बिहीबार, माघ १९, २०७९

कांग्रेस महाधिवेशन : राजनीतिमै जीवन बिताएका नेताहरु महाधिवेशन प्रतिनिधिमै पराजित

विनोद परियार  |  काठमाडौं, शुक्रबार, मंसिर १०, २०७८

विनोद परियार

विनोद परियार

शुक्रबार, मंसिर १०, २०७८, काठमाडौं

नेपाल समय

बुटवल- नेपाल विद्यार्थी संघका केन्द्रीय उपसभापति मुक्तिराज पौडेलले महाधिवेशन प्रतिनिधिको नतिजा सार्वजनिकपछि सामाजिक सञ्‍जालमा स्टाटस लेख्दै भनेका छन, ‘यो निर्वाचनबाट, खटेर, कसैको काम गरेर, अहोरात्र सेवा गरेर, इमान्दारीपूर्वक राजनीतिक योगदान र समर्पणबाट मात्र पार्टीको निर्वाचनमा विजेता बन्‍न सकिँदैन भन्‍ने पूर्ण अनुभूती भएको छ।’ 

पौडेल रुपन्देहीको निर्वाचन क्षेत्र न. २ बाट केन्द्रीय महाधिवेशन प्रतिनिधिका उम्मेदवार थिए। तर, उनी पराजित भए। विद्यार्थी राजनीतिमा डेढ दशकदेखि सक्रिय पौडेलले यो पटक महाधिवेशन प्रतिनिधि जित्‍ने आशमा थिए। बुटवलमा बिरामीलाई भेट्न जाँदा फलफूलको सट्टा नगद रकम लिएर जाने अभियान सञ्‍चालन गरेर उनी चर्चामा थिए। 

लुम्बिनी प्रादेशिक अस्पतालाई सरकारी मेडिकल कलेज बनाउनुपर्नेजस्ता अभियान सञ्‍चालन गर्ने अभियन्ता समेत थिए, उनी। तर, सामाजिक र राजनीतिक रुपमा सक्रिया तीनै मुक्तिराजले बुटवलमा व्यापार-व्यवसाय गर्नेले जति पनि मत ल्याएनन्। संस्थापन समूहका उम्मेदवारका रुपमा चुनावी मैदानमा उत्रे पनि पौडेलले आफू गुटमा नलाग्‍ने बताउँदै आएका थिए। तर, पौडेल पराजति भए। बरु संस्थापनबाटै उठेका बुटवल उद्योग वाणिज्य पूर्वअध्यक्ष एंव व्यवसायी महेशमान सिंह विजयी भए। 

लुम्बिनी प्रदेशका सांसद रमा अर्याल पनि महाधिवेशन प्रतिनिधिमा पराजित भइन्।  गृहमन्त्री बालकृष्ण खाँणकै नगर तिलोत्तमाकी अर्याल क्षेत्र न. ३ मा पौडेल पक्षकी उम्मेदवार थिइन्। उनी भन्छिन, ‘गुटले गर्दा, यो स्थिति देखा परेको हो।’ उनले पार्टी नै भनेर जीवन बिताउनेहरुले हार्ने अवस्थाले पार्टीलाई दीर्घकालीन असर गर्ने बताइन्। ‘नयाँ अनुहार जो भर्खर राजनीतिमा आएको छ, जसले एकजोर जुत्ता पनि फटालेको छैन, त्यस्ताले स्थान पाउने अवस्थाले पार्टी राम्रो बन्दैन,’ उनले भनिन। उनका अनुसार अहिले गुटको राजनीति त्यसमा पनि ‘एसम्यान’ खोज्‍ने प्रवृत्तिले पनि काम गरेको हो। 

यो पटक नेपाली कांग्रेसको महाधिवेशनमा चरम गुटबन्दी हुँदा कांग्रेसको राजनीतिमा लागेका पुराना नेताहरु पराजित हुन पुगेका छन्। संस्थापन र संस्थापन इतरबाट उम्मेदवार बनेका दुबै पक्षमा जीवनभर राजनीतिमा लागेकाहरुले पराजय भोगेका छन्। त्यस्तै नेपाली कांग्रेसका पुराना नेता युवराज गिरी पराजित भए। रुपन्देही क्षेत्र न. १ बाट महाधिवेशन प्रतिनिधिका उम्मेदवार गिरी जिल्ला नेतृत्वका दाबेदार थिए। तर, उनी पराजित भएपछि सबै ढोका बन्द भए। २०७४ सालको प्रतिनिधिसभा निर्वाचनमा नेकपा एमालेका उपमहाचिव विष्णु पौडेलसँग चुनावी मैदानमा उत्रेका थिए, उनी। 

नेपाली कांग्रेसमा क्षेत्रीय अधिवेशनमा पराजित भएका कांग्रेसका पुराना नेताहरुले आफूलाई समीक्षा गर्नुपर्ने विश्लेषकहरु बताउँछन्। आन्तरिकरुपमा निर्वाचन भएर जो आए पनि त्यसलाई स्वीकार गर्नुपर्ने बताउँछन् लेखक ऋषि आजाद।

‘आफू बलियो हुने नाममा विभाजित हुँदा त्यसले यो परिणाम ल्याएको हो, अर्कोतर्फ पार्टीको सिद्धान्त, समस्या र चुनौतीबारे प्रशिक्षित गर्न पनि सकिएनछ,’ उनले भने, ‘मलाई सभापति हुन्छ भनेरै नियोजित रुपमा हराइयो।’ उनले कार्यकर्तालाई दोष दिनभन्दा पनि प्रशिक्षित गर्न नसक्दा यो परिणाम आएको बताए। ‘समायोजनका नाममा जस्ता मान्छेलाई पनि स्वागत गरियो, त्यसैको परिणाम पनि हो, व्यक्तिगत स्वार्थ पनि हाबी भयो,’ उनले भने। 

पञ्‍चायतकालमा कांग्रेसका नेताहरुलाई संरक्षण गरेका पुराना कांग्रेस नेता स्व. पुष्पानन्द गिरीका छोरा हुन्, गिरी। २०४० सालको सुरजपुरा हत्याकाण्डका पीडित परिवारसमेत हुन्, उनी। तर, कांग्रेसमा योगदान गरेको भए पनि कार्यकारी पदमा भने उनी कहिल्यै पुग्‍न पाएनन्। गृहमन्त्री तथा कांग्रेसका केन्द्रीय सदस्य बालकृष्ण खाँणको सहयात्री गिरी यो पटक महाधिवेशन प्रतिनिधिमा समेत हार व्यहोरेपछि थप पीडामा छन्। उनी अहिले देउवा पक्ष अर्थात रुपन्देहीमा खाँण पक्षमा छन्। 

नेपाली कांग्रेस रुपन्देहीका पूर्व सभापति रामचन्द्र ढकाल पनि महाधिवेशन प्रतिनिधिमा पराजित भए। जिल्ला सभापतिका दाबेदार रहेका ढकाल निर्वाचन क्षेत्र न. ३ को महाधिवेशन प्रतिनिधिमा पराजित भएका हुन्। उनको अब उम्मेदवार बन्ने सबै ढोका बन्द भएको छ। ढकाल संस्थापन इतर पौडेल समूहबाट उम्मेदवार थिए। 

त्यसो त रुपन्देहीमा कांग्रेस सभापति शेरबहादुर देउवा निकट रहेका खाँणको दबदबा छ। त्यसमा पनि रुपन्देहीको क्षेत्र न. ३ मा रहेका पौडेल पक्षका पुराना कांग्रेसका नेताहरुले पराजय भोगे। त्यसरी पराजित कांग्रेस रुपन्देहीका पूर्व उपभापति विजय शर्मा, प्रदेशसभाका उम्मेदवार हरिध्वज मल्ल, प्रदेश प्रतिनिधिमा हेमराज अर्याल पराजित भएका छन्। हेमराज नेविसंघको सभापति हुँदा गृहमन्त्री खाँण सहसचिव थिए। 

त्यसैगरि कांग्रेसमा परिचित जोगबहादुर खत्री, अल्छि गोपाल पाण्डे, गोविन्द लम्साल, सोमनाथ शर्मालगायत छन्। तर, २०७४ को निर्वाचनअघि कांग्रेस प्रवेश गरेका प्रदेशसभा सदस्य फकरुद्धिन खाँनसहितका नेताहरु भने सर्वसम्मत महाधिवेशन प्रतिनिधि भएका छन्। प्रदेशसभा सदस्य एवं लुम्बिनीका मन्त्री अष्टभूजा पाठक, पुष्पा थरुनी विजयी भएका छन्। 

जसले हारे उसले समीक्षा गर्नुपर्छ 

नेपाली कांग्रेसमा क्षेत्रीय अधिवेशनमा पराजित भएका कांग्रेसका पुराना नेताहरुले आफूलाई समीक्षा गर्नुपर्ने विश्लेषकहरु बताउँछन्। आन्तरिकरुपमा निर्वाचन भएर जो आए पनि त्यसलाई स्वीकार गर्नुपर्ने बताउँछन् लेखक ऋषि आजाद। गुटका कारणले कतिपय पुराना नेताहरु पाखा लाग्‍नु दुःखद भए पनि अब त्यहीबाट पाठ सिकेर कार्यकर्ता केन्द्रीय अभियानमा सामेल हुनुपर्ने उनको सुझाव छ।

‘सधैभरि आफैँमात्र ठिक भन्‍ने हुँदैन, सदस्यहरुको मतको कदर गर्नुपर्छ,’ उनले भने, ‘जसले जित्‍नुपर्ने हो, उहाँहरुले किन जित्‍नुभएन, यसमा गम्भीर रुपमा समिक्षा गर्नुपर्छ।’ 

उनले निर्वाचनको परिणाम स्वीकार गर्दै केन्द्रदेखिको राजनीतिक संस्कार बदल्नुपर्ने बताए। उनले राजनीतिमा कस्ता व्यक्ति ल्याउने भन्‍ने विषयमा दलहरुले सुरुबाटै चिन्ता नगर्ने, परिणाम आएपछि मात्रै दुःख मान्‍नुको अर्थ नहुने बताए। ‘समयमा सचेत हुनुपर्छ, अन्यथा राजनीति जुन बाटोमा जानुपर्ने हो, त्यता नजान पनि सक्छ,’ लेखक आजादले भने। 


प्रकाशित: November 26, 2021 | 06:19:22 काठमाडौं, शुक्रबार, मंसिर १०, २०७८

तपाईं को प्रतिक्रिया

ट्रेंडिंग

प्रमुख प्रशासकीय अधिकृतसहित ७ जनाविरुद्ध भ्रष्टाचार मुद्दा दायर

मुगुको सोरु गाउँपालिकाका तत्कालीन प्रशासकीय अधिकृत उपाध्याय, वडा नम्बर ६ का तत्कालीन वडा अध्यक्ष, सब इन्जिनियर, निर्माण उपभोक्ता समितिका अध्यक्षसहित सात जनाविरुद्ध फिल्ड निर्माण गर्ने क्रममा गलत प्रतिवेदन तयार गरेको आरोपमा मुद्दा दायर गरिएको हो।

सत्ता गठबन्धनको बेमेलले राजनीति १० पुसतिर फर्किने संकेत

सात दलीय सहमतिबमोजित नेकपा माओवादी केन्द्र र प्रधानमन्त्री प्रचण्डले रास्वपालाई गृह मन्त्रालय दिन अस्वीकार गरेपछि १० पुसमा बुनिएको बालकोटको राजनीतिक गाँठो क्रमशः खुइलिने वा फुक्लिने अवस्थामा पुगेको छ।

बालुवाटारमा प्रधानमन्त्री प्रचण्ड–ओलीबीच गठबन्धनको भविष्यबारे छलफल

नागरिकता प्रकरणमा गृहमन्त्रीबाट गलहत्याइएका लामिछानेले पुनः सोही पद पाउनुपर्ने अडान लिएपछि पछिल्लो समय गठबन्धनभित्र मतभेद बढ्दै गएको छ।

अन्ततः रविले नपाउने भए गृह मन्त्रालय

सर्वोच्च अदालतबाट लामिछानेको नागरिकतासम्बन्धी मुद्दा फैसलाको पूर्ण पाठ नआएसम्म गृह मन्त्रालयको नेतृत्व आफैंसँग राख्ने निर्णयमा प्रधानमन्त्री प्रचण्ड पुगेका हुन्।

सत्ता गठबन्धनमा टुटफुटको शृंखला, सरकार त्याग्ने रविको संकेत

प्रधानमन्त्री प्रचण्डले सत्ता साझेदार राष्ट्रिय स्वतन्त्र पार्टीको जिम्मामा परेको गृह मन्त्रालय सुम्पिन आनाकानी गरेसँगै केन्द्रमा पनि गठजोड भत्किने अवस्था आएको हो।

कति 'सेफ जोनमा' छन् रवि?

रवि लामिछाने सर्वोच्चको आदेशले वैधानिक नागरिक बने पनि जिल्ला प्रशासन कार्यालयमा राहदानीमाथिको छानबिन प्रकरण अझै नसकिएकाले राजनीतिक रुपमा 'सेफ जोनमा' छैनन्।

एकीकृत समाजवादीले प्रधानमन्त्रीलाई ज्ञापनपत्र बुझाउने

देशको आर्थिक अवस्था नाजुक भएको भन्दै एकीकृत समाजवादीले यसलाई सुधार्न प्रधानमन्त्रीको ध्यानाकर्षण गराउन लागेको हो।

सिंहदरबार ताक्ने रवि लामिछानेको योजनामा माओवादीको अवरोध

आइतबारको बालुवाटार जमघटमा एमाले अध्यक्ष केपी ओलीले गृहमन्त्रीमा लामिछानेलाई नियुक्त गर्न र गठबन्धनको मर्मअनुसार चल्न सुझाए पनि सोमबारको माओवादी पदाधिकारी बैठकले गृह मन्त्रालय नछाड्न र रविलाई गृहमन्त्री नबनाउन दबाब दिएपछि अलमलमा प्रधानमन्त्री प्रचण्ड।

प्रधानमन्त्रीलाई भेटेपछि गभर्नरसँग छलफल गरे मेयर बालेनले

निजी सम्पत्तिमा महानगरले क्षति पुर्‍याएको भन्दै आन्दोलनसमेत भइरहेको छ। यस्तो अवस्थामा मेयरले संघीय सरकारबाट हुनुपर्ने सहयोगको अपेक्षासमेत राखिरहेका छन्।

आत्मदाह प्रयास गरेका पुरुषलाई बचाउँदा घाइते भएकी महिलाको मृत्यु

पोखरा महानगरपालिका-१३ काहूँखोलामा आइतबार एक व्यापारिले आत्मदाह प्रयास गरे। घर वहालमा बसेका युवकले शरीरमा आगो लगाउन खोजेपछि घरबेटीले डेरावाल युवकलाई बचाउन खोजेकी थिइन्।

थप समाचार

नेपाल समय
लुम्बिनी

हात्तीको आतंक

बर्दियाको मधुवन नगरपालिका वडा नं. १ सूर्यपटुवामा सामुदायिक वनबाट आएका जंगली हात्तीले भत्काएको स्थानीयको घर।
नेपाल समय
लुम्बिनी

दादुरा प्रभावित क्षेत्रमा पुगे स्वास्थ्यमन्त्री

सुरुमा दादुरा देखिएको र एक बालकको मृत्यु भएको नेपालगञ्ज उपमहानगरपालिका वडा नं. ५ मा पुगेर मन्त्री गिरीले घरघरमा पुगेर बालबालिकालाई खोप लगाउन आग्रह गरे।
नेपाल समय
लुम्बिनी

लुम्बिनीका मुख्यमन्त्री गिरीले आज विश्वासको मत लिने

लुम्बिनी प्रदेशका मुख्यमन्त्री लिला गिरीले बिहीबार विश्वासको मत लिने भएका छन्।
नेपाल समय
लुम्बिनी

लुम्बिनी उपसभामुखका लागि आज चुनाव, नागरिक उन्मुक्ति पनि मैदानमा

लुम्बिनी प्रदेशको उपसभामुखका लागि आज मंगलबार निर्वाचन हुँदैछ। सभामुखमा माओवादी केन्द्रका तुलाराम घर्ती सोमबार नै निर्विरोध भइसकेका छन्।
नेपाल समय
लुम्बिनी

लुम्बिनीको सभामुखमा माओवादीका घर्ती निर्विरोध

सोमबार प्रदेशसभा सचिवालयमा उम्मेदवारी दर्ता गर्ने अन्तिम समयसम्ममा उनको मात्र उम्मेदवारी दर्ता भएपछि घर्ती निर्विरोध भएका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना