बुधबार, असोज १२, २०७९

मन्त्रीमण्डलमा पूर्ववर्ती सरकारलाई उछिन्दै लुम्बिनीका मुख्यमन्त्री कुलप्रसाद

विनोद परियार  |  काठमाडौं, शनिबार, भदौ १२, २०७८

विनोद परियार

विनोद परियार

शनिबार, भदौ १२, २०७८, काठमाडौं

नेपाल समय

बुटवल– मन्त्रीका आकांक्षी धेरै भएपछि लुम्बिनी सरकारले मन्त्रालयको संख्या बढाउने तयारी गरेको छ। मुख्यमन्त्री कुलप्रसाद केसीले गठबन्धन दलमा मन्त्रीका आकांक्षी धेरै हुन थालेपछि कार्यविधि परिवर्तन गरेर मन्त्रालयको संख्या बढाउने तयारी गरेका हुन्। 

चारदलीय गठबन्धनले शंकर पोखरेल नेतृत्वको सरकार ढालेर साउन २८ मा केसीको नेतृत्वमा सरकार बनाएको थियो। मुख्यमन्त्री केसीले सरकारले विश्वासको मत लिएपछि मन्त्रीमण्डल तुरुन्तै विस्तार गरी नियुक्त भएका मन्त्रीहरुलाई समेत जिम्मेवारी दिने भनिएको थियो। तर, भदौ ७ गते विपक्षी एमालेको अवरोधका बीच विश्वासको मत लिएका केसीले एक साता हुँदासम्म पनि मन्त्रीमण्डललाई पूर्णता दिन सकेका छैनन्। गठबन्धनमा भएका नेकपा माओवादी केन्द्र र नेपाली कांग्रेसमा मन्त्रीका लागि केन्द्रीय नेतृत्वबाट दबाब दिन थालेपछि सरकारलाई मन्त्रीहरुको टुंगो लगाउन सकस परेको हो। 

मुख्यमन्त्रीमा केसीले शपथ लिएकै दिन ७ सदस्यीय मन्त्रीमण्डल बनाएका थिए। माओवादी केन्द्रका कृष्णध्वज खड्का आर्थिक मामिला तथा योजना र नेपाली कांग्रेसका डिल्ली बहादुर चौधरी ग्रामिण तथा शहरी विकास मन्त्रालयको जिम्मेवारी दिइएको छ। बाँकी जसपाका सहसराम यादव, पूरमती ढेंगा, सुमन शर्मा रायमाझी र सूूर्य चुनाव चिन्हबाट निर्वाचित स्वतन्त्र सांसद अजय शाही विना विभागीय मन्त्री भएका हुन्। 

मन्त्रीको संख्या आधा दर्जन भए पनि मन्त्रालय भने मन्त्रीविहिन छन्। कोभिडको तेस्रो लहरको जोखिम आकलन गरिरहँदा स्वास्थ्य तथा जनसंख्या मन्त्रालय मन्त्री विहिन छ। यद्यपि मुख्यमन्त्री केसीले भने अधिकांश मन्त्रालयको भारी बोकेर बसेका छन्।

यसअघि शंकर पोखरेलले सत्ता जोगाउनकै लागि गत वैशाख १९ मा मन्त्रालय फुटाएर १० बनाएका थिए। केसी नेतृत्वको सरकारले यो रेकर्ड तोड्ने तयारीमा छ। केसीले सत्ता टिकाउनकै लागि जसपाका ३ जनालाई नै मन्त्री बनाएका छन्। 

सरकारका प्रवक्ता समेत रहेका आर्थिक मामिला तथा योजना मन्त्री कृष्णध्वज खड्काले कानुनले दिएसम्मको अधिकार प्रयोग गरेर मन्त्रालय निर्माण गरिने बताए। उनले कानुनी अधिकार भन्दा बाहिर रहेर मन्त्रालय नबन्ने बताए। अब मन्त्रिपरिषद विस्तार हुँदा माओवादी केन्द्रबाट ४, नेपाली कांग्रेसबाट ४  जसपाबाट ३ जनामन्त्री हुनेछन्।  एक जना स्वतन्त्र अजय बहादुर शाही पनि विना विभागीय मन्त्री बनिसकेका छन्। यसो गर्दा मुुख्यमन्त्री सहित १३ सदस्यीय मन्त्रिमण्डल बन्ने छ।

यसमा पनि उपचुनावमा विजयी भई नेकपा माओवादी केन्द्र रोजेकी विमला कुमारी वली र अर्का एक जना गरी २ जनालाई राज्यमन्त्री बनाउँदा १५ सदस्यीय मन्त्रिमण्डल बनाउने तयारी गरिएको छ। सत्ता साझेदार दल नेपाली कांग्रेसका प्रमुख सचेतक फकरुद्धिन खानले केहि दिनमै मन्त्रीमण्डल विस्तार हुने बताए। ‘सरकारले मन्त्रालय विभाजन गर्ने तयारी गरिरहेको छ, अब सरकारले चाँडै पूर्णता पाउँछ,’ उनले भने। उनका अनुसार आन्तरिक तयारी भइरहेको छ र मन्त्रिपरिषदले कार्यविधि पारित गर्नासाथ मन्त्रीमण्डलले पूर्णता पाउने छ। 

एमाले विभाजन भएर बनेको नेकपा एकिकृत समाजवादी पार्टीमा कोही सांसद खुुलेको अवस्थामा त्यसलाई पनि सरकारमा ल्याउने गठबन्धन सरकारको तयारी छ। तर, माधव नेपाल नेतृत्वको समाजवादीमा भने प्रदेशसभाका सदस्यहरु खुलिसकेका छैनन्। आगामी १७ गते प्रदेशसभाको बैठक बस्दासम्म मन्त्रिमण्डलले पूर्णता पाउने नेकपा माओवादी केन्द्रका प्रमुख सचेतक तुलाराम घर्ती मगरले बताए। ‘मन्त्रिमण्डल विस्तार अब ढिलाइ हुँदैन, हामी तयारीमा छौं,’ उनले भने।

वैशाख १९ मा निवर्तमान मुख्यमन्त्री शंकर पोखरेलले सरकार टिकाउनकै लागि ६ सदस्यीय मन्त्रीमण्डललाई बढाएर १० बनाएका थिए। तत्कालीन जनता समाजवादीका ४ जना मध्ये ३ लाई मन्त्री र एकलाई राज्यमन्त्री बनाएपछि मन्त्रीमण्डल बढेर १० मा पुगेको थियो। त्यसअघि लामो समयदेखि मन्त्रालय रहेर पनि मुख्यमन्त्री पोखरेल आफैले आर्थिक मामिला तथा योजना मन्त्रालयको जिम्मेवारी सम्हालेर मन्त्रीमण्डल थोरै राखेका थिए। तर, सत्ता टिकाउन मुस्किल भएपछि भने एकाएक मन्त्रालयको संख्या बढेको हो। सामाजिक विकास मन्त्रालय फुटाएर स्वास्थ्य तथा जनसंख्या मन्त्रालय छुट्टै बनाइएको थियो।

यसैगरी उद्योग पर्यटन वन तथा वातावरण मन्त्रालय र भौतिक पूर्वाधार विकास मन्त्रालय दुवैको केहि कामलाई मिलाएर ग्रामिण तथा शहरी विकास मन्त्रालय थप गरिएको थियो। त्यसैगरि भौतिक पूर्वाधार मन्त्रालयमा राज्यमन्त्री समेत राखिएको थियो। अब युवा तथा खेलकुद, उद्योग र पर्यटन मन्त्रालय बनाउन सक्ने एक नेताले बताए। तर, कुन कुन मन्त्रालय बनाउने भन्नेबारेमा भने अझै टुंगो लागिसकेको छैन। 


प्रकाशित: August 28, 2021 | 17:58:24 काठमाडौं, शनिबार, भदौ १२, २०७८

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
लुम्बिनी

लुम्बिनीमा आचार संहिता लागू भएपछि निवर्तमान सांसदलाई सम्मान, एमालेले बहिष्कार गर्ने

स्थायी राजधानीमा रातारात सामान ओसारेर आलोचित लुम्बिनी प्रदेशसभाले निर्वाचन आचार संहिता लागू भएपछि सम्मान र शुभकामना आदान प्रदान कार्यक्रम गर्न लागेको छ।
नेपाल समय
लुम्बिनी

मर्चवार बदल्ने उम्मेदवारको खोजी

भनिन्छ, मर्चवारमा जसले पैसाको बिटो फाल्छ, उसैले चुनाव जित्छ।’ प्रदेश र प्रतिनिधिसभाको निर्वाचन मिति नजिकिएसँगै मर्चवारमा यस्तै चुनावी चर्चा बढ्न थालेको छ।
नेपाल समय
लुम्बिनी

लुम्बिनीका विद्युतीय गाडीको यान्त्रिक परीक्षण असोज १५ देखि

असोज १५ देखि ५ दिनसम्म अफिसियल परीक्षणसमेत हुने गरी नि:शुल्क यातायात सेवा सञ्चालन गर्ने निर्णय गरिएको कोषका कोषाध्यक्ष ढुण्डीराज भट्टराई (सिद्धिचरण) ले जानकारी दिए।
नेपाल समय
लुम्बिनी

लुम्बिनी भ्रमणमा आएका पर्यटकलाई स्वागत

४३ औं विश्व पर्यटन दिवस लुम्बिनीमा पनि मनाइएको छ। लुम्बिनी विकास कोषसहित लुम्बिनी होटल संघ, लुम्बिनी पर्यटन व्यवसायी संघ लगायतका संस्थाहरुले लुम्बिनी भ्रमणमा आएका पर्यटकहरुलाई स्वागत गरेर दिवस मनाइएको हो।
नेपाल समय
लुम्बिनी

नागरिकता विधेयक रोकिँदा लाखौं अनागरिक भए: गृहमन्त्री

गृहमन्त्री बालकृष्ण खाणले राष्ट्रपतिले नागरिकता विधेयक रोकेर संविधानमाथि अतिक्रमण गरेको टिप्पणी गरेका छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना