सोमबार, मंसिर १९, २०७९

निःशुल्क बिजुली बसले लुम्बिनीमा पर्यटकलाई सहज

विनोद परियार  |  काठमाडौं, शनिबार, असोज १५, २०७९

विनोद परियार

विनोद परियार

शनिबार, असोज १५, २०७९, काठमाडौं

नेपाल समय

बुटवल- लुम्बिनीमा लामोसमयम्म थन्किएका बिजुली बस गुड्न थालेपछि आन्तरिक तथा बाह्य पर्यटकहरुलाई यात्रा सजिलो भएको छ। दसैंको अवसर पारेर अन्तर्राष्ट्रिय पर्यटकीय स्थल लुम्बिनी र लुम्बिनीसँग जोडिएका बुद्ध सर्किटमा निःशुल्क बिजुली बस सञ्चालनमा आएपछि पर्यटकलाई सहज भएको हो। पहिलो दिनमै स्थल मार्ग हुँदै नेपाल प्रवेश गरेका सात जनाको भारतीय पर्यटक टोली निःशुल्क बिजुली बस भेटेपछि सिधै लुम्बिनी आए।

‘हामी बेलहिया आएपछि काठमाडौं जान एयरपोर्ट जान लागेका थियौँ, निःशुल्क बस पाएपछि लुम्बिनी आयौँ’ दक्षिण भारतबाट नेपालमा भ्रमणमा आएका एमएल शर्माले भने। शर्मासहित सात जनाको टोली काठमाडौं जाने तयारीमा रहँदा लुम्बिनीको धाममा यात्रा लेखिएको ब्यानर सहितको निःशुल्क बिजुली बसले लुम्बिनी डोर्‍याएको हो। 

बेलहिया नाका हुँदै नेपाल प्रवेश गरेका विदेशी पर्यटकले लुम्बिनीका लागि सिधै गाडी पाउँदैनन्। जसका कारण पर्यटकहरु अलमलिने गर्छन्। तर, लुम्बिनी विकास कोषले दसैंको अवसर पारेर डेढ वर्षअघि लुम्बिनीमा ल्याएका बिजुली बसको यान्त्रिक परीक्षणका लागि निःशुल्क बस सञ्चालन भएपछि पर्यटकहरुले लाभ लिएका छन्। भारतबाटै लुम्बिनी भ्रमणमा आएकी याञ्चीन लामाले नि:शुल्क त्यो पनि आरामदायी बसमा यात्रा गर्न पाउँदा खुसी लागेको बताइन्। उनले भारतमा कुसिनगर, बोदगया घुमेर लुम्बिनी आएको सुनाइन्। ‘आरामदायी गाडीमा नि:शुल्क लुम्बिनी आउन पाउँदा सारै खुसी लाग्यो’ उनले भनिन, ‘सधैँ यसै गरी आउन पाइयोस्।’ 


बेलहिया नाका तथा गौतम बुद्ध अन्तर्राष्ट्रिय विमानस्थल हुँदै आउने पर्यटकलाई सिधै लुम्बिनी आउनका लागि सहजताका लागि बिजुली बस सञ्चालनको नीति अघि सारिएको हो। अन्तर्राष्ट्रिय विमानस्थलबाट आउने पर्यटकलाई बौद्ध सर्किटमा पुग्न सहजताका लागि बिजुली बस सञ्चालन गरिएको कोषका उपाध्यक्ष भिक्षु मैत्तयले जानकारी दिए। उनले लुम्बिनी र बौद्ध परिथपमा आन्तरिक तथा बाह्य पर्यटकलाई बस सेवाले सहज पहुँच हुने बताए। 

प्रक्रियागत झन्झट र प्राविधिक कारणले बस  सञ्चालनमा केही ढिलाइ भए पनि बिजुली बस सञ्चालनले हौसला दिएको कोषका कोषाध्यक्ष सिद्धिचरण भट्टराईले बताए। ‘धाममा यात्रा’ नाम दिएर बौद्ध सर्किटका क्षेत्रहरूमा निःशुल्क रुपमा यात्रा गर्न कोषले आह्वान समेत गरेको छ। अहिले नम्बर प्लेटका लागि अनुमती लिने काम भइरहेको कोषका सदस्य सचिव सानुराजा शाक्यले बताए। ‘यान्त्रिक परीक्षण गरेपछि प्राविधिक पक्ष थाहा हुनेछ, त्यसपछि निरन्तर सञ्चालन हुन्छ’ सदस्य सचिव शाक्यले भने। 


पाँच वटा विद्युतीय गाडीका लागि छ वटा रुट तय गरेर सञ्चालन गरिएको परीक्षण इकाईका संयोजक एवं कोषका सदस्य विश्वराज पौडेलले बताए।  उनका अनुसार लुम्बिनी एयरपोर्ट बेलहिया हुँदै रामग्राम (रुट १), लुम्बिनी एयरपोर्ट हुँदै बुटवल गोल पार्क (रुट २), लुम्बिनी देखि तिलौराकोट बुद्ध सर्किट परिक्रमा (रुट ३), लुम्बिनी वरिपरि सटल बस ( रुट ४) , लुम्बिनीदेखि एयरपोर्ट बेलहिया (रुट ५) लुम्बिनी मणिग्राम हुँदै देवदह (रुट ६) छन्। विद्युतीय बसको परीक्षण सञ्चालनका लागि नेपाली सेना, नेपाल प्रहरी, सशस्त्र प्रहरी, निजी क्षेत्र र कोषले एक/एक जना चालकको व्यवस्थापन गरेका छन्।

एसियाली विकास बैंकको अनुदान सहयोगमा क्लिन इनर्जी प्रोजेक्ट अन्तर्गत १३ करोडको लागतमा बस तथा ट्याक्सी भित्रिएका हुन्। पाँच वटा बस र १४ वटा भ्यान लुम्बिनीमा रहेका छन्। 

गृहमन्त्री बालकृष्ण खाँणले पर्यटन दिवसमा विद्युतीय बस सञ्चालनका लागि निर्देशन दिए लगत्तै प्रमुख जिल्ला अधिकारी भरतमणि पाण्डे सहित कोष र सुरक्षा समितिको बैठक बसेर विद्युतीय गाडी सञ्चालनका लागि रुट तय गरिएको थियो।  


प्रकाशित: October 1, 2022 | 08:45:49 काठमाडौं, शनिबार, असोज १५, २०७९

तपाईं को प्रतिक्रिया

ट्रेंडिंग

काठमाडौं महानगरको प्रस्टीकरण : तीन निकायको सहकार्यमा अनधिकृत सुकुम्बासी बस्ती हटाउँछौं

राष्ट्रिय भूमि आयोगले काठमाडौं नगरभित्रका सुकुम्बासीको समस्या समाधान गर्न ढिलाइ गरेपछि आफैं अगाडि सर्नुपरेको प्रस्टीकरण काठमाडौं महानगरले दिएको छ।

समानुपातिकतर्फ १ करोड मतगणना हुँदा कुन दललाई कति?

निर्वाचन आयोगका अनुसार आज बिहान ९ बजेसम्म एक करोड आठ लाख दुई हजार ९०७ मतगणना भएको छ।

देशव्यापी सांगीतिक यात्रामा निस्किँदै नेपथ्य

देशको पूर्वी कुनादेखि पश्चिम कुनासम्म आफ्ना लोक–रक धुन सुनाउने योजनाका साथ नेपथ्य यसै साता काठमाडौंबाट बाहिरिने भएको हो।

असुरक्षित सडकको सिकार भएका महावीर

वैज्ञानिक समाजवादी पार्टीमा जोडिएपछि सेलिब्रेटी छविप्रतिको मोह घट्दै गएको थियो। समानता र विभेदको अन्त्य उनका अर्जुन दृष्टि थिए। उनको उद्देश्य र काम जात व्यवस्था अन्त्य गर्नेमा केन्द्रित थियो।

के हो रामकुमारीको सन्देश?

खुलेको मुस्कानसहित उक्त तस्बिर सार्वजनिक भएपछि बाम एकताको आकलन धेरैले गरे। हुन पनि चुनावी मतपरिणाम आउँदै गर्दा बाम एकता गरेर नयाँ सरकार बनाउनुपर्ने धारणा एमाले र नेकपा एसका धेरै नेताको देखिन्छ।

धनुषा ४ मा कांग्रेसका यादवले ६८६ मतले लिए अग्रता

मतगणना जारी रहँदा नेपाली कांग्रेसका महेन्द्र यादवले आफ्नो अग्रता बढाउँदै लगेका छन्। मतगणनाको सुरुदेखि नै नेकपा (एमाले) रघुवीर महासेठले अग्रता लिएका थिए।

सरकार गठनको पहिलो प्रयास गठबन्धनले गर्ने, प्रधानमन्त्रीको दौडमा को–को?

सत्ता गठबन्धनकै सरकार बने प्रधानमन्त्री को? कांग्रेसभित्र कम्तीमा ५ आकांक्षी देखिँदा माओवादी अध्यक्ष प्रचण्ड पनि यसैको दौडधूपमा छन्।

धनुषा ४ मा रघुवीर महासेठलाई पछि पार्दै कांग्रेस उम्मेदवारको अग्रता

धनुषा ४ मा नेपाली कांग्रेसका उम्मेदवार महेन्द्र यादवले अग्रता लिएका छन्। आइतबार साँझबाट पछि परेका उनले पछिल्लो अपडेटअनुसार अग्रता कायम गरेका हुन्।

कर्जा-निक्षेप अनुपातमा राष्ट्र बैंक लचक

तोकिएको कर्जा–निक्षेप अनुपात नपुगे बैंक तथा वित्तीय संस्थालाई लाग्ने जरीवानालाई तरलता जोखिममा समेत आधारित हुने गरी पुनरवलोकन गर्न सकिने व्यवस्था गरी लचकता अपनााएको हो।

थप समाचार

लुम्बिनी

घर बन्ने लोभमा ठगिए लुम्बिनीका सयभन्दा बढी स्थानीय

रुपन्देहीको दक्षिणी क्षेत्र मर्चबारका स्थानीयलाई एक युवाले घर बनाइदिन्छु भन्दै लाखौँ ठगी गरेका छन्। विदेशी दाताबाट सहयोग लिई घर बनाइदिने आश्वासन दिँदै रजिष्ट्रेशनका लागि लाखौं असूल गरी अहिले ती युवा फरार छन्।
नेपाल समय
लुम्बिनी

संरचना नबन्दै दाङमा कार्यालय नसार्न एमाले र कांग्रेसको माग

स्थायी राजधानी दाङमा संरचना नबन्दै बुटवलबाट मन्त्रालय सार्न लागेको भन्दै नेपाली कांग्रेस र एमालेले विरोध गरेका छन्।
नेपाल समय
लुम्बिनी

लुम्बिनी प्रदेशकी एक्ली 'नमुना'

गठबन्धनको मत प्राप्त गर्न नसकेर प्रतिनिधिसभातर्फ युवा तथा खेलकुद मन्त्री महेश्वरजंग गहतराजले निर्वाचन हार्दा उनीसँगै निर्वाचन अभियानमा रहेकी कृष्णा भने त्यही निर्वाचन क्षेत्रको प्रदेशतर्फ राम्रै मतान्तरले विजयी बनेकी हुन्।
नेपाल समय
लुम्बिनी

बौद्ध विश्वविद्यालयलाई अन्तर्राष्ट्रियस्तरको विश्वविद्यालय बनाइने

लुम्बिनी बौद्ध विश्वविद्यालयलाई सन् २०३० सम्ममा अन्तर्राष्ट्रिय स्तरको विश्वविद्यालयका रुपमा विकसित गरिने योजना सार्वजनिक गरेको छ।
नेपाल समय
लुम्बिनी

बाँकेमा गठबन्धनलाई धक्का: बहालवाला र पूर्वमन्त्री पराजित

देशभरिजस्तै बाँकेमा पनि मिश्रित परिणाम आए पनि एमाले निराश हुनु परेन। प्रतिनिधिसभा र प्रदेशसभा गरी नौवटा सिट रहेको बाँकेमा प्रतिनिधिसभाका तीन सिटमध्ये गठबन्धनले एउटा निर्वाचन क्षेत्र मात्रै जोगाउन सफल भयो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना