आइतबार, असोज १६, २०७९

बागेश्वरीको जग्गा हडप्न जनप्रतिनिधिकै मिलीभगत

नवीन अभिलाषी  |  काठमाडौं, बुधबार, साउन २५, २०७९

नवीन अभिलाषी

नवीन अभिलाषी

बुधबार, साउन २५, २०७९, काठमाडौं

नेपाल समय
बागेश्वरी बाल उद्यानको थ्रीडी स्केच।

नेपालगञ्ज- देशकै प्रसिद्ध शक्तिपीठ बागेश्वरीको झन्डै ८४ बिघा जग्गा व्यक्तिको नाममा छ। त्यो जग्गा फिर्ता गर्ने सरकारको कोसिस छ तर अहिलेसम्म सम्भव देखिएको छैन।

अर्कोतर्फ मन्दिर परिसरमा रहेको पाँच कठ्ठा जग्गा पनि पटक–पटक व्यापारी तथा बिचौलियाको आँखामा पर्ने गरेको छ। 

बागेश्वरी मन्दिर परिसरमा रहेको जग्गा विभिन्न प्रयोजनका लागि भन्दै हत्याउनेहरूले एकपछि अर्को दाउ खेलिरहेका छन्। नेपालगञ्जको न्यूरोड अर्थात् पूर्वी मोहडा फर्किएको ५.५ कठ्ठा जग्गा व्यावसायिक प्रयोजनका लागि भन्दै विभिन्न समय संरचना बनाउन खोज्ने गरेको पाइएको छ। 

मन्दिरको जग्गा जनप्रतिनिधिबाटै जोखिममा पर्ने देखिएको छ। यसअघि २०७२ मा तत्कालीन नगरप्रमुख डा. धबलशमशेर राणाले सपिङ कम्प्लेक्स निर्माण गर्न खोजेका थिए। तर राणाको योजना बाहिर आएपछि त्यो समय चौतर्फी विवाद मात्र भएन, अदालतमा मुद्दासमेत परेको थियो। २४ जेठ २०७२ मा तत्कालीन पुनरावेदन अदालतका मुख्य न्यायाधीश बमबहादुर श्रेष्ठ र न्यायाधीश केशवराज जोशीको संयुक्त इजलासले सपिङ कम्प्लेक्सको स्थानमा बाल उद्यान निर्माण गर्न नेपालगञ्ज उपमहानगरको नाममा निर्देशनात्मक आदेश जारी गरेको थियो।

बाल उद्यान निर्माणका लागि निवेदकले नै माग गरेका थिए। अदालतको आदेशपछि राणाको व्यापारिक प्रयोजनका लागि सपिङ कम्प्लेक्स बनाउने योजना तुहिएको थियो। 

तर नयाँ जनप्रतिनिधिले समेत त्यही जग्गामा आँखा लगाएको भन्दै उपमहानगरका सामाजिक अभियान्ताहरूले असन्तुष्टि जनाएका छन्। राणापछि मेयर बनेका प्रशान्त विष्टले अदालतकै आदेश भन्दै व्यापारिक प्रयोजनकै लागि विभिन्न संरचना बनाउने उद्देश्यले हतार–हतारमा शिलान्याससमेत गर्न भ्याए। 

बागेश्वरी संरचना शिलान्यास।

करिब ६ करोड रुपैयाँ लागत अनुमान गरी खाली जग्गामा बाल उद्यान बनाउने नाममा प्रमुख विष्टले विशुद्ध व्यापारिक प्रयोजनका लागि दुई तले रेस्टुराँ र पूर्वी मोहडामा सटर निकाल्ने गरी योजना बनाएका थिए। केही समयअघि उनले नै संरचना निर्माणको शिलान्याससमेत गरे।

गत ५ पुसभित्र निर्माण सम्पन्न गर्ने गरी १ करोड ८२ लाख रुपैयाँमा उच्चकोटि गोरखनाथ बजरंग जेभीले निर्माण जिम्मा पाएको बुझिएको छ।

शिलान्यासको खबर बाहिरिएपछि जिल्लाका सरोकारवालाले दबाब दिएपछि निर्माण कार्य भने रोकिएको छ। रेस्टुराँका लागि पहिलो चरणमा दुई तले अत्याधुनिक भवनसँगै व्यावसायिक प्रयोजनका सटर बनाउन लागिएकाले त्यसलाई रोक्न दबाब दिएको विकासका लागि नागरिक समाज सरोकार समिति संयोजक कृष्णकुमार श्रेष्ठ बताउँछन्। 

नागरिक समाजका अगुवाले उपमहानगरमै पुगेर निर्माण कार्य तत्काल रोकी छलफल थाल्न आग्रह गरेको श्रेष्ठले बताए। ‘प्रसिद्ध शक्तिपीठ बागेश्वरी क्षेत्रमा धार्मिक सरोकारका अति अनिवार्यबाहेकका संरचना निर्माणमा रोक लगाउन माग गरेका छौं,’ श्रेष्ठले भने, ‘नेपालगञ्ज सहरको भित्री क्षेत्रमा सार्वजनिक खाली जग्गा छैनन्। भोलिका दिनमा मन्दिरकै लागि पनि विभिन्न अवसरमा यस्तो जग्गा आवश्यक छ।’

बागेश्वरीको जग्गाबारे छलफल गर्दै सरोकारवाला।
मन्दिरको सौन्दर्यलाई हानि पुर्‍याउने गरी भए-गरेका संरचना हटाउनसमेत माग गरेको बागेश्वरी मन्दिरको शोध अनुसन्धान गर्दै आएका संस्कृतिविद् डा. राजकुमार सुवेदीले बताए। ‘मन्दिरको सौन्दर्यमा क्षति पुग्ने गरी पटक– पटक विवादास्पद निर्माणको काम हुने गरेको छ। यस्ता काम जनप्रतिधिनिबाटै भइरहेका छन्, यो दुःखको कुरा हो।’ 

मन्दिरको सानो खाली ठाउँ पनि संरक्षण गर्न समस्या हुन थालेपछि सरोकारवालाले मन्दिरको गुरुयोजनाअनुसार संरचना निर्माण गर्न आग्रह गरेका छन्। तर गुरुयोजनामा के छ भन्नेबारे कसैलाई थाहा छैन। ‘हामीले गुरुयोजनाअनुसार निर्माण गर्नुपर्छ भनेका छौं तर त्यो गुरुयोजना कस्तो छ भन्नेबारे हामीलाई नै थाहा छैन,’ नागरिक समिति संयोजक श्रेष्ठले भने, ‘त्यसैले उपमहानगरलाई हामीले त्यो गुरुयोजना सार्वजनिक गर्न आग्रह गरेका छौं।’

नागरिक अगुवाको दबाबपछि आइतबारबाट सुरु भएको संरचना निर्माण रोक्न निर्देशन दिइएको नगरका कार्यवाहक प्रमुख कमरुद्दिन राईले जानकारी दिए। ‘तत्कालका लागि निर्माणका सम्पूर्ण गतिविधि रोकिएका छन्,’ राईले भने, ‘यस विषयमा थप छलफल आवश्यक देखिएको छ। छलफल पनि भइरहेको छ। छिट्टै टुंगो लाग्छ।’ निर्माणका लागि कानुनी प्रक्रियामा गइसकेकाले यसका जटिलताबारे पनि सोच्नुपर्ने कार्यवाहक नगरप्रमुखको भनाइ छ। 

बागेश्वरी मन्दिरको पूर्वतर्फको खाली जग्गा सि.नं. ०३५१४५००७ को कित्ता नम्बर २ मा १ कठ्ठा २ धुर र कित्ता नम्बर ३ मा ३ कठ्ठा १ धुर जग्गा छ। सि.नं. ०३५१४५००२ को कित्ता नम्बर २१ मा ५ कठ्ठा ९ धुर जग्गामा उपमहानगरले संरचना बनाउन खोजेको छ। सो जमिनमा बाल उद्यान निर्माण र बाँकी ४ कठ्ठा ३ धुर जग्गामा पार्किङ र शाकाहारी भोजनालयका लागि काम गर्ने योजना रहेको उपमहानगरले बताएको छ। 


प्रकाशित: August 10, 2022 | 14:40:00 काठमाडौं, बुधबार, साउन २५, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
लुम्बिनी

निःशुल्क बिजुली बसले लुम्बिनीमा पर्यटकलाई सहज

लुम्बिनी विकास कोषले दसैंको अवसर पारेर डेढ वर्षअघि लुम्बिनीमा ल्याएका बिजुली बसको यान्त्रिक परीक्षणका लागि निःशुल्क बस सञ्चालन भएपछि पर्यटकहरुले लाभ लिएका छन्।
नेपाल समय
लुम्बिनी

लुम्बिनीमा विद्युतीय गाडी सञ्चालन

लुम्बिनी विकास कोषका उपाध्यक्ष भिक्षु मेत्तय, रूपन्देहीका प्रमुख जिल्ला अधिकारी भरतमणि पाण्डे, कोषाध्यक्ष सिद्विचरण भट्टराईले शुभारम्भ गरेका छन्।
नेपाल समय
लुम्बिनी

बुटवलको आम्दा अस्पतालमा २ सय बेड थप्न त्रिपक्षीय समझदारी

एसोसिएसन अफ मेडिकल डक्टर्स अफ एसिया (आम्दा) इन्टरनेसनलका अध्यक्ष सिगेरू सुगानामीको उपस्थितिमा बसेको अस्पताल सञ्चालक समितिको बैठकले अस्पतालको स्तरोन्नति गर्ने निर्णय गरेको हो।
नेपाल समय
लुम्बिनी

दसैं मनाउन स्वदेश फर्किए मुग्लान पसेकाहरू

भारतसँग साँधसीमा जोडिएका पश्चिम नेपालका दार्चुलाको धार्चुला, बैतडीको झुलाघाट, कञ्चनपुरको गड्डाचौकी, कैलालीको त्रिनगर–गौरीफन्टा र बाँकेको जमुनाह नाकाबाट दसैं मनाउन स्वदेश फर्किने नेपालीको भीड बढेको छ।
नेपाल समय
लुम्बिनी

लुम्बिनीमा आचार संहिता लागू भएपछि निवर्तमान सांसदलाई सम्मान, एमालेले बहिष्कार गर्ने

स्थायी राजधानीमा रातारात सामान ओसारेर आलोचित लुम्बिनी प्रदेशसभाले निर्वाचन आचार संहिता लागू भएपछि सम्मान र शुभकामना आदान प्रदान कार्यक्रम गर्न लागेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना