मंगलबार, मंसिर १३, २०७९

कोहलपुरमा चाडपर्वका बेला चोरको बिगबिगीः प्रहरी निरीह, व्यवसायी त्रसित

नवीन अभिलाषी  |  काठमाडौं, सोमबार, असोज १०, २०७९

नवीन अभिलाषी

नवीन अभिलाषी

सोमबार, असोज १०, २०७९, काठमाडौं

नेपाल समय

नेपालगन्ज– गत ६ असोज राती बन्दुकधारीको एक समूह वीरेन्द्रजंग शाहीको घरमा पस्यो। मोबाइल लुट्यो र परिवारलाई नै कोठामा थुनेर बाहिरबाट चुक्कुल लगाइदियो। १० तोला सुन र २ लाख रुपैयाँ लुटपाट गरेर समूह फरार भयो। 

कोहलपुर नगरपालिका–८ का शाहीले तत्काल प्रतिकार गर्न सकेनन्। मर्निङ वाक गर्ने व्यक्तिले चिच्याएको आवाज सुनेपछि ढोका खोलिदिए। १०–११ जनाको समूहले बन्दुक देखाएर लुटेको शाहीले प्रहरीलाई जानकारी दिए। 

केही दिनअघि मात्रै कोहलपुरकै न्यूरोड चोकमा रहेको कोहलपुर हाम्रो खाजा घरमा चोरी भयो। खाजाघरको तीन सम मिटरकै दूरीमा इलाका प्रहरी कार्यालय छ भने दक्षिण र उत्तरतर्फ चौराहामा २४सै घन्टा प्रहरी ड्युटीमा खटिने गरेको छ। चोरले खाजाघरको काउन्टर फुटाएर नगद २७ हजार र ५० हजार बराबरको पेयपदार्थ समेत चोरेको सञ्चालक आकाश कार्कीले अर्को दिन प्रहरीलाई बताए। 

८ असोज राती मात्रै कोहलपुर नगरपालिका–११ स्थित मुख्य बजार रहेको नवप्रभात घडी तथा मोबाइल पसलमा चोरी भयो। मध्यरातमा सटरै  काटेर चोरले १३ वटा बढी महँगा मोबाइल सेट र केही नगद लिएर गयो। तीन दिनअघि कोहलपुर नगरपालिका–२ का २ वटा घरमा १० हजार नगदसहित मोबाइल चोरी भएका छन्। 

कोहलपुर नगरपालिका–५ का रतन चन्दको केही दिन अगाडि मात्रै मोटरसाइकल चोरी भयो। घरैबाट मोटरसाइकलसहित नगद रकम चोरी भएको भन्दै चन्दले प्रहरीमा उजुरी गरेका छन्।

यस्तै, १ असोजमा मात्रै नेपालगन्जका दुई वटा औषधी पसलमा चोरी भए। गणेशमान चोकस्थित गणेशमान चोक ड्रग स्टोर र सागर क्लिनिकमा चोरी भएको हो। राती १ बजेतिर औषधी पसलको सटर फोरेर चोरले दुई पसलबाट करिब ४ लाख रुपैयाँ चोरी गरेको जिल्ला प्रहरी कार्यालय बाँकेका डीएसपी रामबहादुर घर्तीले जानकारी दिए। चोरले औषधी भने नचोरेको पसलका सञ्चालकले बताएका छन्। 

सुरक्षाका विषयमा छलफल गर्न इलाका प्रहरी कार्यालय कोहलपुरमा भेला भएका व्यवसायी।
विशेषगरी बाँकेको कोहलपुर क्षेत्रमा चोरीका घटना बढ्न थालेपछि व्यवसायी चिन्तामा छन्। एक महिनामा मात्रै कोहलपुर नगरभित्रका १० वटा घर तथा पसलमा चोरी भएपछि स्थानीय त्रसित छन्। चाडपर्व भित्रिँदै गरेका बेला चोरको बिगबिगी बढ्दै गएपछि अहिले कोहलपुरका व्यवसायी आफ्नो सामानको सुरक्षा कसरी गर्ने भन्ने चिन्तामा छन्। नगर क्षेत्रका पसलमा निरन्तर रूपमा एकपछि अर्को गर्दै चारी हुँदासमेत प्रहरीले सुरक्षा दिन नसकेको भन्दै व्यवसायी आक्रोशित भएका छन्। 

कांग्रेस कोहलपुर नगरपालिका–११ का सभापति मोहन चापागाईंले चोरीका घटना कम गर्न प्रहरीले कोसिस नगरेको बताए । ‘इलाका प्रहरी कार्यालकै ढोकामा सटर फोरेर चोरी भएको छ। यस्तो अवस्थामा प्रहरीले के गर्छ? त्यसको जवाफ दिनुपर्छ?’ चापागार्इंले आक्रोश व्यक्त गरे, ‘घुमुवा किन राखेको?, केका लागि राखेको? कोहलपुरमा पैसा उठाउन मात्रै राखेको हो?’ 

कोहलपुर नगरपालिकाका–८ का वडाध्यक्ष लालबहादुर रानाले आफ्नो वडामा भएको लुटपाटले स्थानीय त्रसित अवस्थामा रहेको बताए। हातहतियार नै देखाएर १० तोला सुन र २ लाख ५० हजार बढी रकम लुटपाट भएको घटनापछि वडामा स्थानीय सुरक्षा माग गर्दै कार्यालय जाने गरेको वडाध्यक्ष रानाको भनाइ छ। ‘कोहलपुरमा दैनिकजसो हातहतियार देखाउँदै लुटपाटका घटना भइरहेका बेला प्रहरी अलि सक्रिय हुनुपर्छ,’ वडाध्यक्ष रानाले भने, ‘कोहलपुर प्रहरीबाट सोचेजस्तो सुरक्षा प्रत्याभूति किन हुन नसकेको हो? यसमा छलफल जरुरी देखिन्छ।’ 

चोरीका घटना बढ्दै जान थालेपछि कोहलपुरमा सर्वपक्षीय बैठक पनि बस्यो। कार्यवाहक नगरप्रमुख वीरेन्द्रकुमार शाही बैठकमा यस्ता घटना न्यूनीकरण हुन नसक्नुले नगर क्षेत्रभित्रको व्यावसायिक सुरक्षामा प्रश्न उठ्ने बताउँछन्। 


डीएसपी ऐनबहादुर मल्ल।

इलाका प्रहरी कार्यालय कोहलपुरको नेतृत्व डीएसपी ऐनबहादुर मल्लले सम्हालेका छन्। व्यवसायीले डीएसपी मल्ल इलाका प्रमुख भएर आएदेखि चोरीका घटना बढिरहेको बुझेका छन्। तर डीएसपी मल्लले त्यो मान्न तयार छैनन्। ‘अहिले कोहलपुरमा रहेका प्रहरी दैनिक ४ घन्टा मात्र सुत्छन्। प्रत्येक प्रहरी ड्युटीमा हुन्छन्,’ मल्लले भने, ‘प्रहरीले दैनिक कति काम गरिरहेको भनेर कार्यालय आएर हेर्नुहोला। बाहिरबाट भनेर केही हुँदैन।’

डीएसपी मल्ल यस्ता समस्या निराकरणका लागि आमनागरिकको सहयोग चाहिने सुझाउँछन्। पछिल्लो एक सातामा भएका चोरीका घटनामा संलग्न कुनै पनि व्यक्तिलाई प्रहरीले अहिलेसम्म पक्राउ गर्न सकेको छैन। चोरी र लुटपाटमा संलग्नलाई पक्राउ गर्न नसकेपछि स्थानीय तथा व्यवसायीले प्रहरीप्रति आक्रोश व्यक्त गरेका छन्। केही व्यवसायीले घुमुवा प्रहरीले होटल, रेस्टुराँ, लागूऔषध ओसार पसार गर्नेहरूबाट पैसा उठाउने गरेको आरोपसमेत लगाएका छन्। 

घुमुवा प्रहरीले गोप्य सूचना संकलन गरेर अपराध नियन्त्रण गर्ने उद्देश्यले भए पनि जिम्मेवारी छाडेर महिनावारी पैसा असुली गर्ने गरेकाले यस्ता कार्य तत्काल रोक्न कांग्रेस सभापति चापागाईंले आग्रह गरे। 


प्रकाशित: September 26, 2022 | 14:32:46 काठमाडौं, सोमबार, असोज १०, २०७९

तपाईं को प्रतिक्रिया

ट्रेंडिंग

चितवनका तीन क्षेत्रमा कसको अवस्था कस्तो?

प्रतिनिधिसभामा तीनवटा निर्वाचन क्षेत्र रहेको चितवनमा तीनवटै क्षेत्रको मतगणना भइरहेको छ।

काठमाडौं-९ मा एमालेका कृष्णगोपाल श्रेष्ठ विजयी

यो एमालेको दोस्रो जित हो। यसअघि एमालेले ललितपुर २ मा जित निकालेको थियो।

गुल्मी-२ मा ठूलो मतान्तरले पछि परिन् झाँक्री

गुल्मी क्षेत्र नम्बर २ मा सत्ता गठबन्धनकी उम्मेदवार रामकुमारी झाँक्रीलाई भारी मतले पछि पार्दै नेकपा एमालेका गोकर्ण विष्टले अग्रता कायम राखेका छन्।

समानुपातिक मतमा स्वतन्त्र पार्टी तेस्रो, एमालेलाई पछ्याउँदै कांग्रेस

प्रत्यक्षतर्फ चार वटा निर्वाचन क्षेत्रको अन्तिम मतपरिणाम सार्वजनिक भएको छ भने समानुपातिकतर्फ पनि मतगणना भइरहेको छ।

गुल्मी-२ मा झाँक्रीलाई पछि पार्दै विष्टको अग्रता

आइतबार भएको निर्वाचन जारी मतगणनामा विष्ट ६७२ मतसहित अगाडि छन्।

युथ युनेस्को क्लब युएसएको इन्टरनेशनल मिडिया एडभाइजरमा बस्नेत

अमेरिकाको क्यालिफोर्नियामा युवा केन्द्रित रचनात्मक कार्यहरू सञ्चालन गर्दै आएको युथ युनेस्को क्लब युएसएले सञ्चारकर्मी मनोज बस्नेतलाई अन्तर्राष्ट्रिय सञ्चार सल्लाहकारमा मनोनयन गरेको छ।

दुई क्षेत्रमा स्वतन्त्र पार्टी अगाडि, दुई-दुईमा कांग्रेस र एमाले

काठमाडौं हिजो आइतबार सम्पन्न प्रतिनिधिसभा र प्रदेशसभाको निर्वाचन अन्तर्गत आज बिहानदेखि केही क्षेत्रमा मतगणना सुरु भएको छ।

बाजुरामा गोली लागेका एक जनाको मृत्यु

कांग्रेस र एमालेका कार्यकर्ताबीच विवाद भएपछि मतदान सकिनै लाग्दा झडप भएको हो।

जेलबाट मतदान गरेपछि रेशम चौधरीले भने– बडा मज्जा आयो

कैदीबन्दीले पनि निर्वाचनमा सहभागी हुन पाउने भएपछि उनीहरु उत्साहित भएका थिए। काठमाडौं उपत्यकामा १८२ जना कैदीबन्दी मतदान गर्न योग्य भएको निर्वाचन अयोगको तथ्यांक छ।

थप समाचार

नेपाल समय
लुम्बिनी

बाँकेमा गठबन्धनलाई धक्का: बहालवाला र पूर्वमन्त्री पराजित

देशभरिजस्तै बाँकेमा पनि मिश्रित परिणाम आए पनि एमाले निराश हुनु परेन। प्रतिनिधिसभा र प्रदेशसभा गरी नौवटा सिट रहेको बाँकेमा प्रतिनिधिसभाका तीन सिटमध्ये गठबन्धनले एउटा निर्वाचन क्षेत्र मात्रै जोगाउन सफल भयो।
नेपाल समय
लुम्बिनी

रुपन्देही-२ को मतगणना रोकियो

रुपन्देहीको प्रतिनिधिसभा निर्वाचन क्षेत्र नम्बर २ को मतगणना रोकिएको छ।
नेपाल समय
लुम्बिनी

प्रदीप ज्ञवालीलाई हराउँदै चन्द्र भण्डारी निर्वाचित

गुल्मी क्षेत्र नम्बर १ मा नेपाली कांग्रेसका उम्मेदवार चन्द्र भण्डारी विजयी भएका छन्। उनले एमालेका प्रदीप ज्ञवालीलाई पराजित गरेका हुन्।
नेपाल समय
लुम्बिनी

बाँके-२ मा राप्रपाका धवलशमशेर निर्वाचित

बाँके क्षेत्र नम्बर २ मा राष्ट्रिय प्रजातन्त्र पार्टीका डा. धवलशमशेर जबरा प्रतिनिधिसभा सदस्यमा विजयी भएका छन्। उनी २९ हजार ५७७ मतका साथ विजयी भएका हुन्।
नेपाल समय
लुम्बिनी

रूपन्देही-२ स्वतन्त्र पार्टीको सुरुवाती अग्रता, दोस्रोमा विष्णु पौडेल

रुपन्देही क्षेत्र नम्बर २ मा राष्ट्रिय स्वतन्त्र पार्टीले सुरुवाती अग्रता लिएको छ। ३ सय मत गन्दा सो पार्टीका गणेश पौडेलले १२६ मत ल्याएका छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना