शुक्रबार, असोज २१, २०७९

लुम्बिनी अस्पतालको भवनको ठेक्का प्रक्रिया फेरि विवादित, 'सेटिङ'को आरोप

खरिद कार्यालय र प्राधिकरणबीच आरोप-प्रत्यारोप, ठेक्का प्रक्रिया रोक्न अदालतको अल्पकालीन अन्तरिम आदेश
विनोद परियार  |  काठमाडौं, बिहीबार, साउन २६, २०७९

विनोद परियार

विनोद परियार

बिहीबार, साउन २६, २०७९, काठमाडौं

नेपाल समय
भवनको डिजाइनको फाइल तस्बिर।

बुटवल- लुम्बिनी प्रादेशिक अस्पतालको बहुतले भवन निर्माणको टेण्डर फेरि विवादमा तानिएको छ। मुख्यमन्त्री कुलप्रसाद केसी अध्यक्ष रहेको प्रदेश पूर्वाधार प्राधिकरणलाई उच्च अदालत बुटवल इजलाशले ठेक्का प्रक्रिया अगाडि नबढाउन अन्तरिम आदेश जारी गरेपछि विवाद पुन: सतहमा आएको हो।  

निर्माण व्यवसायी बलिभद्र रानाले ठेक्का प्रक्रियामा ‘सेटिङ’ भएको भन्दै दायर गरेको मुद्दामा उच्च अदालत तुलसीपुरको बुटवल इजलासले ठेक्का प्रक्रिया अघि नबढाउन अल्पकालीन अन्तरिम आदेश जारी गरेको छ। निर्माण व्यवसायी रानाले मुख्यमन्त्री तथा मन्त्रिपरिषद्को कार्यालयलाई विपक्षी बनाएर रिट हालेका थिए। अदालतले भदौ १ गते पेसी तोकेर त्यसअघि दुवै पक्षलाई छलफलमा बोलाएको छ। 

यसअघि साउन १९ गते सार्वजनिक खरिद अनुगमन कार्यालयले लुम्बिनी प्रदेश पुर्वाधार विकास प्राधिकरणलाई ठेक्का प्रक्रियामा त्रुटी भएको भन्दै पत्र काटेको थियो। सार्वजनिक खरिद अनुगमन कार्यालयका प्रवक्ता उमेश ढुंगानाले विदेशी भूमिबाट जारी हुने कागजात प्रमाणपत्रको वैधता लगायतका विषयमा प्रश्‍न उठाएको बताए। एकातर्फ अदालतले अन्तरीम आदेश जारी गरेको छ भने अर्कोतर्फ सार्वजनिक खरिद अनुगमन कार्यालयले ठेक्का प्रक्रियामा त्रुटि देखाएको छ। प्रदेश पूर्वाधार विकास प्राधिकरणले अदालतको आदेश आएसँगै  अनुगमन कार्यालयलाई सुझाव सहितको पत्र साउन २५ गते पठाएको छ। 

प्राधिकरणका प्रमुख कार्यकारी अधिकृत छविराज पोखरेलले दुई पृष्ठ लामो पत्र लेख्दै सार्वजनिक खरिद अनुगमन कार्यालयप्रति असन्तुष्टि जनाएका छन्। पत्रमा सार्वजनिक खरिद तथा अनुगमन कार्यालयले आफू मातहतका कार्यालयलाई कामका बारेमा उठेका जिज्ञासाहरुको बारेमा स्पष्ट पार्न भनी पत्र लेख्दा अख्तियार दुरुपयोग अनुसन्धान आयोगका प्रमुख आयुक्तलाइ बोधार्थ दिएर पत्र लेख्‍ने कुरा शोभनीय नभएको कार्यालयको ठहर रहेको उल्लेख गरेका छन्। खरिद अनुगमन कार्यालयको पत्रले उक्त संस्था अभिभावकत्व गर्ने निकाय भन्दा गलत नियत भएका व्यक्तिबाट लेखिने पत्र जस्तो महसुस भएको पोखरेलले लेखेको ध्यानाकर्षण पत्रमा उल्लेख छ।

ध्यानाकर्षणपत्रमा अयोग्य निर्माण व्यवसायी छनोट भई समस्या नआओस् भन्‍ने अभिप्रायले प्राधिकरणले छनोट प्रक्रियाका शर्तहरु अलि बढी नतिजामूलक बनाउने प्रयास गरेको दाबी गरिएको छ। विदेशी भूमिबाट जारी हुने कागजात प्रमाणपत्रको वैधता अर्को देशमा जाँच गर्न कठिन हुने भएकाले विदेशी भूमिबाट जारी भएका प्रमाणपत्र कागजात प्रमाणिकरण गर्न ‘नोटराइज’ गर्नु भन्दा अरु उत्तम विकल्प नदेखिएको उल्लेख छ। यसले विदेशी प्रतिस्पर्धीहरु हतोत्साहित हुने कल्पना नगरिएको पनि पत्रमा दावी गरिएको छ।

सरकार फेरि विवादमा 

लुम्बिनी सरकारले गौरवको आयोजनाका रुपमा लिइएको बहुतले भवनको ठेक्कामै विवाद सिर्जना भएपछि सरकार विवादमा तानिएको छ। यसअघि मुख्यमन्त्री केसीकै उपस्थितिमा प्राधिकरणको ८ फागुन २०७८ को निर्णयअनुसार आह्वान भएको टेण्डर सेटिङमा भएको भन्दै चौतर्फी आलोचना भएपछि ठेक्का नै रद्द भएको थियो। उक्त ठेक्का रद्द भएपछि भवनका लागि असार ९ गते मूल्य अभिवृद्धि करसहित ६ अर्ब ७० करोड लागतको भवन बनाउन टेण्डर आह्वान गरेको थियो। 

जबकी यसअघि प्रदेश पूर्वाधार विकास प्राधिकरणले ६ अर्ब ५९ करोडमा अस्पतालको भवन निर्माण ठेक्काको सम्झौता गरेकोमा मिलेमतो भएको सार्वजनिक खरिद अनुगमन कार्यालयले ठहर गरेको थियो। अघिल्लो पटक नै करिब साँढे ६ अर्बको लागत र टेन्डरमा निश्चित निर्माण कम्पनीले पाउने प्रावधान राखेको भन्दै निर्माण व्यवसायीले विरोध गरेका थिए। 

यसपटक पनि ‘स्पेसिफिकेशन’ मा मिलेमतो भएको निर्माण व्यवसायीको आशंकालाई सार्वजनिक खरिद अनुगमन कार्यालयले मिलेमता रहेको आशंका पुष्टि गरेपछि फेरि विवादमा आएको हो। निर्माण व्यवसायीहरुले साँढे २ अर्बभन्दा बढी लागत लाग्‍ने गरी टेन्डर निकालेको आरोप लगाएका छन्। तर,  प्राधिकरणका प्रमुख कार्यकारी अधिकृत (सीईओ) छवीराज पोखरेले अस्पताल भवनको ठेक्कामा मिलेमतो नभएको दाबी गरेका छन्। उनले सार्वजनिक खरिद अनुगमन कार्यालयले समेत अभिभावकीय भूमिका निर्वाह गर्न नसकेको बताए। 

प्राधिकरणका प्रमुख कार्यकारी अधिकृत अनन्तराज घिमिरेले २०७८ चैत १४ गते खरिद प्रक्रिया रद्द गर्दै राजीनामा दिएका थिए। विवादित ठेक्का रद्द भएपछि प्रदेश सरकारले गठन गरेको छानबिन समितिले प्राधिकरणका तत्कालीन सीईओ घिमिरेमाथि दोष थोपरेर प्रतिवेदन ल्याएको थियो। त्यसपछि २०७८ चैत २५ गतेको मन्त्रिपरिषद बैठकको निर्णयले प्राधिकरणको प्रमुख कार्यकारी निर्देशकमा प्यूठानका छविलाल पोखरेललाई नियुक्त गरेको थियो। 


प्रकाशित: August 11, 2022 | 20:25:07 काठमाडौं, बिहीबार, साउन २६, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
लुम्बिनी

बर्दियाको गुलरीयामा बाढी पस्‍यो, ५० भन्दा बढी घरहरु डुबान

बर्दीयाको सदरमुका गुलरीया-५ मा बबई नदीको बाढी पस्दा ५० भन्दा बढी घरहरु डुबानमा परेका छन्। मंगलबार रातिदेखि परेको अविरल वर्षाले बबई नदीको बाढी गुलरिया-५ वालापुरमा पसेको हो।
नेपाल समय
लुम्बिनी

खोलाले बगाउँदा दाङमा एकजना वेपत्ता

खोलाले बगाउँदा दाङमा एकजना वेपत्ता भएका छन्।
नेपाल समय
लुम्बिनी

लमहीको अर्जुनखोलामा पौडी खेल्ने क्रममा डुबेर दुई बालकको मृत्यु

दाङमा डुबेर दुईजनाको मृत्यु भएको छ।
नेपाल समय
लुम्बिनी

निःशुल्क बिजुली बसले लुम्बिनीमा पर्यटकलाई सहज

लुम्बिनी विकास कोषले दसैंको अवसर पारेर डेढ वर्षअघि लुम्बिनीमा ल्याएका बिजुली बसको यान्त्रिक परीक्षणका लागि निःशुल्क बस सञ्चालन भएपछि पर्यटकहरुले लाभ लिएका छन्।
नेपाल समय
लुम्बिनी

लुम्बिनीमा विद्युतीय गाडी सञ्चालन

लुम्बिनी विकास कोषका उपाध्यक्ष भिक्षु मेत्तय, रूपन्देहीका प्रमुख जिल्ला अधिकारी भरतमणि पाण्डे, कोषाध्यक्ष सिद्विचरण भट्टराईले शुभारम्भ गरेका छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना