सोमबार, माघ १६, २०७९

लुम्बिनी प्रदेशकी एक्ली 'नमुना'

नवीन अभिलाषी  |  काठमाडौं, आइतबार, मंसिर १८, २०७९

नवीन अभिलाषी

नवीन अभिलाषी

आइतबार, मंसिर १८, २०७९, काठमाडौं

नेपाल समय

नेपालगञ्ज- निर्वाचन जितेपछि अहिले पनि कृष्णा केसी 'नमुना' मतदाताकै घरदैलोमा छिन्। विजयको खुशी बाँड्न र धन्यवाद भन्न निर्वाचन क्षेत्रमै सक्रिय कृष्णाको यो दोस्रो कार्यकाल हो। 

यसपटकको निर्वाचनले उनलाई थप जिम्मेवारी दिएको छ। प्रत्यक्षमा ५२ निर्वाचन क्षेत्र रहेको लुम्बिनी प्रदेशसभाका ५१ क्षेत्रमा पुरुष उम्मेदवार निर्वाचित हुँदा विजयी हुने महिला उम्मेदवारमा उनी एकमात्रै हुन्। बाँके निर्वाचन क्षेत्र नम्बर १ (क) बाट नेकपा माओवादी केन्द्रकी केसी प्रदेशको एकमात्र महिला प्रत्यक्ष निर्वाचित सांसद हुन्। उनी बाँकेबाट दोहोरिएर प्रत्यक्ष निर्वाचन जित्ने सांसद पनि हुन्। 

गठबन्धनको मत प्राप्त गर्न नसकेर प्रतिनिधिसभातर्फ युवा तथा खेलकुद मन्त्री महेश्वरजंग गहतराजले निर्वाचन हार्दा उनीसँगै निर्वाचन अभियानमा रहेकी कृष्णा भने त्यही निर्वाचन क्षेत्रको प्रदेशतर्फ राम्रै मतान्तरले विजयी बनेकी हुन्। सत्ता गठबन्धनकी साझा उम्मेदवार केसीले नागरिक उन्मुक्ति पार्टीका सोमराज चौधरीलाई पराजित गरिन्। केसीले नौ हजार १०३ मत पाउँदा चौधरीले सात हजार ९६६ मत पाएका थिए। यसबाट उनले आफ्नो निर्वाचन क्षेत्रमा जनमतलाई जोगाइराख्न सफल भएको विश्लेषण गरिन्छ। 

१ हजार १३७ मतान्तरले पराजित गरी दोस्रो पटक जनताबाट प्रत्यक्ष चुनिएर प्रदेशसभाको यात्रा तय गरेकी कृष्णा आमनिर्वाचन २०७९ मा लुम्बिनीबाट प्रत्यक्ष निर्वाचित हुने एक्लो महिलाको रुपमा प्रदेशसभा सदस्य बनेकी छिन्। यसअघि २०७४ सालमा कांग्रेसका शरदचन्द्र बर्मालाई यही निर्वाचन क्षेत्रमा पराजित गरेकी थिइन्। 


जिल्लामा राजनीतिक कोर्ष परिवर्तन हुँदा उनले लगातार दोस्रो पटक निर्वाचित हुनुलाई उनको व्यक्तिगत प्रभाव मान्ने गरिएको छ। प्रदेशसभा संसदीय राजनीतिमा केसी माओवादीभित्र परिपक्व सांसदको रूपमा चिनिन्छिन्। २०३५ साल चैत १५ गते राप्ती सोनारी गाउँपालिका-१ मा जन्मिएकी कृष्णा केसीले ०४७ बाट राजनीति सुरु गरिन्। उनको परिवार २०४० को दशकतिर साविक रुकुम (हाल रुकुम पश्चिम) बाट बसाइँसराइ गरी झरेको थियो।

३ दशकभन्दा बढी नेकपा माओवादीको राजनीतिमा सक्रिय उनी दोस्रो कार्यकालका लागि जनताबाट अनुमोदित भएकी हुन्। तत्कालीन नेकपा माओवादीले सुरु गरेको सशस्त्र युद्धमा सुरुबाटै सहभागी भएकी उनी माओवादीको विद्यार्थी संगठन, महिला संगठन हुँदै बाँके जिल्ला सचिव र केन्द्रीय सदस्य समेत भएर काम गरेको अनुभव छ। केसी २०५४ चैतमा जेल समेत परिन्। २०५६ वैशाखमा जेलबाट छुटेर पार्टी राजनीतिमा झन् सक्रिय उनले माओवादीको सहर केन्द्रित आन्दोलनलाई नेतृत्त्व दिइन्। 

पार्टीले दिएका कठिन जिम्मेवारी पूरा गरेकी केसी पार्टी अध्यक्ष पुष्पकमल दाहाल (प्रचण्ड)को विश्वासपात्र मध्येकी एक हुन्। प्रचण्ड दोस्रो पटक प्रधानमन्त्री हुँदा सचिवालयमा बसेर जनताको काम गरेको अनुभव छ उनीसँग।  ‘नमूना’ अहिले नेकपा माओवादी केन्द्रकी केन्द्रीय सदस्य तथा बाँके जिल्ला सहइन्चार्ज हुन्।

महेन्द्र बहुमुखी क्याम्पस बाँकेमा प्रमाणपत्र तह अध्यायन गरेकी कृष्णाले प्रदेशसभा सदस्य हुँदा अघिल्लो कार्यकालमा आफ्नो निर्वाचन क्षेत्र सहित प्रदेश क्षेत्रको नीति निर्माणमा उल्लेख्य काम गरेको दाबी गर्छिन्। 

'पाँच वर्षसम्म जनताका समस्याको समाधानमा पहल गर्ने काम गरेँ। मुख्यत त्यहि कारणले फेरि पनि जनताले मलाई राजेको हुन सक्छ,' उनी भन्छिन्, 'मैले राजनीति जनताकै लागि भनेर सुरु गरेको थिएँ र अहिले पनि म त्यही विचारमा दृढ छु। मेरा गतिविधिहरुले त्यसलाई संकेत गरी नै रहेछ भन्ने लाग्छ।'

उनी प्रदेशसभाको अर्थ, उद्योग तथा पर्यटन समितिकी सदस्य समेत बनेकी थिइन्। आफ्नो कार्यकाल समीक्षा गर्दै उनी भन्छिन्, 'पहिलो कार्यकाल नीति निर्माण र जग बसाल्ने काम प्रमुख रुपमा सम्पन्न भएका छन्, तर पनि विकासका केहि कामहरु भए,' उनले भनिन्, 'अबको काम भनेको जनताले महसुस गर्ने गरी काम गर्नुपर्ने दायित्व छ र त्यो पूरा गर्न सकिन्छ भन्ने विश्वास छ।'

बाँके क्षेत्र नम्बर १ मा विकास छैन। बाँकेको सबैभन्दा ठूलो र विकट निर्वाचन क्षेत्र हो यो। त्यसमा पनि कृष्णा केसीको निर्वाचन क्षेत्र अत्यन्तै विकट र विकासले पछाडि परेको क्षेत्र मानिन्छ। त्यहाँ विकासको नयाँ मोडल बनाउँदै पछाडि परेको क्षेत्रलाई मूलधारमा ल्याउन संसद्‍मा अझ बढी सशक्त कदम चाल्ने उनले बताइन्। 


नरैनापुर पटक-पटक समस्यामा पर्छ। विपद्को जोखिम, डुबानदेखि खडेरी र आगलागीबाट पीडित यो क्षेत्रका कृषकहरु सधैं समस्यामा रहन्छन्। ‘किसानका समस्या उस्तै छन्। मल आपूर्तिदेखि समयमै विउविजन नपाउने समस्या अहिले पनि उस्तै छन्,' उनले भनिन्, 'अबको राजनीति जनताका आधारभूत आवश्यकताको परिपूर्ति गर्दै विकासे काम गर्ने खालको हुनुपर्छ।' 

राज्यका हरेक क्षेत्रमा ३३ प्रतिशत महिलाको अनिवार्य प्रतिनिधित्व छ। तर प्रत्यक्ष निर्वाचित हुने नगन्य महिलामध्ये उनी पर्छिन्। अर्कोतर्फ प्रदेश सभाका ५२ क्षेत्रमध्ये माओवादी ५ क्षेत्रमा खुम्चिएको छ। एमाले र कांग्रेसपछि तेस्रो दल बनेको माओवादीमा उनको जितलाई विशेष रूपमा हेरिएको छ। उनी निर्वाचित भएपछि उनले महिलाको लागि मात्र नभई सिंगो पार्टी राजनीतिको लागि संघर्ष गर्नुपर्ने भएको छ।


प्रकाशित: December 4, 2022 | 13:36:47 काठमाडौं, आइतबार, मंसिर १८, २०७९

तपाईं को प्रतिक्रिया

ट्रेंडिंग

बक्स अफिसमा नयाँ रेकर्ड बनाउँदै पठान

फिल्मले सबैभन्दा छोटो समयमा ४ सय करोडभन्दा बढीको व्यापार गर्ने हिन्दी चलचित्रको रेकर्ड पनि कायम गरेको छ। चौथो दिनमात्र पठानले १०० करोडभन्दा बढीको बिजनेस गरेको छ।

रवि लामिछानेले लिए नागरिकता

लामिछानेले जिल्ला प्रशासन काठमाडौंमा अमेरिकी नागरिकता त्यागेको निस्सा पेस गरेपछि दोस्रो पटक नेपाली नागरिकता लिएका हुन्।

लाइन मिचेर नागरिकता लिन सीडीओ कार्यालय पुगे रवि

रवि लामिछाने नागरिकता लिन जिल्ला प्रशासन कार्यालय काठमाडौं पुगेका छन्। आइतबार दिउँसो १२ बजे उनी नागरिकता लिन सीडीओ कार्यालय पुगेका हुन्।

रविको राजीनामापछि रास्वपाको पहिलो बैठक बस्दै

राष्ट्रिय स्वतन्त्र पार्टीको केन्द्रीय समिति बैठक बस्ने भएको छ।

प्रथम सरस्वती कराते कपको उपाधी इचङुनारायण र ब्रह्मास्मी स्कुललाई

प्रथम सरस्वती कप सिनियर/जुनियरको उपाधी इचङुनारायण डोजो र ब्रह्मास्मी स्कुलले जितेको छ।

चितवन-२ मा उपनिर्वाचन हुने, अयोग्य ठहरिएका रवि चुनाव लड्न पाउलान्?

पुनः नागरिकता प्राप्त गरेसँगै चितवन क्षेत्र नम्बर २ मा अब हुने उपनिर्वाचनमा उनी सहभागी हुन सक्नेछन्। तर त्यसअघि अन्य कसुरमा उनीमाथि कारबाही नभएको अवस्थामा मात्रै उपनिर्वाचनमा उम्मेदवार हुन पाउने छन्।

मुक्तिनाथ बैंकका गार्डले सांग्रिलाको एटीएम फुटाउन खोजेपछि...

एटीएम फोडेर पैसा झिक्न खोज्ने एकजनालाई प्रहरीले शुक्रबार पक्राउ गरेको छ।

रविको राजनीतिक यात्रा: ६ महिनामा अविश्वसनीय छलाङ, अचानक उपलब्धि शून्य

उनले हासिल गरेका उपप्रधान तथा गृहमन्त्री र सांसद पद गएको छ। त्यतिमात्र नभएर उनी आफैंले ६ महिनाअघि गठन गरेको पार्टीबाट पनि उनी बेदखल भएका छन्। रविको आफ्नै शब्दमा भन्ने हो भने उनी अनागरिक भएका छन्।

डिल्लीबजारस्थित फ्युजन कन्सल्टेन्सीबाट तीन जना पक्राउ

डिल्लीबजारस्थित फ्युजन कन्सल्टेन्सीमा प्रहरीले छापा मारेर तीन जनालाई पक्राउ गरेको छ।

लोकदोहोरी गायक भीम पौडेलको निधन

लोकदोहोरी गायक भीम पौडेलको निधन भएको छ। स्याङजा खुदी घर भएका पौडेल लामो समयदेखि लोकदोहोरी गायनमा सक्रिय थिए।

थप समाचार

नेपाल समय
लुम्बिनी

हात्तीको आतंक

बर्दियाको मधुवन नगरपालिका वडा नं. १ सूर्यपटुवामा सामुदायिक वनबाट आएका जंगली हात्तीले भत्काएको स्थानीयको घर।
नेपाल समय
लुम्बिनी

दादुरा प्रभावित क्षेत्रमा पुगे स्वास्थ्यमन्त्री

सुरुमा दादुरा देखिएको र एक बालकको मृत्यु भएको नेपालगञ्ज उपमहानगरपालिका वडा नं. ५ मा पुगेर मन्त्री गिरीले घरघरमा पुगेर बालबालिकालाई खोप लगाउन आग्रह गरे।
नेपाल समय
लुम्बिनी

लुम्बिनीका मुख्यमन्त्री गिरीले आज विश्वासको मत लिने

लुम्बिनी प्रदेशका मुख्यमन्त्री लिला गिरीले बिहीबार विश्वासको मत लिने भएका छन्।
नेपाल समय
लुम्बिनी

लुम्बिनी उपसभामुखका लागि आज चुनाव, नागरिक उन्मुक्ति पनि मैदानमा

लुम्बिनी प्रदेशको उपसभामुखका लागि आज मंगलबार निर्वाचन हुँदैछ। सभामुखमा माओवादी केन्द्रका तुलाराम घर्ती सोमबार नै निर्विरोध भइसकेका छन्।
नेपाल समय
लुम्बिनी

लुम्बिनीको सभामुखमा माओवादीका घर्ती निर्विरोध

सोमबार प्रदेशसभा सचिवालयमा उम्मेदवारी दर्ता गर्ने अन्तिम समयसम्ममा उनको मात्र उम्मेदवारी दर्ता भएपछि घर्ती निर्विरोध भएका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना