मंगलबार, असोज ११, २०७९

गोरेटोमा भेटिने एक जोडीको प्रेमकथा : घुमीघुमी

राज सरगम  |  काठमाडौं, सोमबार, वैशाख ५, २०७९

राज सरगम

राज सरगम

सोमबार, वैशाख ५, २०७९, काठमाडौं

नेपाल समय

काठमाडौं– ‘घुमी घुमी’, गीत कोरिरहँदा हर्क साउदले मामाघर खुबै सम्झिएका थिए। स्थायी घर डोटी जिल्ला हो उनको। बाल्यकालमा एक घण्टाको उकालो गोरेटो उक्लिएर मामाघर आउजाउ गर्थे। जाँदा–आउँदा कोही न कोही भेटिन्थे बाटोमा। कोही लेक जाँदै गरेका, कोही सहर झर्दै गरेका, कोही आफन्तलाई भेट्न जाँदै गरेका। या वल्लोपल्लो गाउँका मिल्ने साथीहरूलाई भेट्न जाँदा भेटिएका हुन्थे। कसैले भारी बोकेका हुन्थे। ‘बूढा मान्छेहरू छिट्छिछो हिँड्न सक्दैनन्। उनीहरु लौरो टेकेर बिस्तारै–बिस्तारै जाने हुन्। त्यही दृष्य सम्झिएर घुमीघुमी लेखेको हुँ,’ हर्कले गीत लेखनको सन्दर्भ खुलाए।

सुजन चापागाईंले मेलोडी बनाएका थिए। त्यो मेलोडीमा शब्दका लागि सुजनले हर्कलाई सम्झिए। हर्कले गाउँ सम्झिए अनि गीत कोरे। आफ्नै उकालो–ओरालो गर्दै हिँडेको गोरेटो सम्झिए। उनले जे सम्झिए, त्यसैलाई अभिनय पनि गरे। 

साउदका सबै गीत हिट छन्। नेपाली सांगीतिक क्षेत्रमा उनको गीत खोज्ने थुप्रै छन्। कोमल र सरस शब्दलाई धागोमा फूलको थुुँगा जोडेझैं शब्द जोड्छन् र गीत बनाउँछन् उनी। ‘चालिस कटेसी रमाउँला’,  ‘के माया लाग्छ र’ ‘बटौली’ जस्ता उनका थुप्रै गीत चर्चित छन्। 

यो गीतमा भने पहिला मेलोडी तयार थियो। गायक सुजनले मेलोडी सुनाएपछि हर्कले शब्द कोरेका हुन्। ‘घुमी घुमी’ मा सुजनले लोक जिन्दगीको पाटो केलाउने कोसिस गरेका छन्। संगीत पनि सुजनकै छ। ‘तीनपाते’ गीतबाट चिनिएका सुजनका पछिल्ला गीत उत्तिकै लोकप्रिय छन्। ‘घुमीघुमी’ अहिले चर्चामा छ। यसमा उनलाई गायिका शान्तिश्री परियारले साथ दिएकी छिन्। मिडियासँग बोलेर भन्दा पनि सिर्जनामार्फत बोल्न रुचाउँछन् सुजन। बजारमा ‘घुमीघुमी’ ल्याएर उनी चुपचाप घुम्न निस्किए। ‘भिडियोको बारेमा निर्देशकलाई सोध्दा राम्रो होला’ भनेर पन्छिए। सायद गीतलाई भिडियो मार्फत अझै न्याय गर्न खोजिएको लाग्छ उनलाई। 

०००

भक्ते र सरू छिमेकी हुन्। भक्ते (विपिन कार्की) सोझो छ, केटाकेटी पाराको छ। निर्दोष छ। आफूले मन पराएकी युवती सरू (अञ्जना बराइली)सँग मनको कुरा भन्न लाज, डर, संकोच मान्छ। तर लुकीलुकी प्रेम गरिरहन्छ। ऊ एकोहोरो प्रेममा समर्पित छ। सरूलाई थाहा छ भक्तेले आफूलाई मन पराउँछ भन्ने। सरू पनि सोझो भक्तेलाई मन पराउँछे तर भन्न सक्दिन। गाउँको उकालो–ओरालो गर्ने क्रममा आक्कलझुक्कल भेटिने भक्ते र सरूको प्रेम सरूको बालाई मन पर्दैन।

सोझो भक्तेका कारण छोरी बिग्रिने डरले छोरीलाई लिएर अर्को गाउँमा बसाइँ सर्छन्। गाउँमा कि धनीहरु बसाइँसराइ गर्छन् कि गरिब भएर बसाइँ सर्छन्। तर, सरूका बा भने सामाजिक विभेदबाट बच्न छोरी लिएर बसाइँ सर्छन्। यो गीतमा गाउँ छोड्नुको कारण सामाजिक विभेद हो भन्छन् गीतकार साउद। भन्छन्, ‘आफ्नी छोरी प्रेममा बिग्रिने भई, विभेद खेप्नुपर्छ भन्ने मनोदशाबाट ग्रसित भएको परिवारले गाउँ छोडेको हो।’

सुजन चापागाईंले मेलोडी बनाएका थिए। त्यो मेलोडीमा शब्दका लागि सुजनले हर्कलाई सम्झिए। हर्कले गाउँ सम्झिए अनि गीत कोरे।

गाउँ छोडेर गएकी प्रेमिकाको जीर्ण घरलाई सिँगार्दै बस्छ भक्ते। एकदिन गोरेटो–गोरेटै सरूका बा र सरू फर्किन्छन्। आँगनमा चामल केलाइरहेको भक्तेको अगाडि उभिएकी सरूलाई बस्न ठेउको दिन लाग्दा तिलहरि फिर्ता गर्न खोज्छे सरू। त्यही तिलहरि लगाएर प्रेम विवाहमा परिणत हुन्छ। प्रेममा मिलन हुनछ।

छोरीको बाउको भूमिकामा उनै गीतकार साउदले अभिनय गरेका छन्। गाउँबाट देखिने पहाडको ढिस्को छ। त्यो ढिस्को उक्लिने गोरेटो बाटो छ। गोरेटो प्रेमको प्रतीकका रूपमा साउदले गीतमा टिप्न खोजेका छन्। भन्छन्, ‘चढ्ने र झर्ने त गोरेटो बाटै हो। आउनेजानेसँग भेट हुन्छ। कहिलेकाहीँ एक्लै पनि हिँड्नुपर्छ। त्यो गोरेटो झर्दै गरेको गाउँबाटै देखिन्छ।’

सुस्तै सुस्तै चढ्यो उकालीको बाटो

बोकी आउनु एक मुठी माया रित्तै आउनु साटो

सरू र भक्ते पात्र लेखक सरुभक्त श्रेष्ठको नामलाई सापटी लिएको स्वीकार्छन् गीतकार। यो नामको क्रेडिट पनि दिएका छन् युट्युब च्यानलको तल। हर्क भन्छन्, ‘सरूभक्त नाम प्रेमको बिम्ब जस्तो लाग्यो। यो नामलाई सापटी लिएर कथा भन्दा अझै प्रिय हुने लागेर यसो गरेको हो।’

१७ मिनेट २८ सेकेन्डको म्युजिकल फिल्मलाई निर्देशन गरेका छन् नवीन चौहानले। कथा पनि उनै चौहानको हो। भिडियोमा अभिनेता विपिन कार्की र कलाकार अञ्जना बराइलीको जबर्जस्त अभिनय देख्न सकिन्छ। निर्देशक चौहानसँग विपिनको यो दोस्रो सहकार्य हो। यसअघि चौहानले निर्देशन गरेका गीति भिडियो ‘बटौली’मा विपिनले नै अभिनय गरेका थिए। यस भिडियोमा बारम्बार दोहोरिने दृष्य हो पहाड चढ्ने गोरेटो। त्यो गोरेटो इरानी फिल्म निर्देशक अब्बास कियारोस्तामी फिल्मको दृष्यबाट प्रेरणा पाएको बताउँछन् गीतकार साउद। भन्छन्, ‘अब्बास कियारोस्तामीलाई हामीले क्रेडिट पनि दियौं। इन्स्पायर त हुन पाइन्छ नि।’

०००

भिडियोको कथा लेखेका हुन् निर्देशक नवीन चौहानले। दृष्यमा बसाइँसराइको आन्तरिक पाटा र यसका प्रभावबारे केलाउँदै लोक संस्कृति, लोक विचार, लोक भावनाका कुराहरू भन्न खोजेको बताउँछन् चौहान। भन्छन्, ‘प्रेमको सौन्दर्यलाई कथाले नजिकबाट नियाल्न प्रेरित गरेको छ। मलाई हाम्रो नेपाली समाजको दुईवटा कुराले बिथोलिरहेको थियो। एक– आन्तरिक बसाइँसराइ अनि यसले निम्त्याएका भौतिक पाटा, सामाजिक पाटा अनि भावनात्मक पाटा।

अर्कोचाहिँ हाम्रो लोकजीवन कतै अल्मलिएजस्तो, लोक भाषाले आफ्नो पहिचान गुमाउँदै गरेजस्तो। चलचित्र, गीतहरुले पराइ शैली अँगालिरहेजस्तो अनि लोकविचार, लोक बुझाइ ओझेल पर्दै गएजस्तो। केही खिप्न मन थियो, केही भन्न मन थियो। त्यो बेला म आफैं आवाजको खोजीमा थिएँ। हर्क दाजु र सुजन भाइले दोस्रो लकडाउनमा यो लोक गीतको पहिलो ड्राफ्ट सुनाउँदा मैले सोही आवाज भेटेझैँ भयो अनि हामीलगायत हाम्रो मनमीत समूह लोक सांगीतिक यात्रा  घुमी घुमीको यात्रामा निस्कियौँ।’

निर्देशक चौहानका अनुसार यसपालि निर्माण टिमले ‘एनामोर्फिक लेन्स’ को प्रयोग गरेको छ। विपिन कार्कीको अभिनयले मन छुन्छ। बोल्न डराउने, लजाउने। केटीको अगाडि डराउने। मुख बिगारेर बोल्ने र आफूले मन पराएको युवती गएपछि बाख्राको पाठो समाएर फर्किएको दृष्य मार्मिक छ। साथै बाख्राको पाठा माउ भएसँगै प्रकृति फेरिएको देखाइन्छ। आफ्नी प्रेमिकाले छोडेर गए पनि प्रेमिका बस्ने घरलाई रङरोगन गरेर सुन्दर बनाएको छ। 

म्युजिकल फिल्ममा विपिन र अञ्जनासँगै सम्रान्त थापा र हर्क साउदको पनि अभिनय छ। गीतलाई गंगा थापाले एरेन्ज तथा पार्श्व संगीत गरेका हुन् भने मिक्सिङ–मास्टरिङ कोबिद बज्रले गरेका हुन्। भिडियोलाई महेश पौडेलले खिचेका छन् भने सुरज पौडेलले सम्पादन गरेका हुन्।


प्रकाशित: April 18, 2022 | 17:07:30 काठमाडौं, सोमबार, वैशाख ५, २०७९

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
संगीत

संगीतकार सुनामको निधन

भाउजू, आमा, दाजुभाइ, बन्धन, चाहनाजस्ता नेपाली चलचित्रमा कालजयी संगीत दिएका सुनामले सेक्सोफोन बाजालाई वाद्यवादनका रूपमा स्थापित गरेका गरे।
नेपाल समय
संगीत

मञ्जुलका ५ दशक पुराना शब्दमा नेपथ्य स्वर

यी शब्द रचना गर्दा मञ्जुल केवल १९ वर्षका थिए। त्यसको निकैपछि मात्र यसले पुस्तकाकारमा सार्वजनिक हुने मौका पायो। तिनै शब्दलाई नेपथ्य ब्यान्डका मुख्य गायक तथा अगुवा अमृत गुरुङले आफ्नै स्वादमा पस्केपछि अब यो ब्यान्डकै ताजा गीत बन्न पुगेको छ।
नेपाल समय
संगीत

दशरथ रंगशालामा ‘दसैं फेस्ट’ हुने

हिन्दूहरुको महान चाड बडा दसैँको अवसरमा काठमाण्डौंको दशरथ रङ्गशालामा साङ्गीतिक महोत्सवको आयोजना हुने भएको छ।
नेपाल समय
संगीत

'ऐना झ्यालको पुतली' गीतमा 'जमुनीको छोरो'को कथा सुनाउँदै

रेडियो नेपाल तथा एफएममा बज्दै आएको यही बाल गीतलाई निर्माण टिमले फिल्मको ओर्जिनल साउन्ड ट्रयाक (ओएसटी)को रुपमा सार्वजनिक गरेको हो।
नेपाल समय
संगीत

आर्टमाण्डुको म्युजिकल प्ले 'बाँचुन्जेल हाँसखेल मरेसी तास खेल' सार्वजनिक

आर्टमाण्डू नेपालको प्रस्तुति रहेको 'बाँचुन्जेल हाँसखेल मरेसी तास खेल' गीतको भिडियो सार्वजनिक भएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना