सोमबार, साउन २३, २०७९

बुटवल उपमहानगरले नदीजन्य पदार्थ आफैं उत्खनन गरी बिक्री गर्ने

नेपाल समय  |  काठमाडौं, बुधबार, असार ८, २०७९

नेपाल समय

नेपाल समय

बुधबार, असार ८, २०७९, काठमाडौं

नेपाल समय

बुटवल- बुटवल उपमहानगरले आन्तरिक स्रोत वृद्धि गर्न लागि नदीजन्य पदार्थको उत्खनन आफैंले गर्ने नीति अगाडि सारेको छ। बुधबार नगरप्रमुख खेलराज पाण्डेले आर्थिक वर्ष ०७९-८० को नीति तथा कार्यक्रम सार्वजनिक गर्दै आफैंले उत्खनन गरी भण्डार गर्ने र आवश्यकता अनुसार बिक्री गर्ने व्यवस्था मिलाउने घोषणा गरेका हुन्। 

नदीजन्य पदार्थको अनावश्यक उत्खनन र दोहन रोकेर स्रोत वृद्धि गर्न उपमहानगर आफैंले उत्खनन गर्ने नीति अगाडि सारेको नगरप्रमुख पाण्डेद्वारा प्रस्तुत नीति कार्यक्रममा उल्लेख छ।

नदीजन्य पदार्थ, माटो, वनजन्यलगायतका प्राकृतिक स्रोतको अधिकतम उपयोग गर्ने नीतिसमेत लिएको छ। आवश्यकता अनुसार वातावरणीय प्रभाव-परीक्षण गर्ने समेत पाण्डेले बताए। बुटवल उपमहानगरले तिनाउ, सुखौरा खोला र दानव नदी क्षेत्रबाट नदीजन्य पदार्थको उत्खनन गर्दै आएको छ। 

आर्थिक विकासको गतिलाई निरन्तरता दिँदै उपलब्ध श्रोत साधन, क्षमता र अवसरको उच्चतम परिचालन गरी रोजगारीको अवसर सिर्जना गर्ने उद्देश्यसहितको नीति तथा कार्यक्रम प्रस्तुत गरेका हुन्।

'एक वडा एक पहिचान', नगर अस्पताल निर्माण, स्पोर्टस् जोन निर्माणजस्ता नीति अघि सार्दै सामाजिक, आर्थिक र भौतिक पूर्वाधार विकासमार्फत नगरबासीको जीवनस्तर माथि उकास्‍न संघ र प्रदेश सरकारसँग समन्वय र सहकार्यलाई जोड दिने भनेको छ।

नीति तथा कार्यक्रम प्रस्तुत गर्दै पाण्डेले बेरोजगारी घटाउने, स्वरोजगारमा वृद्धि गर्ने, सिप सिकाउने र उद्यम विकास गर्न गृहणी महिलालाई उत्पादनसँग जोड्ने गरी सिप विकास कार्यक्रम सञ्चालन गर्ने, श्रम बैंक र श्रम डेस्क सञ्‍चाल गरी श्रमिकहरुलाई रोजगारी र सामाजिक सुरक्षा कोषमा आबद्ध गर्ने नीति लिएको बताए। 

बुटवललाई देशकै प्रमुख आर्थिक केन्द्र निर्माण गर्नका लागि लगानी सम्मेलन गरी बुटवलमा लगानीकर्तालाई आकर्षण गर्ने प्रमुख पाण्डेले बताए। बुटवल उपमहानगरले सबै किसिमका भुक्तानीहरु अनलाइन प्रणालीबाट गर्ने नीति लिएको छ।

ज्योतिनगर पहिरोको अल्पकालीन र दीर्घकालीन व्यवस्थापन गरी पहिरो क्षेत्रलाई आगामी दिनमा लुम्बिनी प्रदेश सरकारसँग समन्वय गरी गौरवको योजना लागु गर्ने नीति कार्यक्रममा उल्लेख छ। कृषि विकासमा के पाइन्छ होइन के चाहिन्छ नीति अवलम्बन गर्ने उपमहानगरको योजना छ।

यस्तै, पत्रकारिता अनुसन्धान केन्द्र तथा सञ्‍चारग्राम स्थापनाको पहल, मिडिया हाउस सञ्चालनका लागि सहयोग, उपकरण खरिदमा अनुदान, स्वास्थ्य बीमा कार्यक्रम, स्व. सूर्य प्रसाद प्रधानको स्मृतिमा विकास पत्रकारिता पुरस्कार स्थापना, आर्थिक पत्रकारिता पुरस्कार स्थापना गर्ने नीति तथा कार्यक्रममा उल्लेख छ।

यस्तै बुटवलको राजमार्ग चौराहादेखि चिडियाखोला र बेलबास-बेथरी सडक यथाशीघ्र निर्माण र मर्मत गर्न पहल गर्ने, बुटवल वडा नं १४ देखि १९ (मोतिपुर सेमलार क्षेत्र) सम्मलाई कृषि, पशुपालन, आधुनिक बसोबासको क्षेत्रका रुपमा विकास गर्दै ग्रिनसिटीमा रुपान्तरण गर्ने उल्लेख छ।

यस्तै पुरानो बुटवललाई पुरातात्विक, ऐतिहासिक तथा पर्यटकीय सहरको क्षेत्रका रुपमा विकास गर्ने, बुटवल मण्डपलाई गिरिजाप्रसाद कोइराला बुटवल मण्डप नामाकरण गरिने र मेयर भौतिक पूर्वाधार एम्बुलेन्स सञ्‍चालन गर्ने पनि नीति तथा कार्यक्रममा उल्लेख छ।

बुटवल १५ मा २ अर्ब लागतको अत्याधुनिक थोक कृषि बजार, बुटवल ७ मा प्रादेशिक बसपार्क निर्माण, बुटवल-१६ कर्साघाटमा शवदाह स्थल, बुटवल १ देखि नुवाकोटसम्म पैदलमार्ग निर्माण, नगरमा भएका स्वास्थ्य संस्थाको स्तरोन्‍नति, सबै वडामा स्वास्थ्य संस्था स्थापना र १५ बेडको सुविधा सम्पन्‍न नगर अस्पताल सञ्‍चालन गर्न प्रक्रिया अघि बढाइने उल्लेख छ।

बुटवलमा लामो समयदेखि समस्याको रुपमा रहेको सुकुम्बासी तथा अव्यवस्थित समस्या समाधानका लागि अल्पकालीन व्यवस्थाका रुपमा बसोबासको प्रमाणपत्र वितरण गर्ने र राष्ट्रिय भूमि आयोगसँग समन्वय गरी जग्गा नापजाँच गरी लालपुर्जा वितरणको काम अगाडि बढाउने नगरप्रमुख पाण्डेले बताए।

बुटवल मण्डपलाई राष्ट्रकै गौरवको क्षेत्रको रुपमा विकास गर्दै गिरिजा प्रसाद कोइराला बुटवल मण्डप नामाकरण गरिने नीति कार्यक्रममा उल्लेख छ। बुटवल-७ मा प्रादेशिक बसपार्क निर्माण, बुटवल-१६ कर्साघाटमा धार्मिक संघसंस्था समेतसँगको सहकार्यमा शवदाह स्थल सिनर्माण, बुटवल-१ देखि नुवाकोटसम्म पैदलमार्ग निर्माण गरिने उल्लेख छ। लैंगिक, जातीय, क्षेत्रिय, धार्मिक, भाषिक साँस्कृतिक आर्थिक जस्ता विेभद निषेध गर्ने नीति उपमहानगरले लिएको छ।


प्रकाशित: June 22, 2022 | 18:51:03 काठमाडौं, बुधबार, असार ८, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

प्रकाशमानले भने- फर्स्ट म्यान बनेर देशको विकास गर्ने चाहना छ

नेपाली कांग्रेसका नेता प्रकाशमान सिंहले प्रधानमन्त्री बनेर नेपालको विकास गर्ने चाहना प्रकट गरेका छन्।

कथा, किंवदन्ती र रीतिरिवाजको संयोजन रातो मच्छिन्द्रनाथलाई आँखैअगाडि कोर्दा...

रातो मच्छिन्द्रनाथको रथ निर्माणलाई प्रत्यक्ष हेरेरै १९ वटा चित्र कोरेकी सुशीलाले १६ चित्र भने १६ दिन लगातार बनाएकी थिइन्। उडान सीमाभन्दा बाहिर शीर्षक दिएर उनका चित्रलाई गत १७ जुलाईबाट म्युजियम अफ नेपाली आर्टले प्रदर्शनीमा ल्याएको छ।

नुवाकोटको बेलकोटगढी केन्द्र बनाएर ५.३ म्याग्‍निच्युडको भूकम्प

शनिबार बिहान ५ बजेर २६ मिनेटमा नुवाकोटको बेलकोटगढी केन्द्र बनाएर भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ। भूकम्पको धक्का काठमाडौं र आसपासका क्षेत्रमा समेत महसुस गरिएको थियो।

काठमाडौं उपत्यकामा भूकम्पको धक्का महसुस

काठमाडौं उपत्यकामा भूकम्पको धक्का महसुस भएको छ।

जनकपुरका पूर्वमेयर र पूर्वउपमेयरबाट ७ लाख क्षतिपूर्ति भराउन अदालतको आदेश

जनकपुरधाम उपमहानगरपालिकाका निवर्तमान मेयर लालकिशोर साह र उपप्रमुख रीताकुमारी मिश्रलाई स्थानीय एक व्यक्तिको घर भत्काएको विषयमा ७ लाख रुपैयाँ क्षतिपूर्ति उपलब्ध गराउन उच्च अदालत जनकपुरले आदेश गरेको छ।

४५ दिनमा सकिएको थियो पहिलो प्रतिनिधिसभा निर्वाचन, नेकपाले ल्याएको थियो ४ सिट

विसं २०१५ फागुन ७ गते प्रारम्भ भई विभिन्न चरणमा सम्पन्न भएको प्रतिनिधिसभाको आम निर्वाचन चैत २८ गतेसम्म ४५ दिनमा पूरा भएको थियो।

प्राध्यापक लोकराज बराल भन्छन्ः दोस्रो पुस्ताले शेरबहादुर, केपी ओली र प्रचण्डलाई रिप्लेस गर्नुपर्छ [अन्तर्वार्ता]

अहिलेको राजनीति दोस्रो पुस्ताका नेताहरूले सुधार्न अबको निर्वाचन (पार्टीको आन्तरिक र आमनिर्वाचन) मा एकदमै शक्तिशाली भएर आउनुपर्छ।

कोरोना उपचारका लागि टेकु पुगेका बिरामीलाई फिर्ता पठाउँदै अस्पताल

अस्पतालमा आएका बिरामीलाई फिर्ता नपठाइ उपचार गर्‍यो। देशभरका अस्तपालहरुले अक्सिजनको अभावका कारण बिरामीलाई अन्य अस्पतालमा रेफर गरिरहँदा टेकु अस्पतालले भने अस्पतालको प्रांगणमा राखेरै पनि उपचार गर्‍यो। नेपालमा कोरोनाको पहिलो र दोस्रो संक्रमितको टेकु अस्पतालमा नै उपचार भएको थियो।

परिवार वधको डरलाग्दो शृंखला: किन बढ्दैछ आफ्नैबाट असुरक्षा?

सम्बन्धका कारण पति–पत्नीको हत्या वा आत्महत्या मात्र नभएर पछिल्लो समय बढ्दै गएको परिवार वधकै कारक मनोसामाजिक समस्या भएको मनोविद् गोपाल ढकाल बताउँछन्।

ताइवानमा किन नजर लगाउँछन् चीन-अमेरिका?

रणनीतिक र व्यापारिक महत्त्वका कारण दुवै देश ताइवानलाई आफ्नो नियन्त्रणमा ल्याउन प्रयासरत छन्।

थप समाचार

नेपाल समय
लुम्बिनी

स्तनपान कक्ष : कतै संरचनाविहीन, कतै प्रयोगविहीन

हरेक आमालाई आफ्ना शिशुलाई नियमितरूपमा छ महिनासम्म स्तनपान गराउन प्रेरित गर्दै एक हप्तासम्म स्तनपान सप्ताह आइतबारदेखि मनाउन सुरु गरिएको हो।
नेपाल समय
लुम्बिनी

भत्केको सडक : जिम्मेवारी पन्छाउन 'हाकिम'को होड, चर्काचर्कीपछि मेयरको चेतावनी

बुटवल उपमहानगरपालिकाले विकास निर्माणका काममा ढिलासुस्ती भएपछि विभिन्न सरकारी निकायलाई एकै थलोमा राखेर छलफल गरेको छ।
नेपाल समय
लुम्बिनी

निर्वाचन घोषणासँगै लुम्बिनीमा मन्त्री परिर्वतनको 'च्याप्टर क्लोज’

नेपाली कांग्रेस लुम्बिनी प्रदेशसभा संसदीय दलका नेता विरेन्द्र कनौडियाले साउन पहिलो साताभित्रै मन्त्रीहरु हेरफेर हुने ठोकुवा नै गरेका थिए। कनौडिया काठमाडौं बसेर सके मुख्यमन्त्री आफैं बन्‍ने नसके मन्त्रीसम्म भए पनि परिवर्तन गराउन पार्टी सभापती एवं प्रधानमन्त्री शेरबहादुर देउवालाई दबाब दिए।
नेपाल समय
लुम्बिनी

निर्वाचन घोषणा छापामार शैलीमा भयो : सुवास नेम्वाङ

नेकपा एमालेका उपाध्यक्ष सुवास नेम्वाङले गठबन्धन सरकारले छापामार शैलीमा चुनावको मिति घोषणा गरेको बताएका छन्।
नेपाल समय
लुम्बिनी

तिलोत्तमा उपप्रमुखकी बुहारी न्याय माग्दै प्रहरीमा, श्रीमान‍्ले जबरजस्ती करणी गरेको आरोप

रुपन्देहीको तिलोत्तमा-१७ की ३० वर्षीया वर्षाकुमारी चौधरीले आफ्नै श्रीमानविरुद्ध जबरजस्ती करणी गरेको भन्दै प्रहरीमा उजुरी दिएकी छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना