सोमबार, मंसिर १२, २०७९

लुम्बिनीमा मन्त्रालयको संख्या बढेपछि व्यवस्थापन जटिल

मन्त्री बन्‍ने टुंगो छैन, गाडी तयार, मन्त्रालय बढेपछि थपियो व्ययभार
विनोद परियार  |  काठमाडौं, सोमबार, भदौ २८, २०७८

विनोद परियार

विनोद परियार

सोमबार, भदौ २८, २०७८, काठमाडौं

नेपाल समय

बुटवल- लुम्बिनी प्रदेशमा मन्त्रालयको संख्या वृद्धि भएपछि मन्त्रालय, गाडी तथा क्वार्टर व्यवस्थापनमा सकस परेको छ। यसअघिको शंकर पोखरेल नेतृत्वको सरकारलाई उछिन्दै कुल प्रसाद केसी नेतृत्वको सरकारले मन्त्रालयको संख्या बढाएपछि व्यवस्थापन जटिल बनेको हो।

प्रदेशको स्थायी राजधानी दाङको भालुवाङ क्षेत्रलाई संसद्‌ले तोकेको छ। तर, स्थायी राजधानीमा तत्काल कुनै भौतीक संरचना छैन। अस्थायी मुकाम भएकाले सरकारले बुटवलमा कुनै पनि भौतिक पूर्वाधार निर्माणमा ध्यान दिएको छैन। तर, अस्थायी मुकाम बुटवलको विकल्प नभएपछि वृद्धि भएको मन्त्रालयका लागि कर्मचारीलाई कामचलाउ रुपमै भए पनि मन्त्रालय व्यवस्थापन गर्न जुटेका छन्।

भदौ १३ गते बसेको मन्त्रिपरिषद बैठकले मन्त्रालयको संख्या १३ बनाउने निर्णय गरेको थियो। यसअघि नौ मन्त्रालय रहेको लुम्बिनीमा चार मन्त्रालय थप भएपछि मन्त्रालय, कार्यालय र अन्य व्यवस्थापन गर्न मुख्यमन्त्री तथा मन्त्रिपरिषद कार्यालय खटिएको छ।

यसअघि पोखरेलले मुख्यमन्त्री सहित सातवटा मात्रै मन्त्रालय बनाएका थिए। उनले सुरुका तीन वर्षसम्म आर्थिक मामिला तथा योजना मन्त्रालयसमेत आफैँले सम्हालेका थिए। तर, सत्ता टिकाउन वैशाखमा मन्त्रालयको संख्या थप गरि पोखरेलले ९ मा पुर्‍याए। साउन २८ मा केसी नेतृत्वमा गठन भएको गठबन्धन सरकारले ४ वटा मन्त्रालय थपेर १३ पुर्‍याएपछि मन्त्रालयका लागि सकस परेको हो।

भौतिक पूर्वाधारका हिसाबले तत्काल नयाँ भवन खोज्‍न सम्भव नभएकाले एउटै मन्त्रालयमा दुईवटा सम्म राखेर व्यवस्थापन गर्न थालिएको मुख्यमन्त्री तथा मन्त्रिपरिषद् कार्यालयका सचिव डा. खगेन्द्र प्रसाद सुवेदीले बताए। उनका अनुसार मुख्यमन्त्री भवनको तल्लो तलामा रहेको प्रदेश योजना आयोगलाई हटाएर कानुन महिला, बालबालिका तथा ज्येष्ठ नागरिक मन्त्रालय राखिने भएको छ। यस्तै प्रदेश योजना आयोगलाई आन्तरिक मामिला तथा सञ्चार मन्त्रालयको तल्लो तलामा राखिनेछ।

यस्तै आर्थिक मामिला तथा सहकारी मन्त्रालयको भवनमा श्रम, रोजगार तथा यातायात मन्त्रालयलाई व्यवस्थापन गरिएको सचिव डा. सुवेदीले बताए। सडक डिभिजन कार्यालयभित्र दुईवटा मन्त्रालय राख्‍ने गरी तयारी भइरहेको उनले बताए। यसअघिका नौ मन्त्रालयलाई समेत भवन अपुग नै थियो। तर, एकैचोटी पूर्वाधारको व्यवस्थापन बिना नै मन्त्रालयको संख्या थपिएपछि व्यवस्थापन जटिल बनेको हो।

मन्त्री बन्‍ने टुंगो छैन, गाडी तयार



सरकार गठन भएको झन्डै एक महिना पुग्‍न लागिसक्यो। तर, मन्त्रिमण्डल विस्तार हुन सकेको छैन। अहिलेसम्म मन्त्री नियुक्त भइसकेका छैनन्। तर, मन्त्री नियुक्त हुनासाथ तुरुन्तै गाडी चाहिने भएपछि मुख्यमन्त्री कार्यालयले विभिन्‍न मन्त्रालय, निर्देशनालयहरुबाट गाडी भने तयार पारेर राखेको छ। 

अहिले मुख्यमन्त्री सहित ७ सदस्यीय मन्त्री मण्डल बनेको छ। यीमध्ये जसपाका पूमर्ती ढेंगा र सुमन शर्मा रायमाझी बिना विभागीय मन्त्री छन्। 

‘मन्त्रालयहरु व्यवस्थापन भइसकेको छ, गाडी पनि तयार छन्’ डा. सुवेदीले भने। मन्त्रीसमेत विनाविभागीय हुँदा जिम्मेवारी पूर्ण रुपमा समाल्न नपाउँदा अलमल भएको उनले बताए। मन्त्रालयको जिम्मेवारी नटुँगिदा आफूहरु अलमलमा परेको मन्त्री पूमर्ती ढेंगाले बताइन्। 

सत्तारुढ गठबन्धन नेपाली कांग्रेसका प्रमुख सचेतक फकरुद्धिन खाँनले मुख्यमन्त्रीले चाँडै मन्त्रीमण्डललाई पूर्णता दिने बताए। ‘हाम्रो तर्फबाट कुनै उल्झन छैन, एक साताभित्रमा मन्त्रिमण्डलले पूर्णता पाउँछ,’ उनले भने। उनका अनुसार नेकपा एकिकृत समाजवादीका कारण पनि सरकारको पूर्णतामा ढिलाइ भएको हो।

 व्ययभार पनि थपियो

त्यसो त सरकारले मन्त्रालयको संख्या बढाएसँगै प्रदेश सरकारको आर्थिक व्ययभार थपिने भएको छ। मन्त्रालय श्रोतका अनुसार चार मन्त्री, सचिव र सचिवालय सहित गरि सवारीसाधन खरिदका लागि मात्रै वार्षिक ८ करोडको हाराहारीमा खर्च थपिएको छ। लुम्बिनी प्रदेश सरकारको मापदण्डमा मन्त्रीले बढीमा ७५ लाख मूल्य पर्ने सवारी साधन खरिद गर्न पाउँछन्।

मन्त्रालयका सचिव थपिँदा सवारी साधन दोब्बर पनि थपिन्छन्। मन्त्रालय, सचिवालय, आवास व्यवस्थापनका लागि पनि लाखौं रकम खर्च हुन्छ। मन्त्रीका लागि ६० हजार ३ सय २० रुपैयाँ पारिश्रमिक तोकेको छ। 

सञ्चार खर्च ३ हजार र अतिथि सत्कारका लागि मासिक १० हजार रुपैयाँ छ। यसका साथै मन्त्रीका सचिवालय, सवारी चालक, इन्धनलगायत पनि थपिन्छन्। यस आधारमा एक जना मन्त्री थप मासिक कम्तीमा पनि  तीनदेखि पाँच लाखको आर्थिक व्ययभार थपिने बताइएको छ।


प्रकाशित: September 13, 2021 | 06:15:00 काठमाडौं, सोमबार, भदौ २८, २०७८

तपाईं को प्रतिक्रिया

ट्रेंडिंग

चितवनका तीन क्षेत्रमा कसको अवस्था कस्तो?

प्रतिनिधिसभामा तीनवटा निर्वाचन क्षेत्र रहेको चितवनमा तीनवटै क्षेत्रको मतगणना भइरहेको छ।

काठमाडौं-९ मा एमालेका कृष्णगोपाल श्रेष्ठ विजयी

यो एमालेको दोस्रो जित हो। यसअघि एमालेले ललितपुर २ मा जित निकालेको थियो।

गुल्मी-२ मा ठूलो मतान्तरले पछि परिन् झाँक्री

गुल्मी क्षेत्र नम्बर २ मा सत्ता गठबन्धनकी उम्मेदवार रामकुमारी झाँक्रीलाई भारी मतले पछि पार्दै नेकपा एमालेका गोकर्ण विष्टले अग्रता कायम राखेका छन्।

समानुपातिक मतमा स्वतन्त्र पार्टी तेस्रो, एमालेलाई पछ्याउँदै कांग्रेस

प्रत्यक्षतर्फ चार वटा निर्वाचन क्षेत्रको अन्तिम मतपरिणाम सार्वजनिक भएको छ भने समानुपातिकतर्फ पनि मतगणना भइरहेको छ।

गुल्मी-२ मा झाँक्रीलाई पछि पार्दै विष्टको अग्रता

आइतबार भएको निर्वाचन जारी मतगणनामा विष्ट ६७२ मतसहित अगाडि छन्।

युथ युनेस्को क्लब युएसएको इन्टरनेशनल मिडिया एडभाइजरमा बस्नेत

अमेरिकाको क्यालिफोर्नियामा युवा केन्द्रित रचनात्मक कार्यहरू सञ्चालन गर्दै आएको युथ युनेस्को क्लब युएसएले सञ्चारकर्मी मनोज बस्नेतलाई अन्तर्राष्ट्रिय सञ्चार सल्लाहकारमा मनोनयन गरेको छ।

दुई क्षेत्रमा स्वतन्त्र पार्टी अगाडि, दुई-दुईमा कांग्रेस र एमाले

काठमाडौं हिजो आइतबार सम्पन्न प्रतिनिधिसभा र प्रदेशसभाको निर्वाचन अन्तर्गत आज बिहानदेखि केही क्षेत्रमा मतगणना सुरु भएको छ।

बाजुरामा गोली लागेका एक जनाको मृत्यु

कांग्रेस र एमालेका कार्यकर्ताबीच विवाद भएपछि मतदान सकिनै लाग्दा झडप भएको हो।

जेलबाट मतदान गरेपछि रेशम चौधरीले भने– बडा मज्जा आयो

कैदीबन्दीले पनि निर्वाचनमा सहभागी हुन पाउने भएपछि उनीहरु उत्साहित भएका थिए। काठमाडौं उपत्यकामा १८२ जना कैदीबन्दी मतदान गर्न योग्य भएको निर्वाचन अयोगको तथ्यांक छ।

थप समाचार

नेपाल समय
लुम्बिनी

बाँकेमा गठबन्धनलाई धक्का: बहालवाला र पूर्वमन्त्री पराजित

देशभरिजस्तै बाँकेमा पनि मिश्रित परिणाम आए पनि एमाले निराश हुनु परेन। प्रतिनिधिसभा र प्रदेशसभा गरी नौवटा सिट रहेको बाँकेमा प्रतिनिधिसभाका तीन सिटमध्ये गठबन्धनले एउटा निर्वाचन क्षेत्र मात्रै जोगाउन सफल भयो।
नेपाल समय
लुम्बिनी

रुपन्देही-२ को मतगणना रोकियो

रुपन्देहीको प्रतिनिधिसभा निर्वाचन क्षेत्र नम्बर २ को मतगणना रोकिएको छ।
नेपाल समय
लुम्बिनी

प्रदीप ज्ञवालीलाई हराउँदै चन्द्र भण्डारी निर्वाचित

गुल्मी क्षेत्र नम्बर १ मा नेपाली कांग्रेसका उम्मेदवार चन्द्र भण्डारी विजयी भएका छन्। उनले एमालेका प्रदीप ज्ञवालीलाई पराजित गरेका हुन्।
नेपाल समय
लुम्बिनी

बाँके-२ मा राप्रपाका धवलशमशेर निर्वाचित

बाँके क्षेत्र नम्बर २ मा राष्ट्रिय प्रजातन्त्र पार्टीका डा. धवलशमशेर जबरा प्रतिनिधिसभा सदस्यमा विजयी भएका छन्। उनी २९ हजार ५७७ मतका साथ विजयी भएका हुन्।
नेपाल समय
लुम्बिनी

रूपन्देही-२ स्वतन्त्र पार्टीको सुरुवाती अग्रता, दोस्रोमा विष्णु पौडेल

रुपन्देही क्षेत्र नम्बर २ मा राष्ट्रिय स्वतन्त्र पार्टीले सुरुवाती अग्रता लिएको छ। ३ सय मत गन्दा सो पार्टीका गणेश पौडेलले १२६ मत ल्याएका छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना