सोमबार, साउन २३, २०७९

आमाबाबुसँग किन मिलेन जी–बबको लेबल?

नेपाल समय  |  काठमाडौं, आइतबार, जेठ २९, २०७९

नेपाल समय

नेपाल समय

आइतबार, जेठ २९, २०७९, काठमाडौं

नेपाल समय

काठमाडौं– विवाद उत्पन्न भएपछि चर्चित र्‍यापर जी–बब र उनका आमाबाबुलाई छलफलका लागि काठमाडौं प्रहरीले बोलाएको छ। वास्तविक नाम सुदीप भण्डारी रहेका जी–बबलाई उनको कलासम्बद्ध संस्था एएनटीफले ‘एकप्रकारले बन्धक बनाइरहेको’ भन्दै उनका आमाबाबुले प्रहरी गुहारेपछि उनीहरुबीच सोमबार छलफल हुने भएको हो।

जी–बबका आमाबाबुले एएनटीफको व्यवहार सन्देहपूर्ण रहेको र आफूहरुलाई आफ्नो छोराको स्वास्थ्य स्थितिको चिन्ता रहेकाले यसबारे प्रहरीमा उजुरी दिनुपरेको बताएका छन्। तर जी–बबको भनाइ भने आमाबाबुको भन्दा फरक छ। आमाबाबुले प्रहरीमा उजुरी दिएपछि र्‍यापर जी–बबले परिवारका सदस्य, खासगरी आमाले आफ्नो मानहानिसहित स्वतन्त्रतामा हस्तक्षेप गरेको भन्दै प्रहरी प्रशासनमा उजुरीको प्रतिवाद गरेका छन्। 

‘उहाँहरुका कुराहरु परस्पर बाझिएका छन्। आमाबाबुले छोरालाई एएनटीएफ नामको संस्थाले आर्थिक लगायतका कुराहरु दबाबमूलक व्यवहार गरेको र उनलाई एकोहोरो बनाएको आरोप लगाइरहनुभएको छ तर जी–बबले त्यो कुरालाई नकारेका छन्’, काठमाडौं प्रहरीका एक अधिकृतले नेपाल समयसँग भने, ‘यतिसम्म कि आफ्नो छोरालाई ओभरडोज ड्रग्स दिने गरेकोसम्मको आरोप अभिभावकको छ, त्यसैले परस्पर आएका उजुरीका आधारमा हामीले उनीहरुबीच छलफल गराउन खोजेको हो।’ 

जी–बबका बुवाआमाले शुक्रबार पत्रकार सम्मेलन गर्दै छोरालाई आफूहरुले घर फिर्ता ल्याउन र उसको स्वास्थ्यको अवस्था ठिकठाक पार्न प्रयास गरिरहेको बताए। उनीहरुले कलाकार जी–बबले कमाएको पैसा आफूले पाउनुपर्ने र छोराको स्वास्थ्य सुधार्न रिह्याबमा राख्नुपर्ने माग गरेका छन्। आमाबाबुको माग र चासोप्रति भने जी–बबले आफ्नो स्वतन्त्रताप्रतिको हस्तक्षेपका रुपमा लिएका छन्। उनले एक टेलिभिजनलाई अन्तर्वार्ता दिँदै भनेका छन्, ‘मलाई मेरो ममीले र्‍याक गरिरहनुभएको छ। उहाँले भनेको कुरा होइन। म एएनटीएफसँग खुशी छु।’ उनले आफ्नी आमालाई आर्थिक लोभको आरोप लगाएका छन्।

पारिवारिक विवादमा फसेपछि जी–बबबारे सामाजिक सञ्जालमा अनेक मत र चासो पनि व्यक्त भएका छन्। खासगरी हुर्कदै गरेको नयाँ पुस्ताले खोजिरहेको पारिवारिक स्वतन्त्रता र उनीहरुको मानसिक र शारीरिक स्वास्थ्यको विषयमा चर्चा भइरहेको छ। भर्खर १९ वर्ष पूरा गरेका जी–बब दुर्ब्यसनमा फसेका कलिला कलाकार भएकाले उनको स्वास्थ्यबारे अभिभावकलाई चासो र चिन्ता हुनु स्वभाविक रहेको जिकिर एकथरीको छ भने अर्कोथरीले उनको स्वतन्त्रतामा अंकुश लगाउँदा उनको सृजनशीलता र कलाकारितामा असर पुग्नसक्ने आशंका गरिरहेका छन्। 

समाजशास्त्री निर्मला ढकाल जी–बब विवाद प्रकरणका पछाडि अहिलेको पुस्ताको संवेदनशिलता र दुब्यर्सनको चर्चा गर्छिन्। ढकालले आफ्नो ट्विटमा भनेकी छिन्, ‘जी–बब कच्चा छन्। उनी प्रयोग भएको देखिन्छ। मैले एउटा विद्यार्थीले भनेको सम्झन्छु  मैले गाँजा खानलाई ८० बर्षको हजुरआमाको थैली चोरेको छु। कुलत बहुत डरलाग्दो स्थिति हो। अझ भयानक त त्यसबाट उम्कन नसक्नु हो।’ कतिपय अभिभावकलाई बच्चाहरु कुलतमा फसेको थाहा नहुने तर्क गर्दै उनी अगाडि लेख्छिन्, ‘हाम्रा बच्चाहरु कुलतमा फस्ने उमेर भनेको प्राय १३ र १४ वा ६ र ७ पढ्दा नै रहेछ्। शारीरिक परिवर्तनसँगै बढ्ने मानसिक चेत, घरपरिवारको वातावरण र साथीको संगत एकातिर भने अर्कोतिर एक्लोपन पनि यसका लागि जिम्मेवार छ।’

ढकालले भनेजस्तै मनोचिकित्सकहरुले कठिन र यान्त्रिक बन्दै गइरहेको सहरी समाजमा किशोर–किशोरीहरु कुलतको शिकार हुनु चिन्ताको विषय रहेको बताउँछन्। बदलिँदो पारिवारिक संरचना, सम्बन्धहरुको खुलापन र हुर्काइको ममतामयी लय खल्बलिँदा दुर्व्यसन असर समाजमा सघन बन्दै गइरहेको तर्क उनीहरुको छ। ‘मैले पनि जी–बबको विषयमा थाहा पाएँ। यो समस्या सतहमा आएको मात्र एउटा घटना हो तर सहरी समाजमा यो अझै कहालीलाग्दो छ’, मनोविज्ञानका जानकार शिव कुँवर भन्छन्, ‘यस्तो अवस्थामा जी–बबमाथि उनीहरुका अभिभावकको चिन्ता कुनै अनौठो कुरा होइन। बाँकी आर्थिक र व्यक्तिगत स्वतन्त्रताको कुरामा उनी उनका अभिभावक उनीप्रति उदार हुनुपर्छ।’


प्रकाशित: June 12, 2022 | 15:43:09 काठमाडौं, आइतबार, जेठ २९, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

प्रकाशमानले भने- फर्स्ट म्यान बनेर देशको विकास गर्ने चाहना छ

नेपाली कांग्रेसका नेता प्रकाशमान सिंहले प्रधानमन्त्री बनेर नेपालको विकास गर्ने चाहना प्रकट गरेका छन्।

कथा, किंवदन्ती र रीतिरिवाजको संयोजन रातो मच्छिन्द्रनाथलाई आँखैअगाडि कोर्दा...

रातो मच्छिन्द्रनाथको रथ निर्माणलाई प्रत्यक्ष हेरेरै १९ वटा चित्र कोरेकी सुशीलाले १६ चित्र भने १६ दिन लगातार बनाएकी थिइन्। उडान सीमाभन्दा बाहिर शीर्षक दिएर उनका चित्रलाई गत १७ जुलाईबाट म्युजियम अफ नेपाली आर्टले प्रदर्शनीमा ल्याएको छ।

नुवाकोटको बेलकोटगढी केन्द्र बनाएर ५.३ म्याग्‍निच्युडको भूकम्प

शनिबार बिहान ५ बजेर २६ मिनेटमा नुवाकोटको बेलकोटगढी केन्द्र बनाएर भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ। भूकम्पको धक्का काठमाडौं र आसपासका क्षेत्रमा समेत महसुस गरिएको थियो।

काठमाडौं उपत्यकामा भूकम्पको धक्का महसुस

काठमाडौं उपत्यकामा भूकम्पको धक्का महसुस भएको छ।

जनकपुरका पूर्वमेयर र पूर्वउपमेयरबाट ७ लाख क्षतिपूर्ति भराउन अदालतको आदेश

जनकपुरधाम उपमहानगरपालिकाका निवर्तमान मेयर लालकिशोर साह र उपप्रमुख रीताकुमारी मिश्रलाई स्थानीय एक व्यक्तिको घर भत्काएको विषयमा ७ लाख रुपैयाँ क्षतिपूर्ति उपलब्ध गराउन उच्च अदालत जनकपुरले आदेश गरेको छ।

४५ दिनमा सकिएको थियो पहिलो प्रतिनिधिसभा निर्वाचन, नेकपाले ल्याएको थियो ४ सिट

विसं २०१५ फागुन ७ गते प्रारम्भ भई विभिन्न चरणमा सम्पन्न भएको प्रतिनिधिसभाको आम निर्वाचन चैत २८ गतेसम्म ४५ दिनमा पूरा भएको थियो।

प्राध्यापक लोकराज बराल भन्छन्ः दोस्रो पुस्ताले शेरबहादुर, केपी ओली र प्रचण्डलाई रिप्लेस गर्नुपर्छ [अन्तर्वार्ता]

अहिलेको राजनीति दोस्रो पुस्ताका नेताहरूले सुधार्न अबको निर्वाचन (पार्टीको आन्तरिक र आमनिर्वाचन) मा एकदमै शक्तिशाली भएर आउनुपर्छ।

कोरोना उपचारका लागि टेकु पुगेका बिरामीलाई फिर्ता पठाउँदै अस्पताल

अस्पतालमा आएका बिरामीलाई फिर्ता नपठाइ उपचार गर्‍यो। देशभरका अस्तपालहरुले अक्सिजनको अभावका कारण बिरामीलाई अन्य अस्पतालमा रेफर गरिरहँदा टेकु अस्पतालले भने अस्पतालको प्रांगणमा राखेरै पनि उपचार गर्‍यो। नेपालमा कोरोनाको पहिलो र दोस्रो संक्रमितको टेकु अस्पतालमा नै उपचार भएको थियो।

परिवार वधको डरलाग्दो शृंखला: किन बढ्दैछ आफ्नैबाट असुरक्षा?

सम्बन्धका कारण पति–पत्नीको हत्या वा आत्महत्या मात्र नभएर पछिल्लो समय बढ्दै गएको परिवार वधकै कारक मनोसामाजिक समस्या भएको मनोविद् गोपाल ढकाल बताउँछन्।

ताइवानमा किन नजर लगाउँछन् चीन-अमेरिका?

रणनीतिक र व्यापारिक महत्त्वका कारण दुवै देश ताइवानलाई आफ्नो नियन्त्रणमा ल्याउन प्रयासरत छन्।

थप समाचार

नेपाल समय
संगीत

परम्परा, संवेग र मनोरञ्जनको त्रिकोणात्मक कथामा सोनाको तीज गीत

सोना अमात्य युट्युव च्यानलबाट सार्वजनिक गरिएको भिडियोमार्फत व्यवहारमा बाँधिएर स्वच्छन्दताको थोरै मात्र अनुभूति गर्न पाएका महिलाहरुलाई खुलेर नाच्न आग्रह गरिएको छ।
नेपाल समय
संगीत

के छ शिव हमालले आत्मालोचना गरेको 'पापाकी परी' गीतमा?

मोडल करिष्मा ढकाल कोरसका साथ पेटिकोट लगाएर पानी पँधेरोमा नुहाउँदै, गाउँदै, नाच्दै गरेको भिडियोमा देख्न सकिन्छ। शिव हमालको शब्द र पेटिकोट लगाएर नाचेको दृष्यप्रति कतिपयले सामाजिक सञ्जालमा आपत्ति जनाएका छन्।
नेपाल समय
संगीत

१० लाख पुरस्कार राशिको अर्ना सङ कन्टेस्ट सुरु

अर्ना बियरले यो वर्ष पनि ‘अर्ना सङ कन्टेस्ट २०२२’ आयोजना गर्ने भएको छ। अर्नाले विगत दुई वर्षदेखि यो प्रतियोगिता आयोजना गर्दै आएको छ।
नेपाल समय
संगीत

रानीको 'खर्च माग्दिनँ' तीज गीतमा बिनाको नृत्य [भिडियोसहित]

रानी शाक्यको स्वर रहेको खर्च माग्दिनँ बोलको तीज गीत सार्वजनिक भएको छ। गीतको भिडियोमा बिना राउतले नृत्य प्रस्तुत गरेकी छन्।
नेपाल समय
संगीत

रामकृष्ण ढकालको 'काली' गीत सार्वजनिक

अगाध माया गरेको मान्छेले धोका दिँदा मनमा उत्पन्न भावलाई गीतमार्फत व्यक्त गरिएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना