मंगलबार, माघ २४, २०७९

मुख्यमन्त्रीले छापामार शैलीमा सामान सारेपछि गठबन्धनभित्र खटपट, मन्त्रीहरू असन्तुष्ट

विनोद परियार  |  काठमाडौं, मंगलबार, मंसिर २०, २०७९

विनोद परियार

विनोद परियार

मंगलबार, मंसिर २०, २०७९, काठमाडौं

नेपाल समय

बुटवल– लुम्बिनी सरकारका मुख्यमन्त्री कुलप्रसाद केसीले छापामार शैलीमा मध्यरातमा कार्यालयका सामान स्थायी राजधानी दाङ लगेपछि मन्त्रीहरु असन्तुष्ट बनेका छन्। २०७८ साल साउन २८ मा एमालेका शंकर पोखरेल नेतृत्वको सरकारलाई बहिर्गमन गरेर पाँच दलीय गठबन्धनबाट नेकपा माओवादी केन्द्रका केसी मुख्यमन्त्री बनेका हुन्। गठबन्धनबाट मुख्यमन्त्री बनेका केसीले शुरुदेखि नै स्थायी राजधानीमा संरचना नहुँदा पनि मन्त्रालय र कार्यालय सार्न ताकेता गरेपछि सरकारको कामकारवाही प्रभावित हुने गरेको थियो। 

सोमबार राति मन्त्रिपरिषद् सदस्यहरुलाई जानकारी समेत नगराई मध्यरातमा ट्रकमा सामान लगेपछि मन्त्रीहरु असन्तुष्ट बनेका हुन्। भर्खर निर्वाचन सम्पन्न भएको र कामचलाउ अवस्थामा रहेको सरकारले मध्यरातमा छापामार शैलीमा सामान दाङ लगेपछि मुख्यमन्त्रीको कार्यशैलीप्रति नै मन्त्रीहरुले फरक मत जाहेर गरेका छन्। 

‘प्रदेशसभाले निर्णय गरेकाले स्थायी राजधानी मन्त्रालय र कार्यालय जानैपर्छ, तर हतारमा त्यो पनि मध्यरातमा मुख्यमन्त्री कार्यालयको सामान सार्ने काम गलत छ,’ शिक्षा तथा खेलकुदमन्त्री वसिउद्धिन खानले भने। उनले आफूहरुसँग कुनै छलफल नगरिएको र जानकारी समेत नदिइएको बताए। ‘मुख्यमन्त्रीले राजधानीको विषयमा एकलौटी रुपमा काम गर्नुभएको छ। संरचना नै नबनाई कार्यालय लैजाने कामले राज्यको ढुकुटीको अनवाश्यक खर्च हुन्छ,’ मन्त्री खानले भने, ‘अस्थायीबाट अस्थायीमा मन्त्रालय र कार्यालय सार्नु हुँदैन।’ 

२०७७ साल असोज २० गते प्रदेशसभाको बहुमतले स्थायी राजधानी दाङको राप्ती उपत्यकालाई तोकिसकेको हो। ‘भर्जिनल्याण्ड’ मा स्थायी राजधानी तोकिएकाले त्यहाँ अत्याधुनिक र स्थायी संरचना (भवन) निर्माण गरेपछि मात्रै अस्थायीबाट स्थायी राजधानीबाट सेवा शुरु गर्ने सरकारले निर्णय गरेको थियो।

नेपाली कांग्रेसबाट मन्त्री भएका खान मात्रै होइन। उर्जा, जलश्रोत तथा सिँचाइमन्त्री विरबहादुर रानाले पनि हतारिएर कार्यालयका सामान ओसार्ने काम गलत भएको बताए। ‘निर्णय भइसकेको विषयमा यसरी हतारिएर रातारात सामान लैजानुले गलत सन्देश जान्छ,’ उनले भने, ‘गठबन्धन सरकार भएकाले हामीसँग छलफल नगरी सामान सारिएको छ, यो गलत छ।’  उनले प्रदेशसभाले गरेको निर्णयमा पनि हतारिएर लुकाएर सामान लैजान नपर्ने बताए। ‘संरचना नबनीकन कसरी सेवा प्रवाह हुन्छ? हाम्रो सरोकार त्यति हो,’ उनले भने। 

मुख्यमन्त्री कार्यालयको सामान रातारात दाङ लगेको बारेमा आफूलाई जानकारी नभएको भौतिक पूर्वाधार विकास मन्त्री सहसराम यादवले पनि बताए। ‘मुख्यमन्त्रीले छलफल गर्नुभएकै छैन, सपथ खुवाउने तयारी भएको हो। रातिमा सामान लगएको भए त्यो गलत छ,’ उनले भने। उद्योग वाणिज्य तथा आपूर्ती मन्त्री अजय शाहीले पनि पूर्वाधार नबनाई कार्यालय सार्ने हतारोप्रति असन्तुष्टि व्यक्त गरे। उनले संरचना नै नभएकाले मन्त्रालय लैजान सम्भव नभएको बताए। 

भावी मुख्यमन्त्रीका दावेदारका रुपमा हेरिएका कांग्रेस लुम्बिनी प्रदेशका सभापति अमरसिंह पुनलाई माओवादीकै नेताहरुले रोल्पाबाट प्रदेशसभामा पराजित गराएको आरोप पनि छ। एकपछि अर्को घात हुन थालेपछि कांग्रेसले माओवादीलाई शंकाको नजरले हेरेको छ।

मन्त्रिपरिषदका सदस्यहरुलाई समेत आश्चर्यचकित पार्ने गरी छापामार शैलीमा सामान सारेपछि सत्ता गठबन्धनभित्रै खटपट शुरु भएको छ। यसअघि कांग्रेससँग आलोपालो सरकारको नेतृत्व गर्ने सहमति गरेका केसीले त्यसको उल्लंघन गरेका थिए। एमालेका शंकर पोखरेल नेतृत्वको सरकारलाई बहिर्गमन गर्दा तत्कालिन कांग्रेस संसदीय दलका नेता विरेन्द्र कनौडियासँग सरकार आलोपालो गर्ने सहमति भएको थियो। उक्त सहमति समेत कार्यान्वयन नगरेका माओवादीका नेता केसीको भूमिकाले कांग्रेस अहिले पनि सशंकित छ। 

भावी मुख्यमन्त्रीका दावेदारका रुपमा हेरिएका कांग्रेस लुम्बिनी प्रदेशका सभापति अमरसिंह पुनलाई माओवादीकै नेताहरुले रोल्पाबाट प्रदेशसभामा पराजित गराएको आरोप पनि छ। एकपछि अर्को घात हुन थालेपछि कांग्रेसले माओवादीलाई शंकाको नजरले हेरेको छ। राजधानीको संरचना सार्ने विषयमा पनि गठबन्धन दलभित्र छलफल नगरी निर्वाचन आचार संहिता नसकिँदै सारिएपछि गठबन्धन दलहरु पनि असन्तुष्ट छन्। 

नेकपा एमालेबाट हालै निर्वाचित रुपन्देहीका सांसद भोजप्रसाद श्रेष्ठले छापामार शैलीमा सामान लैजाने कार्यले सरकारको नियत गलत रहेको पुष्टि भएको बताए। ‘अस्थायीबाट अस्थायी संरचनामा राजधानी लैजानुले राज्यलाई आर्थिक व्ययभार मात्रै थपिन्छ,’ उनले भने। तर, सरकारका अर्थमन्त्री कृष्णध्वज खड्काले भने प्रदेशसभाले गरेको निर्णय कार्यान्वयन गर्न लागिएको बताए। उनले मुख्यमन्त्री केसीकै प्रस्तावमा प्रदेशसभाले निर्णय गरेकाले कार्यालयका सामान सार्ने कुरालाई सामान्य रुपमा लिनुपर्ने तर्क गरे। अस्थायी खालको प्रदेशसभा भवन लालमटियामा तयार पारिएको छ। राप्ती प्राविधिक शिक्षालयका कोठाहरु मर्मत गरेर मन्त्रालयहरु सार्न कामचलाउ मुख्यमन्त्रीले निर्देशन दिए पनि कर्मचारी संयन्त्रले विरोध जनाएका छन्। 

२०७७ साल असोज २० गते प्रदेशसभाको बहुमतले स्थायी राजधानी दाङको राप्ती उपत्यकालाई तोकिसकेको हो। ‘भर्जिनल्याण्ड’ मा स्थायी राजधानी तोकिएकाले त्यहाँ अत्याधुनिक र स्थायी संरचना (भवन) निर्माण गरेपछि मात्रै अस्थायीबाट स्थायी राजधानीबाट सेवा शुरु गर्ने सरकारले निर्णय गरेको थियो। पोखरेल सरकारले नै गरेको उक्त निर्णय कार्यान्वयनका लागि प्रदेश पूर्वाधार विकास प्राधिकरणलाई गुरुयोजनाको जिम्मा दिइएको छ। प्राधिकरणले गुरुयोजनाको डिपिआर मात्रै सम्पन्न गरेको छ।

यो पनि


प्रकाशित: December 6, 2022 | 18:58:44 काठमाडौं, मंगलबार, मंसिर २०, २०७९

तपाईं को प्रतिक्रिया

ट्रेंडिंग

अनाथालय प्रमुख नै बलात्कारी !

बालिका बलात्कारको आरोपमा चन्द गत माघ १७ गते अनाथालयबाटै पक्राउ परेका हुन्।

सरकारबाट बाहिरिएका रास्वपाका मन्त्रीले किन गरेनन् पत्रकार सम्मेलन?

राष्ट्रिय स्वतन्त्र पार्टी (रास्वपा) आइतबार नै सरकारबाट बाहिरिसकेको छ।

संसद् भवन अगाडि भिख माग्दै बालिका

अकासेपुलमा भिख माग्नका लागि राखिएकी एक अबोध बालिका

मिडियामाथि आक्रोशित रविले जे बोले…

आइतबार सरकारमा रहने वा बस्ने विषयमा भएको छलफलमा पार्टीले सरकारबाट बाहिरिने निर्णय गरेको छ। सरकारबाट बाहिरिने निर्णय सुनाउँदै पत्रकार सम्मेलन गरेका रविले भने सबै झोंक मिडियामाथि पोखेका छन्।

आउने चुनावमा बहुमत ल्याएर प्रधानमन्त्री हुन्छु: रवि

राष्ट्रिय स्वतन्त्र पार्टीका सभापति रवि लामिछानेले आगामी चुनावमा आफ्नो पार्टीले बहुमत ल्याउने र आफू प्रधानमन्त्री हुने उद्घोष गरेका छन्

नारायणकाजीसँग मन्त्रालय साटफेरको चर्चा, मान्लान् रवि?

राष्ट्रिय स्वतन्त्र पार्टी सरकारमा रहने कि बाहिरिने चर्चा चलिरहेको समयमा सत्ता गठबन्धन दलभित्र पार्टी सभापति रवि लामिछानेलाई भौतिक पूर्वाधार मन्त्रालय दिएर मनाउने तयारी भएको बताइएको छ।

फ्यानको मायाले रोइन् ‘पठान’की दीपिका

फिल्म सफल भएपछि निर्माता तथा कलाकार उत्साहित छन्।

रास्वपालाई गृह मन्त्रालय फिर्ता दिने प्रधानमन्त्री प्रचण्डको संकेत

पार्टी मुख्यालय पेरिसडाँडामा बसेको स्थायी कमिटी बैठकबाट बाहिरिने क्रममा प्रधानमन्त्री प्रचण्डले रास्वपाले उठाएको विषय समाधान हुने बताएर गृह मन्त्रालय फिर्ता दिने संकेत गरेका हुन्।

दलका कार्यकर्ता प्राज्ञ भएपछि योग्य कलाकारले कहिले पाउने अवसर?

राजनीतिमा चासो नदिने स्रष्टाप्रति राज्यले दायित्व बिर्सिंदा सहरमा कलाकार डिप्रेसनबाट गुज्रिनुपरेको र गाउँमा हराउनुपरेको वा खाडी मुलुक पलायन हुनुपर्ने अवस्था छ। कला र गलाका लागि सिर्जिएका चलचित्र विकास बोर्ड, प्रज्ञा प्रतिष्ठानलगायतका संस्था राजनीतिमय भएपछि स्रष्टाहरू ओझेल पर्दै छन्।

तत्काल पानी पर्ने सम्भावना छैन, आज काठमाडौंको तापक्रम कति?

देशैभर तत्काल पानी पर्ने सम्भावना नरहेको जल तथा मौसम पूर्वानुमान महाशाखाले जनाएको छ।

थप समाचार

नेपाल समय
लुम्बिनी

तुलसीपुरमा वडाले किसानलाई जग्गा दिने

वडाले उत्तरधारा जलाशय निर्माण गरिसकेकाले त्यस आसपासको २० बिघा जग्गा लिजमा लिएर किसानलाई उत्पादनका लागि उपलब्ध गराउने तयारी रहेको वडाध्यक्ष मानबहादुर रावतले बताए।
नेपाल समय
लुम्बिनी

आफैंले बनाएको बाटो

यहाँ पुल नभएका कारण पानी कम भएको समयमा बर्सेनि अस्थायी बाटोबाट मानिस नदी वारपार गर्ने गर्दछन् ।
नेपाल समय
लुम्बिनी

हात्तीको आतंक

बर्दियाको मधुवन नगरपालिका वडा नं. १ सूर्यपटुवामा सामुदायिक वनबाट आएका जंगली हात्तीले भत्काएको स्थानीयको घर।
नेपाल समय
लुम्बिनी

दादुरा प्रभावित क्षेत्रमा पुगे स्वास्थ्यमन्त्री

सुरुमा दादुरा देखिएको र एक बालकको मृत्यु भएको नेपालगञ्ज उपमहानगरपालिका वडा नं. ५ मा पुगेर मन्त्री गिरीले घरघरमा पुगेर बालबालिकालाई खोप लगाउन आग्रह गरे।
नेपाल समय
लुम्बिनी

लुम्बिनीका मुख्यमन्त्री गिरीले आज विश्वासको मत लिने

लुम्बिनी प्रदेशका मुख्यमन्त्री लिला गिरीले बिहीबार विश्वासको मत लिने भएका छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना