बिहीबार, भदौ २, २०७९

भत्केको सडक : जिम्मेवारी पन्छाउन 'हाकिम'को होड, चर्काचर्कीपछि मेयरको चेतावनी

विनोद परियार  |  काठमाडौं, शुक्रबार, साउन २०, २०७९

विनोद परियार

विनोद परियार

शुक्रबार, साउन २०, २०७९, काठमाडौं

नेपाल समय

बुटवल- बुटवल उपमहानगरपालिकाले विकास निर्माणका काममा ढिलासुस्ती भएपछि विभिन्न सरकारी निकायलाई एकै थलोमा राखेर छलफल गरेको छ। बुटवल उपमहानगरका नगरप्रमुख खेलराज पाण्डेले शुक्रबार रुपन्देहीका प्रमुख जिल्ला अधिकारी सहित बुटवलका सरकारी कार्यालयका प्रमुखहरुलाई डाकेर बुटवलको सडक निर्माणमा भइरहेको ढिलासुस्तीबारे कार्यालय प्रमुखहरुसँग छलफल गरेका हुन्। तर, छलफलमा कार्यालय प्रमुखहरुले एकले अर्कोलाई आरोप प्रत्यारोप लगाएका छन्।

बुटवलको सिक्सलेन सडक समयमा पूरा नभएपछि जनप्रतिनिधिको आलोचना बढ्दै गएको छ। वर्षासँगै बुटवलको सडक खाल्डाखुल्डीले हिँडिसाध्य छैन। यही विषयले चिन्तित तुल्याएपछि नगरप्रमुख पाण्डेले शुक्रबार समस्याको चुरो पत्ता लगाउन छलफल राखेका थिए। तर, कार्यालय प्रमुखहरुले एकले अर्कोलाई आरोप लगाउँदै जिम्मेवारीबाट पन्छिएका छन्।

सडक डिभिजन कार्यालय बुटवलका प्रमुख जयलाल मरासिनीले विद्युत प्राधिकरणका कारण सडक निर्माण ढिलाई भएको बताए। उनले विद्युत प्राधिकरणले बिजुलीको पोल नहटाएकाले नाली निर्माणमा ढिलाइ भएको तर्क गरे।

मरासिनीले नाली निर्माणमा विद्युत प्राधिकरणलाई दोष थोपरेपछि विद्युत प्राधिकरण बुटवल वितरण केन्द्रका  प्रमुख सुरेश कुमार महतोले जवाफ दिँदै भने, ‘नाली निर्माण पूरा नहुँदा पोल गाड्न समस्या भएको छ, पहिला त्यो काम हुनासाथ हुन्छ।’

मरासिनीले बेलहिया–बुटवल व्यापारिक मार्ग विस्तार आयोजनातर्फ नै प्रश्न तेस्याउँदै नाली निर्माण गर्न आग्रह गरे। मरासिनी र महतोको कुरा एक आपसमा बाजिएको मात्रै छैन, गैरजिम्मेवार पनि। महतोले आयोजना तर्फ प्रश्न तेर्स्याएपछि बुटवल-बेलहिया व्यापार मार्ग विस्तार आयोजनाका प्रमुख दीपक कुमार झाले जवाफ दिने पालो आयो। झाले फेरि भने विद्युत प्राधिकरणले पोल नहटाउँदा नली निर्माण हुन सकेन।

घुमाइफिराई यी तीन कार्यालयका बीचमा आरोपप्रत्यारोप चलिरह्यो। समस्याको चुरो पत्ता लगाउन छलफल डाकेका बुटवल उप महानगरपालिकाका नगर प्रमुख खेलराज पाण्डेयले कार्यालय प्रमुख नै एक आपसमा बाझाबाझ गरेपछि सडकको समस्या समाधान नभएमा आफू सडकमै अनसन बस्ने दिन नआओस भन्दै चेतावनी दिए।

बुटवल उपमहानगरपालिकाका प्रमुख प्रशासकीय अधिकृत टेकराज पन्थीले सरकारका लक्ष्य, उदेश्य र योजनाहरु कार्यान्वयनमा लैजाँदै सेवा प्रवाहलाई चुस्त बनाउनका लागि सरकारी कार्यालयबीच समन्वय र सहकार्य जरुरी रहेको बताए।

उनले जनताको दैनिक जीवनमा प्रभाव पार्ने खानेपानी, विद्युत, दुरसञ्चार, सडक डिभिजन र आयोजना कार्यालयहरुबीच समन्वय र सहकार्यलाई प्रभावकारी बनाउन आग्रह गरे। बुटवलको मुख्य सडक विस्तार तथा मर्मतका लागि गम्भीर रुपमा चासो दिन आयोजना कार्यालय र निर्माण कम्पनीलाई उनले आग्रह गरे।

‘बुटवल उपमहानगरपालिकाको एकल प्रयासले मात्रै बुटवल आर्थिक केन्द्र बन्न सक्दैन, यसका लागि सबै कार्यालयहरुको पनि समान खालको भूमिका आवश्यक हुन्छ,' उनले भने, ‘बुटवलको विकासका काममा सबै सरकारी कार्यालयदेखि अस्पतालसम्मको  सकारात्मक भूमिका आवश्यक पर्छ। त्यसका लागि यहाँहरुले निरन्तर समन्वय र सहकार्य राख्नुस्। बुटवल उपमहानगरपालिकाले कस्ता विषयमा समन्वय र सहकार्य गर्नुपर्छ, त्यसका लागि तत्पर छ।’

प्रमुख जिल्ला अधिकारी भरतमणि पाण्डेले आमजनताको सेवाका लागि खटिने सरकारी संयन्त्रलाई प्रभावकारी रुपमा काम गर्न आग्रह गरे। उनले जनताको दैनिकीसँग सरोकार राख्ने र अत्यावश्यक सेवा वाहका काममा गम्भीरतापूर्वक काम गर्न कार्यालय प्रमुखहरुलाई आग्रह गरे।

बुटवल उपमहानगरपालिकाका प्रमुख प्रशासकीय अधिकृत टेकराज पन्थीले सरकारका लक्ष्य, उदेश्य र योजनाहरु कार्यान्वयनमा लैजाँदै सेवा प्रवाहलाई चुस्त बनाउनका लागि सरकारी कार्यालयबीच समन्वय र सहकार्य जरुरी रहेको बताए।

छलफलमा सडक डिभिजन कार्यालय बुटवलका प्रमुख जयलाल मरासिनी, दुरसञ्चार कार्यालय बुटवलका प्रमुख नेत्रनारायण खनाल, बुटवल बेलहिया व्यापारिक मार्ग विस्तार आयोजनाका प्रमुख दीपक कुमार झा, लुम्बिनी प्रदेश ट्राफिक प्रहरी कार्यालय बुटवलका प्रहरी उपरीक्षक योगन्द्र सिंह थापा, नेपाल विद्युत प्राधिकरण बुटवल वितरण केन्द्रका प्रमुख सुरेश कुमार महतो, जनताको तटबन्ध कार्यालय फिल्ड कार्यालय बुटवलका इश्वरी प्रसाद तिवारी, मालपोत कार्यालय बुटवलका मालपोत अधिकृत घनश्याम अर्याल,  हेभी इक्युपमेन्ट डिभिजन कार्यालय बुटवलका मेकानिकल इन्जिनियर नविन घिमिरेको सहभागी थिए। यसअघि बुटवल उपमहानगरका नगरप्रमुख, उपप्रमुख र वडाअध्यक्ष सहितको टोली सडक डिभिजन, खानेपानी, विद्युत कार्यालयमा डेलिगेसन गएको थियो।


प्रकाशित: August 5, 2022 | 22:21:05 काठमाडौं, शुक्रबार, साउन २०, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

कांग्रेस केन्द्रीय समितिमा थपिँदै आठ महिला

संविधानअनुसार अहिले कांग्रेसको केन्द्रीय समितिमा महिलाको संख्या ३३ प्रतिशत नपुगेका कारण ३३ प्रतिशत पु¥याउन आठ जनालाई केन्द्रीय समितिमा मनोनयन गर्न लागिएको हो।

पञ्चायती व्यवस्थाका हार्डलाइनर मरीचमानको अविचलित राष्ट्रवाद

तीन दशक लामो पञ्चायती व्यवस्थाका अन्तिम प्रधानमन्त्री मरीचमान सिंह २०४६ को बहुदलीय व्यवस्थाका कारण राजा वीरेन्द्रबाट बर्खास्तीमा परे। त्यो समय कसैसँग नझुक्ने अडान लिएर बसेका मरीचमान भारतको नाकाबन्दी, जनआन्दोलनको उभारलगायत यिनै र यस्तै घटनाक्रमले कतै नायक बने, कतै खलनायक।

आरजुबारे देउवाको त्यो वचन तर यो प्रयास!

पार्टी सञ्चालनका सन्दर्भमा होस् वा सरकार सञ्चालनमै पनि किन नहोस्, आरजु हावी भइरहेकी छन्। यसलाई राजनीतिक जानकारहरुले देउवाको उत्तराधिकारी हुने प्रयासका रुपमा बुझेको देखिन्छ।

प्रचण्डसामु बाबुरामको 'बाध्यात्मक शरण'

सात वर्षअघि माओवादी विचारधाराको औचित्य समाप्त भएको घोषणा गरेर कम्युनिस्ट विचारधारा पूर्ण रूपमा त्यागेको बताएका बाबुराम नयाँ पार्टी खोलेर पनि राजनीति उँभो लाग्ने छनक नदेखिएपछि प्रचण्डतिरै लहसिनुपर्ने बाध्यतामा पुगेका छन्।

२०७४ मा जसले जिताए, तिनै बन्नेछन् विष्णु पौडेलको तगारो

रुपन्देहीको निर्वाचन क्षेत्र नम्बर २ बाट लगातार पछिल्ला ३ निर्वाचन जितेका विष्णु पौडेल नै एमालेबाट निर्विकल्प उम्मेदवार हुन्। पौडेलले २०६४, २०७० र २०७४ को निर्वाचनमा क्रमशः भक्ति पाण्डे, डा. बाबुराम भट्टराई र युवराज गिरीलाई हराएका थिए।

राष्ट्रपतिद्वारा नागरिकता विधेयक फिर्ता : अब के हुन्छ?

यसअघि तत्कालीन प्रधानमन्त्री केपी शर्मा ओलीले ल्याएको नागरिकता अध्यादेश भने जारी गरेकी थिइन्। असंवैधानिक रुपमा संसद् विघटन गर्दै ल्याएको नागरिकता अध्यादेश जारी गरेकी राष्ट्रपति भण्डारीले संसद्‌बाट पारित गरेको विधेयक भने फिर्ता गरेकी हुन्।

तालाबन्दी र तोडफोडले बिगारेको त्रिवि : माग एउटा, नियत अर्कै!

पछिल्लो समय भने तालाबन्दी राजनीतिक पाटोसँग भन्दा पनि लेनदेनको पाटोसँग जोडिएको उपप्राध्यापक रेशम थापा बताउँछन्। ‘पहिला राजनीतिक कारण हुन सक्थ्यो। तर, हिजोआज यो बिल्कुल आर्थिक पाटोसँग जोडिएको छ। लनेदेनको कुरा मिले ताला खुल्छ। नत्र लागिबस्छ,’ थापाले भने।

नयाँ तलबमान र ग्रेड लागू गर्ने मन्त्रिपरिषद्को निर्णय

सरकारले सबै राष्ट्र सेवक कर्मचारीहरूको नयाँ तलबमान र ग्रेड स्वीकृत गरेको छ।

यी ३२ निर्वाचन क्षेत्र, जहाँ गठबन्धनलाई पर्न सक्छ सिट बाँडफाँटमा सकस

२०७४ मा बाम गठबन्धन बनाएर संघीय सांसद भएकाहरू दल बदल र पाँच दलीय गठबन्धनभित्र समेटिएपछि आउँदो चुनावमा कांग्रेसका आकांक्षी उम्मेदवार र सत्ता साझेदार दलका नेताहरू आ–आफ्नो दाबीसहित टिकटका लागि दौडधुप गर्दै छन्।

यी कांग्रेस नेता जो अहिले गुमनाम छन्

गुमनाम नेताको अग्रपंक्तिमा छन्- पूर्वमहामन्त्री तारानाथ रानाभाट, केबी गुरुङ, पूर्वमन्त्री बलदेब शर्मा मजगैया, विनयध्वज चन्द।

थप समाचार

नेपाल समय
लुम्बिनी

रुपन्देही उद्योग संघले स्थापना गर्‍यो रोजगार सूचना केन्द्र

लुम्बिनी प्रदेश सरकार उद्योग, वाणिज्य तथा आपूर्ति मन्त्रालय, बुटवल उपमहानगरपालिकासँगको सहकार्यमा सूचना केन्द्र स्थापना गरिएको हो।
नेपाल समय
लुम्बिनी

रुपन्देही उद्योग संघद्वारा रोजगार सूचना केन्द्र स्थापना

लुम्बिनी प्रदेश सरकार उद्योग, वाणिज्य तथा आपूर्ति मन्त्रालय, बुटवल उपमहानगरपालिकासँगको सहकार्यमा सूचना केन्द्र स्थापना गरिएको हो।
नेपाल समय
लुम्बिनी

स्वास्थ्य सेवाको 'हब' नेपालगञ्जमा बढ्दैछ मातृ मृत्युदर

बाँकेको नेपालगञ्ज सिंगो पश्चिम नेपालको स्वास्थ्य उपचारका लागि हब मानिन्छ। बाँके आफैंमा पनि सुगम जिल्ला हो। यातायातको हिसाबले कुनै त्यस्तो गाउँ छैन जहाँ सडक नपुगेको होस्, सवारीका साधनहरु नपुगेको होस्। तर यही सुगम क्षेत्रका सुत्केरीहरुले अकालमै मृत्युवरण गर्नुपरेका थुप्रै उदाहरण छन्।
नेपाल समय
लुम्बिनी

लुम्बिनी अस्पतालमा बन्‍यो १५० शय्याको छुट्टै प्रसूति भवन

कार्यक्रममा बोल्दै सहरी विकास मन्त्री मेटमणी चौधरीले प्रसूति भवनले बुटवल र यसआपासका बिरामीहरुलाई ठूलो राहात पुग्‍ने बताए। उनले भवनको अधिकतम उपयोग गर्न अस्पताललाई आग्रह गरे। अस्पतालले बिरामीहरुलाई सहज रुपमा सर्वसुलभ र गुणस्तरीय सेवा दिनुपर्ने मन्त्री चौधरीले बताए ।
नेपाल समय
लुम्बिनी

पत्रकार पोखरेलको बुटवलमा अन्त्येष्टि

पञ्चायतकालबाटै पत्रकारितामा सक्रिय प्रेस स्वतन्त्रता सेनानी वरिष्ठ पत्रकार वसन्त पोखरेलको ६८ वर्षको उमेरमा निधन भएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना