बिहीबार, माघ १९, २०७९

बाँकेमा गठबन्धनलाई धक्का: बहालवाला र पूर्वमन्त्री पराजित

नवीन अभिलाषी  |  काठमाडौं, आइतबार, मंसिर ११, २०७९

नवीन अभिलाषी

नवीन अभिलाषी

आइतबार, मंसिर ११, २०७९, काठमाडौं

नेपाल समय

नेपालगञ्ज- प्रतिनिधिसभा तथा प्रदेशसभा सदस्यको निर्वाचनमा बाँकेको सम्पूर्ण मतपरिणाम सार्वजनिक भएको छ। मतमरिणामले गठबन्धन चेपुवामा परेको छ भने नेकपा एमाले र एमालेसँग तालमेल गरेका दलले उत्साह बटुलेका छन्। 

देशभरिजस्तै बाँकेमा पनि मिश्रित परिणाम आए पनि एमाले निराश हुनु परेन। प्रतिनिधिसभा र प्रदेशसभा गरी नौवटा सिट रहेको बाँकेमा प्रतिनिधिसभाका तीन सिटमध्ये गठबन्धनले एउटा निर्वाचन क्षेत्र मात्रै जोगाउन सफल भयो। गठबन्धनबाट कांग्रेसका सहमहामन्त्री किशोरसिंह राठौर निर्वाचित भएका छन्। निर्वाचन अवधिभर नै चर्चामा रहेको बाँके निर्वाचन क्षेत्र नम्बर २ मा एमालेसँग तालमेल गरेको राप्रपाका उम्मेदवार निर्वाचित भएका छन्। नेपालगञ्जका निवर्तमान नगरप्रमुख समेत रहेका धवल शमशेर राणाले पूर्वमन्त्री मोहम्मद इस्तियाक राईलाई पराजित गरे। 

बाँकेको निर्वाचन क्षेत्र १ मा पनि गठबन्धनले हात धुनुपर्यो। गठबन्धन सरकारका बहालवाला मन्त्री एमालेका उम्मेदवारसँग पराजित भएपछि नेकपा माओवादी केन्द्रका नेता कार्यकर्ताहरु असन्तुष्ट समेत बने। युवा तथा खेलकुद मन्त्री महेश्वरजंग गहतराज नेकपा एमालेका उम्मेदवार सूर्य ढकालसँग पराजित भए। 

प्रदेशसभामा जसपा दुई जना, एमाले दुई, कांग्रेस र माओवादी केन्द्रका एक/एक जना उम्मेदवार निर्वाचित भएका छन्।

बहालवाला मन्त्रीको विश्राम
बाँकेको प्रतिनिधिसभा निर्वाचन क्षेत्र नम्बर १ मा नेकपा एमालेका सूर्य ढकाल विजयी भए। ढकालले २५ हजार २६ मत प्राप्त गरी निर्वाचित भएको सहायक निर्वाचन अधिकृत सन्दीप ढकालले जानकारी दिए। गठबन्धनका उम्मेदवार तथा युवा तथा खेलकुद मन्त्री महेश्वर गहतराज १९ हजार ६३२ मतमा रोकिए। 

तीन निर्वाचन क्षेत्रमध्ये सबैभन्दा बढी १ नं. निर्वाचन क्षेत्रमा एक लाख २१ हजार एक सय मतदाता थिए। जिल्लाको निर्वाचन क्षेत्र नं. १ मा कोहलपुर नगरपालिका, राप्तीसोनारी गाउँपालिका र नरैनापुर गाउँपालिका पर्छ। भूगोलको हिसाबले पनि जिल्लाको ठूलो निर्वाचन क्षेत्र हो। 

मन्त्री हुँदा निर्वाचन क्षेत्रका लागि गरेका विकास र योजनाहरु देखाउँदै मन्त्री गहतराजले मत मागेका थिए। तर नेपाली कांग्रेसको मत स्थानान्तरण हुन नसक्दा हार वेहोर्नु परेको माओवादीका नेता कार्यकर्ताहरुले बताउँदै आएका छन्। 

धवलको संसद् यात्रा
क्षेत्र नम्बर २ मा निवर्तमान मन्त्री एवम् जसपाका नेता मोहम्मद इश्तियाक राईलाई उछिन्दै नेपालगन्ज उपमहानगरपालिकाका निवर्तमान नगर प्रमुख डा. धवलशमशेर राणा निर्वाचित भए। राणाले २९ हजार पाँच सय ७७ मत प्राप्त गर्दा जसपाका मोहम्मद इश्तियाक राईले २३ हजार पाँच सय २० मत प्राप्त गरे।

नेपालगञ्ज उपमहानगरपालिकाको निवर्तमान नगर प्रमुख भएर काम गरेका ६१ वर्षीय राणा राष्ट्रिय प्रजातन्त्र पार्टीका महामन्त्री हुन्। पूर्वमन्त्री समेत रहेका जनता समाजवादी पार्टीका नेता मोहम्मद इस्तियाक राईसँग निर्वाचनमा होमिएपछि यो निर्वाचन क्षेत्रमा आम चासो बढेको थियो। 

निर्वाचन अगाडि नै टिकट सुनिश्चित हुने भन्दै निर्वाचन गतिविधि गर्दै आएका जसपाका नेता राईले हार खाए। उनले निर्वाचन क्षेत्रमा करोडौं रुपैयाँ सिध्याएको चर्चा हुने गरेको छ। मन्त्रीमा बहाल रहँदा जिल्लामा ल्याएका योजनाहरु देखाउँदै निर्वाचनमा होमिएका राईलाई गठबन्धनबाट मत प्राप्त नभएको उनका नेता कार्यकर्ताहरु बताउँछन्। 

यद्यपि नेपाली कांग्रेसका नेता तथा पूर्वप्रधानमन्त्री सुशील कोइरालाको निर्वाचन क्षेत्र मानिने नेपालगञ्जबाट डा. धवल शमशेर राणाले संसद् यात्रा सुरु गरेका छन्।  २०४९ देखि राजनीतिक यात्रा सुरु गरेका उनी राप्रपा निकट युवक संघको जिल्ला सचिव समेत बनेका थिए। तर पछि राप्रपा परित्याग गरेर एमाले प्रवेश गरे। २०५४ को स्थानीय निर्वाचनमा एमालेबाटै नेपालगञ्ज नगरपालिकाको प्रमुखमा निर्वाचित भएका थिए। 

केही समय राजनीतिमा निष्क्रिय रहेका उनी २०६३ पछि पुनः राप्रपा प्रवेश गरेका थिए। त्यसपछि राजनीतिक यात्रालाई पुनः सक्रिय बनाएका उनि २०६४ मा सम्पन्न पहिलो संविधान सभा निर्वाचनमा उनी राप्रपाबाटै बाँके ३ का उम्मेदवार भएका थिए। तर पराजित भएका थिए। 

किशोरसिंह राठौरले तोडे आफ्नैको घेराबन्दी  
क्षेत्र नम्बर ३ बाट प्रतिनिधिसभा नेपाली कांग्रेसका सहमहामन्त्री किशोरसिंह राठौर निर्वाचित भए। उनले खजुरा गाउँपालिकाका निवर्तमान अध्यक्ष किस्मत कक्षपतिलाई पराजित गरेका हुन्। राठौरले २९ हजार ४० मत प्राप्त गर्दा कक्षपतिले २४ हजार दुई सय ४७ मत पाए। 

नेकपा एमालेको पकड एरिया मानिने निर्वाचन क्षेत्र ३ मा राठौरलाई नेपाली कांग्रेसभित्रै असहयोग थियो। टुरिष्ट नेताको रुपमा उनलाई हेरिएको थियो। किशोरसिंह राठौर कर्णाली प्रदेशको सल्यान जिल्लामा जन्मिएका हुन्। शैक्षिक जीवन काठमाडौंमा बिताएका उनले राजनीतिक यात्रा विद्यार्थी जीवनबाटै सुरु गरेर नेविसंघ तथा पार्टीमा विभिन्न पद सम्हाल्दै नेपाली कांग्रेसको सहमहामन्त्रीको पदमा पुग्न सफल भए।

यसअघि समानुपातिकतर्फबाट प्रतिनिधिसभामा प्रतिनिधित्व गरिसकेका राठौर २०७४ को निर्वाचनमा कांग्रेसबाट समानुपातिक सांसदमा चयन भएका थिए। राठौरले बर्दियासँगै बाँकेको विकास–निर्माण गतिविधि र पार्टी संगठनका विषयमा योगदान पुर्‍याएका थिए। 

गत वर्ष सम्पन्न पार्टीको १४औं महाधिवेशनबाट सहमहामन्त्री पदमा निर्वाचित उनलाई अहिलेको आमनिर्वाचनमा नेपाली कांग्रेसले बाँके क्षेत्र नं ३ बाट अवसर प्रदान गरेको हो।


प्रकाशित: November 27, 2022 | 15:35:42 काठमाडौं, आइतबार, मंसिर ११, २०७९

तपाईं को प्रतिक्रिया

ट्रेंडिंग

प्रमुख प्रशासकीय अधिकृतसहित ७ जनाविरुद्ध भ्रष्टाचार मुद्दा दायर

मुगुको सोरु गाउँपालिकाका तत्कालीन प्रशासकीय अधिकृत उपाध्याय, वडा नम्बर ६ का तत्कालीन वडा अध्यक्ष, सब इन्जिनियर, निर्माण उपभोक्ता समितिका अध्यक्षसहित सात जनाविरुद्ध फिल्ड निर्माण गर्ने क्रममा गलत प्रतिवेदन तयार गरेको आरोपमा मुद्दा दायर गरिएको हो।

सत्ता गठबन्धनको बेमेलले राजनीति १० पुसतिर फर्किने संकेत

सात दलीय सहमतिबमोजित नेकपा माओवादी केन्द्र र प्रधानमन्त्री प्रचण्डले रास्वपालाई गृह मन्त्रालय दिन अस्वीकार गरेपछि १० पुसमा बुनिएको बालकोटको राजनीतिक गाँठो क्रमशः खुइलिने वा फुक्लिने अवस्थामा पुगेको छ।

बालुवाटारमा प्रधानमन्त्री प्रचण्ड–ओलीबीच गठबन्धनको भविष्यबारे छलफल

नागरिकता प्रकरणमा गृहमन्त्रीबाट गलहत्याइएका लामिछानेले पुनः सोही पद पाउनुपर्ने अडान लिएपछि पछिल्लो समय गठबन्धनभित्र मतभेद बढ्दै गएको छ।

अन्ततः रविले नपाउने भए गृह मन्त्रालय

सर्वोच्च अदालतबाट लामिछानेको नागरिकतासम्बन्धी मुद्दा फैसलाको पूर्ण पाठ नआएसम्म गृह मन्त्रालयको नेतृत्व आफैंसँग राख्ने निर्णयमा प्रधानमन्त्री प्रचण्ड पुगेका हुन्।

सत्ता गठबन्धनमा टुटफुटको शृंखला, सरकार त्याग्ने रविको संकेत

प्रधानमन्त्री प्रचण्डले सत्ता साझेदार राष्ट्रिय स्वतन्त्र पार्टीको जिम्मामा परेको गृह मन्त्रालय सुम्पिन आनाकानी गरेसँगै केन्द्रमा पनि गठजोड भत्किने अवस्था आएको हो।

कति 'सेफ जोनमा' छन् रवि?

रवि लामिछाने सर्वोच्चको आदेशले वैधानिक नागरिक बने पनि जिल्ला प्रशासन कार्यालयमा राहदानीमाथिको छानबिन प्रकरण अझै नसकिएकाले राजनीतिक रुपमा 'सेफ जोनमा' छैनन्।

एकीकृत समाजवादीले प्रधानमन्त्रीलाई ज्ञापनपत्र बुझाउने

देशको आर्थिक अवस्था नाजुक भएको भन्दै एकीकृत समाजवादीले यसलाई सुधार्न प्रधानमन्त्रीको ध्यानाकर्षण गराउन लागेको हो।

सिंहदरबार ताक्ने रवि लामिछानेको योजनामा माओवादीको अवरोध

आइतबारको बालुवाटार जमघटमा एमाले अध्यक्ष केपी ओलीले गृहमन्त्रीमा लामिछानेलाई नियुक्त गर्न र गठबन्धनको मर्मअनुसार चल्न सुझाए पनि सोमबारको माओवादी पदाधिकारी बैठकले गृह मन्त्रालय नछाड्न र रविलाई गृहमन्त्री नबनाउन दबाब दिएपछि अलमलमा प्रधानमन्त्री प्रचण्ड।

प्रधानमन्त्रीलाई भेटेपछि गभर्नरसँग छलफल गरे मेयर बालेनले

निजी सम्पत्तिमा महानगरले क्षति पुर्‍याएको भन्दै आन्दोलनसमेत भइरहेको छ। यस्तो अवस्थामा मेयरले संघीय सरकारबाट हुनुपर्ने सहयोगको अपेक्षासमेत राखिरहेका छन्।

आत्मदाह प्रयास गरेका पुरुषलाई बचाउँदा घाइते भएकी महिलाको मृत्यु

पोखरा महानगरपालिका-१३ काहूँखोलामा आइतबार एक व्यापारिले आत्मदाह प्रयास गरे। घर वहालमा बसेका युवकले शरीरमा आगो लगाउन खोजेपछि घरबेटीले डेरावाल युवकलाई बचाउन खोजेकी थिइन्।

थप समाचार

नेपाल समय
लुम्बिनी

हात्तीको आतंक

बर्दियाको मधुवन नगरपालिका वडा नं. १ सूर्यपटुवामा सामुदायिक वनबाट आएका जंगली हात्तीले भत्काएको स्थानीयको घर।
नेपाल समय
लुम्बिनी

दादुरा प्रभावित क्षेत्रमा पुगे स्वास्थ्यमन्त्री

सुरुमा दादुरा देखिएको र एक बालकको मृत्यु भएको नेपालगञ्ज उपमहानगरपालिका वडा नं. ५ मा पुगेर मन्त्री गिरीले घरघरमा पुगेर बालबालिकालाई खोप लगाउन आग्रह गरे।
नेपाल समय
लुम्बिनी

लुम्बिनीका मुख्यमन्त्री गिरीले आज विश्वासको मत लिने

लुम्बिनी प्रदेशका मुख्यमन्त्री लिला गिरीले बिहीबार विश्वासको मत लिने भएका छन्।
नेपाल समय
लुम्बिनी

लुम्बिनी उपसभामुखका लागि आज चुनाव, नागरिक उन्मुक्ति पनि मैदानमा

लुम्बिनी प्रदेशको उपसभामुखका लागि आज मंगलबार निर्वाचन हुँदैछ। सभामुखमा माओवादी केन्द्रका तुलाराम घर्ती सोमबार नै निर्विरोध भइसकेका छन्।
नेपाल समय
लुम्बिनी

लुम्बिनीको सभामुखमा माओवादीका घर्ती निर्विरोध

सोमबार प्रदेशसभा सचिवालयमा उम्मेदवारी दर्ता गर्ने अन्तिम समयसम्ममा उनको मात्र उम्मेदवारी दर्ता भएपछि घर्ती निर्विरोध भएका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना