सोमबार, साउन ३०, २०७९

दुबईको सिकाई र कोभिडको बाध्यात्मक परिस्थितिले जन्माएको 'क्यास अन ह्विल’

नेपाल समय  |  काठमाडौं, बिहीबार, साउन १९, २०७९

नेपाल समय

नेपाल समय

बिहीबार, साउन १९, २०७९, काठमाडौं

नेपाल समय

काठमाडौं- अनलाइन गाडी खरिद बिक्रेता कम्पनी 'क्यास अन ह्विल’ ले सुकेधारमा शोरुम सञ्‍चालनमा ल्याएको छ। बिहीबार एक कार्यक्रम आयोजना गर्दै कम्पनीले शोरुम उद्घाटन गरेको हो। यसमा 'रोयल डिटेलिङ एण्ड पालिसिङ’ कम्पनी सहयागीको रुपमा रहेर गाडीलाई चम्काउन तथा गाडीको रंगलाई विशेष सुरक्षा प्रदान गर्ने काम गर्नेछ। विगत एक वर्षदेखि सञ्‍चालित 'क्यास अन ह्विल'ले सबै गाडी बिक्रि खरिदको सम्पूर्ण काम अनलाईनमार्फत मात्रै पूरा नहुने हुँदा शोरुम सञ्‍चालनमा ल्याएको हो। 

कम्पनीका संस्थापक तथा कार्यकारी निर्देशक मोहन भण्डारीले आफूले दुवैमा हुँदा सिकेको र देखेको कुरालाई नेपालमा ल्याएका बताउँछन्। 'भर्चुअल पार्किङ र प्रविधिमार्फत् गाडीको खरिदबिक्री गर्ने व्यवस्था दुबईमा छ। यो आइडिया त्यहि सिकेको हुँ,'उनल भने, 'लकडाउनको समयमा नेपालमा बढेको अनलाइन पहुँच र प्रयोगलाई मध्यनजर गर्दै गत कात्तिकदेखि मात्रै यो सेवा सुरु गरिएका हो।’

सञ्चालक भण्डारीले 'क्यास अन ह्विल’ र 'रोयल डिटेलिंग एण्ड पोलिसिंग’ ले छोटो समयमै नेपालको व्यवसायिक क्षेत्रमा राम्रो प्रगति गर्न सफल भएको बताए। 

क्यास अन ह्वील सवारीसाधनको खरिदबिक्री गर्ने प्लेटफर्मको रुपमा १ वर्ष अघि कारोबार सञ्‍चालन गरेपनि छोटो समयमै उल्लेखनीय सफलता हासिल गरिसकेको उनको भनाई छ। सोही सफलताबाट उत्साहित भएर सेवालाई थप विश्वसनीय र सहज बनाउनको लागि कम्पनीले आफ्नो व्यवसाय विस्तारलाई थप तीव्रता दिन सुरु गरेको बताए। कम्पनीले 'क्यास अन ह्विल' 'ह्यासल फ्रि, ट्रान्सपरेसी र पिस अफ माइन्ड’ भन्‍ने नारा बोकेर अघि बढेको बताए। 

कम्पनीले अहिले ग्राहकले भोग्‍नुपरेका यही तीन प्रकारका समस्या समाधान गर्ने रणनीति लिएको छ। संस्थापक तथा कार्यकारी निर्देशक मोहन भण्डारी बताउँछन्। 'ग्राहकहरु आफूले गाडी बेच्दा उचित मूल्य नपाउने हो कि भन्‍ने चिन्तामा हुने गरेको हामीले पाएका छौं। हामीकहाँ अनुभवी 'भ्यालुएटर'हरुले गाडीको मूल्यांकन गरेर उचित मूल्य निर्धारण गर्नुहुन्छ, ग्राहकले उचित मूल्य पाउने ग्यारेन्टी हामीले गरेका छौं,’ भण्डारी भन्छन्, 'हाम्रो सर्भिस बापत लिने शुल्क फिक्स्ड छ। हामीले ३० लाखभन्दा बढीको गाडीमा ५० हजार रुपैयाँ र त्योभन्दा कम मूल्यको गाडीमा २५ हजार सर्भिस शुल्क लिने गरेका छौं। त्यसबाहेक अरु कुनै लागत तिर्नु पर्दैन। ग्राहकले पाएको मूल्य, तिरेको कमिसन, सरकारी राजश्व, मर्मतलगायत सबै खर्चहरु पारदर्शी हुन्छन्।’

गाडीको किनबेचमा ग्राहकले भोग्‍ने अर्को समस्या भुक्तानीलगायत अन्य प्राविधिक समस्या पनि हो। धेरैजसोले आंशिक रुपमा भुक्तानी गरेर अरु उधारो गर्ने, गाडी पास नै नगरी चलाउनेलगायत समस्या हुने गरेको उनको अनुभव छ। भण्डारी भन्छन्, 'हामीकहाँ आउने ग्राहकले नगद पैसा पाउनुहुन्छ। गाडी पास हुनेबित्तिकै बैंक खातामा रकम ट्रान्सफर हुन्छ। किन्‍ने ग्राहकले पनि पास भएर ढुक्कसँग गाडी पाउने अवस्था हुन्छ।’

तेस्रो, 'पिस अफ माइन्ड' अर्थात् मनको शान्ति हो। भण्डारीका अनुसार गाडी बेच्‍ने बेलामा एउटा बिक्रेताले धेरै झन्झट व्यहोर्नुपर्छ। सामाजिक सञ्जालमा विज्ञापन गर्दा अनावश्यक फोन उठाउनुपर्ने झन्झट हुन्छ। यसले कतिपयको व्यवसायिक वा पेशागत जीवनमै असर पार्छ। रातिको समयमा समेत आउने फोनले कतिपयलाई निकै समस्या हुन्छ। उनी भन्छन्, 'हामीमार्फत् कारोबार गर्दा त्यस्तो हुँदैन। हामीले सम्भावित ग्राहकको फोन लिन्छौं, उहाँमध्ये सम्भावित ग्राहक छनौट गर्छौं। उहाँहरुलाई कन्भिन्स गराएपछि मात्रै हामीले गाडी धनीलाई बोलाउँछौं। यसले गर्दा ग्राहकले अनावश्यक तनाव व्यहोर्नु पर्दैन।’

कुनै व्यक्तिले आफ्नो गाडी बेच्‍न चाह्यो भने 'क्यास अन ह्विल'सँग कुनै पनि माध्यमबाट जोडिएर त्यसको जानकारी दिन सक्छ। फेसबुक, म्यासेञ्जर, भाइबर, ह्वाट्सएप लगायत सबै प्रकारका सामाजिक सञ्जाल, फोन वा इमेलबाट पनि यस्तो जानकारी दिन सकिने व्यवस्था मिलाइएको छ। 

यो कम्पनीको सबैभन्दा राम्रो विशेषता भनेको लागत कम हुने बताए। अरु एक्सचेञ्‍ज कम्पनीहरु भौतिक पार्किङमा आधारित हुन्छन्। एउटा एक्सचेञ्जमा २० र २५ वटा भन्दा बढी गाडी अट्दैन। पार्किङ शुल्क पनि महँगो पर्छ। जसले गर्दा गाडी किन्‍नेले राम्रोसँग गाडी छान्‍ने अवसर नपाउने बताए। 

तर, यो भर्चुअल पार्किङ भएकोले यसमा पार्किङ र छनोट असीमित हुने भण्डारी बताउँछन्। 'हामी एकैपटक हजारौं गाडी पार्किङ गर्न सक्छौं। किन्‍न सक्छौं। भौतिक रुपमा राख्नु नपर्ने भएकोले हाम्रो लागत सस्तो पर्छ। त्यसैले थोरै मार्जिनमै हामी काम गर्न सक्छौं।’

त्यसो त, यो कम्पनीले गाडी बेच्‍ने ग्राहकसँग इनस्पेक्सन शुल्क पनि नलिन बताए। 'एउटा गाडीको इनस्पेक्सन गर्न इन्जिनियरले कम्तिमा पनि २ घण्टा समय दिनुपर्छ। यसका लागि शुल्क लाग्छ,’ कन्ट्री हेड भण्डारी भन्छन्, 'हामी इनस्पेक्सन, भ्यालुएसन, फोटोग्राफी केहीको पनि शुल्क लिँदैनौं। ग्राहकलाई यो सबै सेवा निःशुल्क उपलब्ध छ।’

हालसम्म सो कम्पनीमा आएका ग्राहकमध्ये करिब ३० प्रतिशत नयाँ गाडी किन्‍ने सोच आएको, ५० प्रतिशत अरु गाडीको अनुभव लिने उद्देश्यले आएको र बाँकी करिब २० प्रतिशत मात्रै पैसा चाहिएर गाडी बेच्‍न आँटेको अवस्था देखेको भण्डारीले सुनाए।  

१२ महिनाको यो अवधिमा २ सय वटा गाडीको खरिदबिक्री गरिसकेको छ। पछिल्लो महिनामा यो संख्या उच्च रुपमा बढ्दै गएको भण्डारी बताउँछन्। प्रयोग सफल भएसँगै अहिले सो कम्पनीले आफ्नो नेटवर्क र क्षमता विस्तार गर्दै गएको छ। 

नेटवर्क विस्तार अन्तर्गत पोखरा र इटहरीमा शाखा कार्यालय सञ्चालन गरिसकेको छ। छिटै बुटवलमा समेत शाखा विस्तार हुन लागेको छ। यी शाखा कार्यालयबाट समेत अनलाइनमा रहेका गाडीको बारेमा सम्पूर्ण रिपोर्ट प्राप्त गर्न सकिने कम्पनीले जनाएको छ। उपत्यका बाहिर यस्तो सेवा विस्तार भएपछि अब गाडी किन्‍ने र बेच्‍ने काम उपत्यकामा मात्रै सीमित भएर बस्‍नुपर्ने अवस्थाको अन्त्य समेत भएको उनको भनाई छ। अहिले कम्पनीले काठमाडौंको सुकेधारामा विशाल शोरुम र सर्भिस सेन्टर समेत बनाइरहेको छ। बिक्रीको क्रममा र बिक्रीपछिको सेवाको लागि समेत विश्वसनीय सर्भिस सेन्टरको माग भएपछि यस्तो पूर्वाधार निर्माण गर्न लागेको भण्डारीको भनाई छ। 

आफ्नो सेवाको व्यापक प्रचारप्रसार गर्ने रणनीति अन्तर्गत अहिले सो कम्पनीले नेटवर्किङ विधिलाई आत्मसात गरेको बताए। जसअनुसार कुनै व्यक्तिले गाडी किन्न वा बेच्ने व्यवस्था मिलाइदियो भने खरिदबिक्री भएपछि त्यस्तो व्यक्तिले २० हजारसम्मको कुपन प्राप्त गर्नेछन्। 

सो कम्पनीले ३० लाखभन्दा बढीको गाडी खरिदबिक्रीमा अर्गानो रेष्टुरेन्ट र भाटभटेनी सुपरमार्केटको १०÷१० हजारको र सोभन्दा कम मूल्यको खरिदबिक्रीमा ५÷५ हजारको भौचर दिने व्यवस्था गरेको जनाएको छ। यो अफरले गर्दा 'क्यास अन ह्विल'को बारेमा थाहा पाउने व्यक्तिले अर्को व्यक्तिलाई रिफर गर्न प्रोत्साहन मिल्ने कम्पनीको विश्वास छ।



प्रकाशित: August 4, 2022 | 21:05:51 काठमाडौं, बिहीबार, साउन १९, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

तालाबन्दी र तोडफोडले बिगारेको त्रिवि : माग एउटा, नियत अर्कै!

पछिल्लो समय भने तालाबन्दी राजनीतिक पाटोसँग भन्दा पनि लेनदेनको पाटोसँग जोडिएको उपप्राध्यापक रेशम थापा बताउँछन्। ‘पहिला राजनीतिक कारण हुन सक्थ्यो। तर, हिजोआज यो बिल्कुल आर्थिक पाटोसँग जोडिएको छ। लनेदेनको कुरा मिले ताला खुल्छ। नत्र लागिबस्छ,’ थापाले भने।

नयाँ तलबमान र ग्रेड लागू गर्ने मन्त्रिपरिषद्को निर्णय

सरकारले सबै राष्ट्र सेवक कर्मचारीहरूको नयाँ तलबमान र ग्रेड स्वीकृत गरेको छ।

यी ३२ निर्वाचन क्षेत्र, जहाँ गठबन्धनलाई पर्न सक्छ सिट बाँडफाँटमा सकस

२०७४ मा बाम गठबन्धन बनाएर संघीय सांसद भएकाहरू दल बदल र पाँच दलीय गठबन्धनभित्र समेटिएपछि आउँदो चुनावमा कांग्रेसका आकांक्षी उम्मेदवार र सत्ता साझेदार दलका नेताहरू आ–आफ्नो दाबीसहित टिकटका लागि दौडधुप गर्दै छन्।

यी कांग्रेस नेता जो अहिले गुमनाम छन्

गुमनाम नेताको अग्रपंक्तिमा छन्- पूर्वमहामन्त्री तारानाथ रानाभाट, केबी गुरुङ, पूर्वमन्त्री बलदेब शर्मा मजगैया, विनयध्वज चन्द।

निहारिकाद्वारा शीतलनिवास अगाडि आत्मदाहको प्रयास, जनकपुर उच्च अदालतमा विचाराधीन छ बलात्कार मुद्दा

जबरजस्ती करणी मुद्दामा न्याय माग्दै अनसनरत निहारिका राजपूतले राष्ट्रपति निवासअघि आत्मदाहको प्रयास गरेकी छन्।

केसी-महत विवादले माओवादीलाई हुन सक्छ फाइदा, नुवाकोटमा कसरी मिल्ला बाँडफाँट?

नुवाकोट-१ माओवादीलाई छाड्नु परे त्यसमा हितबहादुर तामाङ उम्मेदवार बन्ने सम्भावना प्रबल छ। नुवाकोट-२ कांग्रेसले लिँदा केन्द्रीय सदस्य बहादुरसिंह लामालाई उमेदवार बनाउने चर्चा पनि नुवाकोटमा छ।

कैलालीमा आरजुलाई आउँदो चुनाव कति सहज?

२०७४ को निर्वाचनमा राणालाई हराउन भूमिका खेलेको भन्दै कैलाली कांग्रेसका पुराना नेता पुष्करनाथ ओझालाई कांग्रेसले अनुशासनको डन्डा बर्साएपछि बूढानीलकण्ठसँग बदला लिने असन्तुष्टहरूको संख्या पनि ठूलै छ।

आफ्नै कारण राजनीतिबाट 'किनाराकृत' हुँदैछन् वामदेव

कुनै बेला राजनीतिको केन्द्र भागमा रहेका वामदेव गौतम नेकपा एकता राष्ट्रिय अभियानले गरेको कारबाही र तत्काल वाम एकता नहुने संकेतसँगै राजनीतिक संकटमा भासिँदै छन्।

कालीबाबाले भेटे पूर्वराजा ज्ञानेन्द्रलाई

भारतमा बसोबास गर्ने नेपाली मूलका साधु काली बाबाले नेपाल आएर पूर्वराजा ज्ञानेन्द्र शाहसँग भेट गरेका छन्।

प्रतिनिधिसभा निर्वाचन : देउवासँग किन नाम जोड्न चाहँदैनन् कर्ण मल्ल?

उनी नेकपा एमालेको समर्थनमा कांग्रेस बीपीबाट उम्मेदवार बन्न सक्ने धेरैको आकलन छ। मल्लले नेपाल समयसँग कुरा गर्दै प्रदेशसभामा निर्वाचन नलड्ने बताए। यसले उनी संघीय चुनाव लड्ने पक्का भएको छ।

थप समाचार

नेपाल समय
बजार

पशुपतिनाथमा वृज सिमेन्टको नि:शुल्क स्वास्थ्य शिविर

सुन्दरीजलदेखि पशुपतिनाथसम्म विभिन्न ८ स्थानमा बोलबमका भक्तजनलाई निःशुल्क खानेपानी, फलफुल जुसलगायतका सेवा प्रदान गरेको कम्पनीले पशुपतिनाथमा भक्तजनका हकमा भने निःशुल्क स्वस्थ्य परीक्षणसमेत गरिएको हो।
नेपाल समय
बजार

चार्टर्ड एकाउण्टेण्टस संघ र एमएडब्लु इन्टरप्राइजेजबीच व्यापारिक सम्झौतामा हस्ताक्षर

नेपालका लागि यामाहा मोटरसाइकलको आधिकारिक विक्रेता एमएडब्लु इण्टरप्राइजेज र नेपाल चार्टर्ड एकाउण्टेण्ट्स सङ्घबीच व्यापारिक सम्झौता भएको छ।
नेपाल समय
बजार

नेपालकी निकिता बनिन् टोयोटा ड्रिम कार आर्ट प्रतियोगिताकी विजेता

टोयोटा जापानद्वारा हरेक वर्ष आयोजना गरिने टोयोटा ड्रिम कार आर्ट प्रतियोगिताको यस पटकको संस्करणमा बुटवलकी निकिता भट्टराई समूह ‘सी’ अन्तर्गत उत्कृष्ट प्रतिस्पर्धी बन्न सफल भएकी छिन्।
नेपाल समय
बजार

रिचेत जलविद्युत्को सेयर बिक्री प्रबन्धकमा एनआईबीएल एस क्यापिटल नियुक्त

रिचेत जलविद्युत् कम्पनी लिमिटेडको सार्वजनिक निष्काशन गर्नको लागि एनआईबीएल एस क्यापिटल लिमिटेड बिक्री प्रबन्धकको रूपमा नियुक्त भएको छ।
नेपाल समय
बजार

नेपाल आयो ‘रियलमी नार्जो ५०ए प्राइम’

रियलमीको नार्जो सिरिज अन्तर्गत ‘नार्जो ५०ए प्राइम’ स्मार्टफोन नेपाली बजारमा सार्वजनिक भएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना