यस्तै फूलमा परेपछि मायाप्रेमका गीत बज्न थाल्छन्। गीत गाउँदै युवक युवतीलाई फकाउन थाल्छन्। 

कति राम्री सान्नानी दिल बस्यो हीरैमा

ओठमा लाली सान्नानी शिरफूल शीरैमा

जाम पोखरा मिनीबसैमा....

लोकदोहोरी गायिका सरिता कार्की र गायक सन्दीप न्यौपानेको संयुक्त आवाजको यो गीत छोटो समयमै युट्युबको ट्रेन्डिङमा परेको छ। अपलोड भएको तीन दिनै सान्नानी ट्रेन्डिङको तेस्रो नम्बरमा आएको छ र पाँच लाखभन्दा बढी पटक हेरिसकिएको छ। सरिता कार्कीको अफिसियल युट्युब च्यानलबाट सार्वजनिक भएको गीतले गायिकालाई फेरि चर्चामा ल्याएको छ।

प्रकाश भट्टद्वारा निर्देशित भिडियोको सुरुमै एक युवक (महेन्द्र गौतम) सान्नानीको घरको आँगनमा पुगेर पानी माग्छन्। घरमा बस्दै गर्नू, पानी लिएर आउँछु भन्दै गाग्री लिएर सान्नानी (लक्ष्मी बर्देवा) धारातिर हानिन्छन्। उनलाई पछ्याउँछन्, गौतम। सीधासोझा युवतीहरू आफूलाई पछ्याउने युवक पाएपछि हुरुक्कै भइहाल्ने भए। सान्नानी पनि हुरुक्कै हुन्छिन्। गीत गाउँदै युवकले सान्नानीलाई मायाजाल बुन्न थाल्छ। जाम पोखरा मिनीबसैमा भन्दै युवकले युवतीलाई फकाइछाड्छ। त्यसपछि सान्नानीलाई पोखरातिर सँगै लिएर जान्छ। 

पोखरा जाने क्रममा युवकले सान्नानीलाई अनेक खानेकुराका बाँन्की खुवाउँछ। बाटोमा पहिरो खसेको थाहा पाएपछि हिँडेरै पारि पुग्छन् र अर्को बस समाएर पोखरा लाग्छन्। पोखरा पुगेको युवकले तालवाराहीमा लगेर सान्नानीसँग लगनगाँठो कस्छ। विवाह गरिसकेपछि युवकले सान्नानीलाई एक बोतल चिसो पेयपदार्थ दिन्छ र आफूले पनि अर्को बोतल लिन्छ। चिसो पेय पिएकी सान्नानीका आँखा विस्तारै धमिलो हुँदा बेहोस हुन्छिन्। तर सान्नानीको होस खुल्दा युवक बेपत्ता भइसकेको हुन्छ। सान्नानीको रोनाधाना सुरु भएसँगै भिडियोको कथा सकिन्छ। 

भिडियोले आजको समाजमा पनि युवतीलाई युवाहरूले कति झुक्याउँछन् भन्ने यथार्थ देखाउन खोजेको छ। गाउँघरका सोझा सान्नानीलाई झुटो माया देखाएर सहर लगेर अलपत्र मात्रै पार्दैनन्, केही छिन अगाडि विवाह गरेकी श्रीमतीलाई बेहोस बनाएर बलात्कार गर्छन् र फरार हुन्छन्। 

नेपाली समाजमा अहिले पनि सान्नानीजस्ता दिदीबहिनीलाई ललाइ–फकाइ सहर लैजाने, सहरमा विवाह गर्ने र आफ्नो स्वार्थ पूरा भएपछि अलपत्र पारिदिने चलन छ। जोकोही युवकले पछ्याउँदैमा पत्याएकामा सान्नानी भने पछुतोमा पर्छिन्। गहिरो चिनजान नभई कसैलाई विश्वास गर्नुहुन्न भन्ने सन्देश दिन खोजेको छ, भिडियोले।

गीतमा प्रकाश पौडेलको शब्द तथा संगीत रहेको छ। कोरसमा प्रशान्त पौडेल र स्मृति शाहीले साथ दिएका छन्।

सरिता कार्की लोक–संगीतमा परिचित नाम हो। सरिताका गीत गाउँघरमा हुने मायाप्रेम र विकृति, विसंगति सेरोफेरोमा बुनिएका हुन्छन्। उनका गीतमा पोखरा हत्तपत्त छुट्टिँदैनजस्तो लाग्छ। पोखरामाथि लेखिएका थुप्रै गीत गाएकी छन् सरिताले। ‘खोलीमा जलुका’, ‘मायालु हजार’, ‘लाउँछ माया’, ‘लाखौं तारा’, पञ्चैबाजा घुम्न’, जस्ता हिट गीत छन् उनका। संघर्षका दिनदेखि सँगै गीत गाउँदै आएका महेन्द्र र सरिताले थुप्रै गीतमा एकैसाथ मोडलिङ पनि गरेका छन्। सान्नानी बोलको गीतमा गायनमा सरितालाई सन्दीप न्यौपानेले साथ दिएका छन् भने महेन्द्रको  अभिनय रहेको छ।  


प्रकाशित: June 23, 2022 | 16:10:00 काठमाडौं, बिहीबार, असार ९, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

चन्द्रागिरिको जंगलमा हराएका तीन विदेशी भीरमा भेटिए

उक्त स्थान थानकोटबाट करिब सात किलोमिटर टाढा थानकोट–चित्लाङ सडकखण्ड नजिक रहेको प्रहरीले जनाएको छ।

...अनि पटक-पटक मर्ने प्रयास गरेकी थिइन् दिलमायाले

‘त्यसबेला मेरो छोरो पाँच वर्षको थियो। म माइतीको शरणमा गएको थिएँ। तर माइतीले पनि नहेरेपछि मर्छु भनेर बाबुलाई घरमै छोडेर जंगलभित्र गा'को थिएँ। तर जंगलमा ३ घन्टा रुँदैरुँदै बिताएर घर फर्किएँ। बच्चाले दुःख पाउँछ भनेर मर्न सकिनँ...

गायिका सुनार मृत्यु प्रकरण : प्रेमीले फालेको सल नालीमा भेटियो, पोस्टमार्टम रिपोर्ट कुर्दै प्रहरी

प्रहरीको प्रारम्भिक अनुसन्धानले गायिका सुनारको डिभोर्सपछि उनी श्रेष्ठसँग करिब डेढ वर्षयता ‘लिभिङ टुगेदर’मा बस्दै आएको देखिएको छ। नेपालटारस्थित उनको डेरामा श्रेष्ठको आउजाउ बाँक्लै थियो।

कांग्रेसभित्र यसरी 'फ्रन्ट डोर' ढकढक्याउँदैछन् विनोद चौधरी

म कांग्रेस एकदमै कमजोर भएको अवस्थामा प्रवेश गरेको हुँ। मेरो बाँकी राजनीतिक जीवन कांग्रेसमै बित्छ। कांग्रेसमै रहेर पार्टी र देशका लागि केही गर्ने हो। परिवर्तन ल्याउन भूमिका खेल्ने हो। म मेरो योजनामा असफल भएँ भने राजनीतिमा विश्राम लिएर आराम गरेर बस्छु।

गोर्खा सैनिकको सम्झनामा त्यो फोकल्यान्ड युद्ध

‘बिहानको १० बजेसम्म घाम देखिँदैन। जताततै तिखा चट्टान, ढुंगा र घासे मैदान। चार मोजा र बुट लगाउँदा सम्म नथेगिने चिसो। घरिपानी, घरि असिना, घरि हिउँ। रुखपात छैन, झारपात मात्र कस्तो ठाउँ होला!’

नेपालबाट बेलायत जाने मौसमी कामदार बढे, सरकार भन्छ- ऐनले चिन्दैन

कोराना महामारीपछिको अर्थतन्त्रलाई ट्रयाकमा ल्याउन बेलायत सरकारले विभिन्न मुलुकबाट मौसमी रोजगारका लागि आवेदन मागिरहेको छ। तर नेपालको श्रम ऐनमा मौसमी रोजगारसम्बन्धी व्यवस्था नहुँदा नेपाली श्रमिकलाई अप्ठेरो पारिरहेको छ।

साडियो माने : धुलाम्य मैदानदेखि लिभरपुलको लोभलाग्दो रवाफसम्म

बाल्यावस्थादेखि बलसँगै लडिबुडी गरेका मानेले फुटबलमा पाएको जादूयी सफलतापछि जन्मथलो बम्बालीमा उम्रिँदै छन् सयौं मानेहरू।

'मानवताको सहर' बुटवलमा दलितले कोठा भाडा पाउँदैनन्

जातका आधारमा हुने विभेदलाई कानुनले निषेध गरेको र बुटवलमा मानव भएर बाँच्न मानवताको सहर नारा तय गरिए पनि त्यसैलाई खिल्ली उडाउँदै जातीय भेदभावको घटना सार्वजनिक भएको हो।

रवि लामिछाने र रमेश खरेलबीच सहकार्यको विषयमा छलफल

नवगठित राष्ट्रिय स्वतन्त्र पार्टीका अध्यक्ष रवि लामिछाने र नेपाल सुशासन पार्टीका अध्यक्ष रमेश खरेलबीच भेटवार्ता भएको छ।

राष्ट्रिय स्वतन्त्र पार्टीले आज पत्रकार सम्मेलन गर्ने

रवि लामिछाने नेतृत्वको राष्ट्रिय स्वतन्त्र पार्टीले आज पत्रकार सम्मेलन गर्ने भएको छ।

थप समाचार

नेपाल समय
संगीत

'सान्‍नानी'बाट युट्युब ट्रेन्डिङमा आएकी लोकगायिका सरिता

गामठामका सीधासोझा युवतीलाई मायाजालमा फसाएर आफ्नो स्वार्थ पूरा गर्ने तन्नेरीहरूको हर्कतलाई सान्नानी गीतको भिडियोले पर्दामा उतारेको छ।
नेपाल समय
संगीत

कन्दरा ब्यान्डको व्यवस्थापन ‘नेपग्याज्म लाइभ इभेन्ट’ले गर्ने

पोखरेली सांगीतिक ब्यान्ड ‘कन्दरा’ र ‘नेपग्याज्म लाइभ इभेन्ट’ (एनएलई)बीच व्यवयसायिक सम्झौता भएको छ। २०७९ असार ७ गते दुई पक्षबीच सम्झौता भएको विज्ञप्तिमार्फत जनाइएको हो।
नेपाल समय
संगीत

तीन स्रष्टाको सहकार्यमा जन्मिएको एउटा गीत, जसले द्वन्द्वपीडितको दुःख बोल्छ

‘वाक् स्वतन्त्रता’ खोसेर क्रान्ति गर्न हिँडेको सशस्त्र द्वन्द्वले जनता टुहुरा भए, विधवा भए, घरबारविहीन भए। गाउँ र बस्तीलाई जगाउन हिँडेको द्वन्द्वले गाउँ नै रित्तो बनायो।
नेपाल समय
संगीत

सारेगमप लिटल च्याम्प कृपा र रोशाको 'फोन आउला कि' सार्वजनिक [भिडियोसहित]

सारेगमप लिटल च्याम्प विजेता कृपा पौडेल र फस्ट रनरअप रोशा फुयाँलको स्वरमा रहेको गीत सार्वजनिक भएको छ।
नेपाल समय
संगीत

विवाहबन्धनमा बाँधिइन् गायिका जोशी

गायिका जोशी र फेसन डिजाइनर केडिया तीन वर्षदेखि प्रेम सम्बन्धमा थिए

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना